2. Korintarja 7:2 - O Debleskro Lab 2024 (Sinte-Manouche)

² Krenn t'mare djia menge pre! Mer kram kekes i čilačo koova oun doukram kekes, oun rhorhram kek menshes.

O Debleskro Drom 2021 (Sinte)

² Krenn tumare djia menge pre! Mer kram kekes i tchilatcho koowa un dukram kekes, un chochram kek menshes.

2. Korintarja 7:2 ပူးပေါင်းရင်းမြစ်များ

4. Mose 16:15

Koy vas o Mose rhoyedo, oun penas ap o baro Debleste: “Ma dik lačes ap kova, hoy yon tout denna! Me lom gar i bourika lendar, oun krom len kek čilačepen.”

Mateo 10:14

Kote, kay lenn le t'men gar pre, oun kamenn t'men gar te shounell, kote djan t'menge dran ko kheer oun dran ko foro vin! Oun denn koy čik t'mare pirendar tele!

Mateo 10:40

Koon t'men an peskro kheer lella, lell man an peskro kheer. Oun kova, kay man an peskro kheer lella, kova lell koles an peskro kheer, kay man bičras.

Louka 10:8

Te venn t'mer an i foro, oun yon lenn t'men pre, rhan, hoy yon t'men denna!

Bičepangre 20:33

T'mer djinenna: Me mangom kekestar t'mendar čomone: kek sonakay, kek roup, kek an-ripaske. Mire vastentsa boudrom, te vell man oun kolen, kay pash mande hi, te rhal.

Remarja 16:18

Save menshe boudrenn gar maro rayeske, o Yezous Kristeske. Na-a, yon krenn, hoy lenge kokres mishto hi. Shoukar labentsa oun baro rakepen anenn le kolen o Debleskro dromestar tele, kay denn gar yak.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

2. Korintarja 11:16

Me penau pale: Kamau gar, te penell yek, me hom dinelo. Oun ninna te patsenn t'mer, te hom dinelo, palle mangau t'men: Lenn man pre har i dineles, te sharap man me nay ninna i tikno kotar!

2. Korintarja 11:9

Har me pash t'mende homs, oun mange his gar doha djipaske, mangom kekestar t'mendar čomone. I patsle phrala, kay van dran o them Macedonia, anan mange yaake boud, te nay djivom pash t'mende. Yaake perom kekeske t'mendar ap i possita. Oun yaake kamau kova ninna te krell an ko tsiro, hoy vella.

2. Korintarja 4:2

Djungelo koova, hoy krenn i menshe čorrhanes, kova krah mer gar. Mer rhorhah kek menshen oun penah o Debleskro lab yaake har činlo hi, oun gar vavarčandes. Yaake djivah glan o Debleste oun rakrah o čačepen, te hayvell nay hakeno, kova, hoy penah, hi čačo.

Filiparja 2:29

Lenn les o djiyestar pash t'mende pre! Yob hi maro phraal an o patsepen ap o rayeste, o Yezouseste. Save phrala har yob hi t'menge boud moldo.

Kolossarja 4:10

O Aristarko, kay mantsa an o stilepen hi, penell t'menge “Ačenn o Debleha!” Ninna o Marko oun ko Yosua, kay ninna Yusto kharella, penenn t'menge “Ačenn o Debleha!” O Marko hi o kakeskro čavo o Barnabestar. Te vell lo pash t'mende, lenn les kamles pre, har penom t'menge glan i tsiro! Kolla triin morsha hi bibolde, kay ap o Yezous Kristeste patsenna. I tsele biboldendar, kay kate hi, krenna kol triin kokres mantsa khetne o Debleskri boudi. Yon dan man zoor an miro dji.

1. Tessalonikarja 2:10

O Devel dikas, har djivam mashkral t'mende. Oun t'mer, kay ap leste patsenna, dikan ninna, te djivam yaake pash t'mende har o Devel kamella, oun djam pal o čačepen, te hatsas kek i doosh ap mende.

Filemon 1:12

Koles bičrau touke pale. Oun miro dji djal leha.

Filemon 1:17

Me te hom tiro maal, palle le les pash toute pre, yaake har tou man pre lals.

2. Johanni 1:10

Te vell yek pash t'mende, oun penell t'menge vavar koova har kova, hoy o Yezous Kristo menge penas, koles lenn gar an t'maro kheer! Parkrenn les vitar gar!