2. Korintarja 7:4 - O Debleskro Lab 2024 (Sinte-Manouche)

⁴ Me patsau ap t'mende. Oun me sharau man t'mentsa. Ninna te vell boud pharo koova ap mende, hi miro dji zorelo oun man hi i bari barht an mande pral t'mende.

O Debleskro Drom 2021 (Sinte)

⁴ Me patsau ap tumende. Un me sharau man tumentsa. Ninna te well bud pharo koowa ap mende, hi miro dji sorelo un man hi i bari bacht an mande pral tumende.

2. Korintarja 7:4 ပူးပေါင်းရင်းမြစ်များ

Bičepangre 5:41

Koy djan yon penge i pralstunendar. Oun yon his barhtelo, te hi le o Debleske yaake boud moldo, te rodas lo len vin, te rhan le dava o Yezouseske.

Remarja 5:3

Kova hi gar lauter. Ninna ham barhtelo pral i douka, hoy hounte las mer ap mende. Mer djinah, kol douka krenna, te dikas ap o Debleste.

1. Korintarja 1:4

Me parkrau man hako tsiro t'menge pash miro Debleste. Yob hi t'menge yaake lačo oun kras, te prindjrenn t'mer o Yezous Kristes.

2. Korintarja 1:4

Ninna te vell boud pharo koova ap mende, hi lo pash mende oun krell mare djia zoreles, te penas mer kolenge lače laba, ap kolende ninna pharo koova vella, te venn yon pale zoreles, yaake har kras o Devel mare djia zoreles.

2. Korintarja 10:8

Me nay penoms gomme boudeder mandar, te das man maro ray Yezous peskro čačo vast. Te penoms me kova, vals kova čačo. Yob das man peskro čačo vast, te krap t'men zoreles an o patsepen, gar te krap t'men paash.

2. Korintarja 11:21

Me ladjau man te penap: Kova nay anoms me gar pral o dji! Kanna rakrau čačepah har i dinelo: Te patsell yek, te nay krell lo pes baro, palle nay krau man me ninna baro.

2. Korintarja 2:14

Me parkrau man pash o Debleste, te dell lo men i zoor, te djas ap o Yezouseskro drom. Khetne o Yezouseha ham hako tsiro zorleder har o čilačepen. Oun kote, kay penah i menshenge o lačo lab o Yezousestar, hi kova yaake, har te vell i lačo soungepen pash boud menshende.

2. Korintarja 3:12

Mer djinah zoreles, te hi kova yaake. Doleske hi men kek traash, te penas kova yaake i menshenge.

2. Korintarja 7:14

O Tito dikas ko lačo koova, hoy leske t'mendar penom, kova his kek rhorhepen. Yaake har lauter čačo hi, hoy t'mentsa rakram, yaake hi ninna ko tselo lačepen čačo, hoy leske penom t'mendar.

2. Korintarja 8:24

Lenn len pre an o tselo kamlepen, te dikenn i tsele patsle, kay khetne venna, kay mer sharam t'men gar čičeske glan lende.

Filiparja 1:14

Ninna boud patsle van zorleder an o patsepen ap o rayeste, o Yezouseste, kanna, kay me stildo hom. Kolen hi bouder kek traash, te sikrenn le i menshende o Yezouseskro drom.

Filiparja 1:20

Me patsau te rikrell man o Devel an o vast, oun kamau o tselo djiyestar te krap či, kay hounte ladjap man glan leste. Kamau gar, te trashap i menshendar. Yaake har rakrom hako tsiro o Yezous Kristestar, oun trashom lendar gar, yaake kamau les ninna kanna an o stilepen te krell, ninna te hounte merap, te dikenn i menshe ap miro djipen oun ap miro merepen, har baro oun raylo o Yezous Kristo hi.

Filiparja 2:17

Me anom t'men ap o Debleskro drom. Doleske hom me glan leste tardo har i rashay, kay anell leske t'maro patsepen. Ninna te meroms pash miri boudi o Yezous Kristeske, hom me kanna barhtelo t'mentsa khetne pral t'maro patsepen.

Kolossarja 1:24

Oun kanna hom barhtelo an kol douka, hoy anom t'menge ap mande. Yaake har o Yezous Kristo anas douka ap peste i patslenge, yaake hounte anap me ninna douka ap mande i patslenge.

1. Tessalonikarja 2:19

Mer ham barhtelo pral t'mende. Oun mer dikah ap ko dives, kay vell maro ray Yezous pale. Palle nay sharah men t'mentsa.

1. Tessalonikarja 2:2

Glan ko tsiro, kay vam pash t'mende, hams an o foro Filipi. Ninna te vam kote palla lino oun dino, har t'mer djinenn, djam pal kova pash t'mende an o foro Tessalonika. O Devel das men i zoor, te penas t'menge o Debleskro lačo lab, ninna te his pash t'mende boud menshe, kay kran menge o djipen phares.

2. Tessalonikarja 1:4

Mer sharah men t'mentsa pash i patslende, kay venn khetne an o Debleskro lab an i vavar forya, oun penah lenge, hoy t'mer lauter ap t'mende lenna, oun te moukenn gar t'maro patsepen, ninna te lenn le t'men palla oun krenn t'maro djipen phares.

Filemon 1:7

Miro phraal! Tiro kamlepen, hoy hi tout i patslenge, kova kras lengre djia zoreles. Oun kova, hoy tou lenge kral, kras man ninna barhteles, oun das man nevi zoor.

Jakobo 1:2

Mire phrala, te vell pharo koova ap t'mende, palle dikenn koy pre, har te vell kova i barht t'menge.