2. Korintarja 7:8 - O Debleskro Lab 2024 (Sinte-Manouche)

⁸ T'menge his ropaske pral ko liil, hoy t'menge činom. Kova khaytas man. Kanna khaytell man gar, te činom o liil, ninna te his t'menge i tikno tsiro ropaske pral ko liil.

O Debleskro Drom 2021 (Sinte)

⁸ Tumenge his ropaske pral ko liil, hoi tumenge tchinom. Kowa khaitas man. Kanna khaitell man gar, te tchinom o liil, ninna te his tumenge i tikno tsiro ropaske pral ko liil.

2. Korintarja 7:8 ပူးပေါင်းရင်းမြစ်များ

Ropaskre gilja 3:32

Ninna te doukell lo yekes, vell lo leske pale kamles. Yaake baro hi leskro lačepen.

Johanni 16:6

Kova, hoy t'menge penom, doukell t'men an o dji.

Johanni 21:17

O Yezous poučas lestar o triinto kopo: “Simon, tou, o Yohanneskro čavo, kameh tou man o djiyestar?” Koy vas o Petreske ropaske pral kova, kay yob triin kope poučas: Kameh tou man o djiyestar? Oun yob penas: “Ray, tou djineh halauter. Tou djineh, kay me tout kamau o djiyestar.” Penas o Yezous: “De mire bakren te rhal!

2. Korintarja 7:11

T'menge his ropaske pral ko koova, hoy mank t'mende djas, oun o Devel dikas lačes ap t'mende. Kanna dikenn, havo lačo koova dran kova vas: T'mer kamenn lauter mishto te krell, oun kamenn te sikrell, te hi t'men kek doosh. T'mer van rhoyedo pral koleste, kay ko koova kras. Oun t'men his daar miri rholyatar. O tselo djiyestar kaman t'mer kova te krell, hoy mishto hi an mire yaka. Doleske dan t'mer koles i phagi, kay doosh ap leste his. Yaake sikran, kay his t'men kek doosh pral ko koova.

2. Korintarja 7:12

Čačepah, har činom t'menge ko liil, krom kova gar koleske, kay kras ko čilačo koova. Vitar gar činom ko liil koleske, ap koleste ko vavar o čilačo koova kras. Na-a, me činom ko liil, te sikrenn t'mer o Debleste, kay kamenn t'mer lauter te krell, hoy me t'menge penom.

2. Korintarja 7:6

Kolen bouder kek zoor hi, kolen dell o Devel nevi zoor. Oun yob das men nevi zoor an o dji, har vas o Tito pash mende.

2. Korintarja 7:7

Gar kokres, kay yob vas, kras men zorelo. Na-a, mer lam boudeder zoor, har shounam, have lače laba t'mer leske penan. Yob penas menge, te kamenn t'mer man o tselo djiyestar pale te dikell. Yob penas ninna, har t'mer rovan oun lauter krenn, te venn mange ap i rig. Har shounom kova lauter, vom gomme barhtleder.

2. Korintarja 7:9

Kanna hom barhtelo, gar pral kova, kay his t'menge ropaske. Na-a, hom barhtelo, te anas t'men koy douk pral o čilačo koova pale ap o čačo drom. Har his t'menge ropaske pral t'mari doosh, dikas o Devel lačes ap t'mende. Doleske his ko liil, hoy činom, t'menge mishto.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!