2. Korintarja 8:18 - O Debleskro Lab 2024 (Sinte-Manouche)

¹⁸ Khetne leha bičram i vavar phrales. Kova hayvell mishto o lačo lab o Yezous Kristestar te penell. Dran kova hi lo an-diklo an hake gaba oun forya, kay i patsle khetne venna.

O Debleskro Drom 2021 (Sinte)

¹⁸ Khetne leha bitchram i wawar phrales. Kowa haiwell mishto o latcho lab o Jesus Kristestar te penell. Dran kowa hi lo an-diklo an hake gaba un forja, kai i patsle khetne wenna.

2. Korintarja 8:18 ပူးပေါင်းရင်းမြစ်များ

Remarja 16:4

Har kaman man i menshe te marell, van le ap miri rig. Lengro djipen his lenge či moldo. Pash lende parkrau man gar kokres, na-a, ninna i tsele patsle, kay kek bibolde hi, parkrenn pen pash lende.

1. Korintarja 16:3

Te vom pash t'mende, rodenn t'menge morshen vin, kay hi mishto an t'mare yaka. Oun me bičrau len kol loventsa an o foro Yerusalem, oun dau len lila peha, hoy dren činlo hi, koneske kol love hi oun konestar.

1. Korintarja 4:17

Me bičrom o Timoteste pash t'mende. Kova hi miro kamlo oun lačo čavo an o patsepen. Yob penell t'menge, har me ko drom djau, hoy o Yezous Kristo sikras mande, oun har rakrau lestar an hake gaba oun forya, kay i patsle khetne venna.

1. Korintarja 7:17

Kova, hoy t'menge kanna penau, penau me i tsele patslenge, kote, kay yon khetne venna. Mer lauter hounte djivas maro djipen ap koy platsa, kay maro ray Yezous men čivas, oun hounte ačas koy pashel, hoy mer hams, har o Devel men gole das:

2. Korintarja 12:18

Me mangom o Tites, te djal lo pash t'mende, oun bičrom i vavar phrales leha. Nay penenn t'mer, kay o Tito t'mendar čomone čoras? Na-a! O Tites hi o emligo baro dji t'menge har man. Mer douy djah ninna ko emligo drom.

2. Korintarja 2:12

Har vom me an o foro Troas, te penap kote o lačo lab o Yezous Kristestar, kras o Devel i menshengre djia pre.

2. Korintarja 8:19

Oun kova hi gar lauter! I patsle rodan les vin, te djal lo mentsa khetne ap maro drom pash kol patslende, kolen mer kol love anah. Kova krah, te vell o Devel sharedo, oun te dikenn kol patsle kote maro kamlepen, hoy men lenge hi.