2. Korintarja 7:10 - O Debleskro Lab 2024 (Sinte-Manouche)

¹⁰ Te hi yekes ropaske pral peskri doosh, oun o Devel dikell lačes ap leste, anell les kova ap o Debleskro drom, oun o Devel dell les o djipen. Oun kova khaytell kekes. Te hi yekes ropaske pral i phoubyakro koova anell les kova an o merepen.

O Debleskro Drom 2021 (Sinte)

¹⁰ Te hi jekes ropaske pral peskri doosh, un o Dewel dikell latches ap leste, anell les kowa ap o Debleskro drom, un o Dewel dell les o djipen. Un kowa khaitell kekes. Te hi jekes ropaske pral i phubjakro koowa anell les kowa an o merepen.

2. Korintarja 7:10 ပူးပေါင်းရင်းမြစ်များ

1. Mose 30:1

Har i Rachel dikas, kay anas yoy o Yakobeske kek čaven ap i phoub, zilveras yoy ap peskri phenyate, oun penas ap o Yakob: “De man čave! Te deh man kek, merau me.”

2. Samuel 12:13

Koy penas o David ap o Nataneste: “Me anom doosh ap mande, oun krom i čilačo koova ap o baro Debleste.” Penas o Natan: “Kanna las o baro Devel tiri doosh toutar krik, oun tou mereh gar.

2. Samuel 13:4

Kova penas: “Hoske dikeh yaake nasseles vin, rayeskro čavo, hako dives boudeder? Kameh tou mange kova penell?” Koy penas o Amnon ap leste: “Me kamau i Tamarat o djiyestar, koy phenyat miro phralestar Absalom.”

2. Samuel 17:23

O Ahitofel shounas, kay vas kova gar kerdo, hoy yob penas. Koy čivas lo i ledertikri plarhta ap peskri bourika, beshas pes koy pre oun klissas khere an peskro foro. Kote penas lo i menshenge an peskro kheer, hoy te krenn le pal leskro merepen. Palle bladas lo pes pre, oun meras. Oun yob vas paskedo an o moulengro kheer peskro dadestar.

1. Rajengro liil 21:4

Kote djas o Ahab an peskro kheer, doukedo oun rhoyedo pral ko lab, hoy o Nabot dran Yesreel ap leste rakras, har penas lo: “Me dau tout kova gar, hoy mire phourendar lom pal lengro merepen.” Oun o Ahab čivas pes ap peskro čiben, oun čivas peskro mouy ap i vavar rig, oun rhas či.

Debleskri gili 38:18

Hi bouder gar dour, te perap, oun mire douka hi hako tsiro glan mire yaka.

Gosewe laba 15:13

I barhtelo dji moukell o mouyes te sal. Kones i pharo dji hi, koles hi či sapaske.

Gosewe laba 15:15

Kolen, kay i pharo dji hi, kolenge hi hake divessa čilače. Yekes, kay shoukapen an o dji hi, leskro dji givell oun bashrell hako dives.

Gosewe laba 17:22

I barhtelo dji hi mishto tiro sastepaske. Te hi touke hako tsiro ropaske, nashreh tiri zoor.

Gosewe laba 18:14

I mensho kay zorelo an peskro dji hi, nay hidjrell peskro nasslepen. Te hi leskro dji phagedo, har nay hidjrell lo peskro pharepen?

Sikepaskro 7:3

Ropen hi feteder har sapen; pash o ropen nay vell yekeskro dji feteder.

Jeremia 31:9

Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

Ezekiel 7:16

Oun kolla, kay nay nashenn penge, djivenn ap i berge har darene taube mank i bare barra, oun rovenn pral pengri doosh.

Jona 3:10

Har o Devel dikas, hoy yon kran, har moukan le pengre čilače dromma, kote khaytas o Debles koy bibarht, hoy kamas lo pral lende te anell, oun yob kras les gar.

Jona 3:8

Oun halauter hounte čivenn gone pral pende: i menshe oun i firhe. Oun hakeno hounte kharell ap o Debleste peskri tseli zoryah. Oun hakeno hounte moukell peskro čilačo drom oun ko čilačo koova, hoy lo kras.

Jona 4:9

Oun o Devel penas ap o Yona: “Havo čačepen hi tout, te rhoyress tout yaake pral ko bour, hoy tele meras?” Oun yob penas: “Čačepah, mange hi yaake čačo, te rhoyrap man, te kamau te merell.”

Mateo 26:75

Oun o Petreske van o Yezouseskre laba an o shero, hoy yob leske penas: “O bashno dell gar gole yaake rah, har tou man gar triin kope bourhoste dal.” Oun o Petro djas dran o baro voudar vin, oun rovas zoreles.

Louka 15:10

Me penau t'menge ninna: O Debleskre bolepangre hi barhtelo pral yekeste, kay moukell peskro čilačo drom oun djal ap o Debleskro drom.

Louka 18:13

Ko pale-čiddo ačas palla tardo, oun hadas gar peskro shero pre. Oun yob das ap peskro beč, te sikrell lo, kay leskro čilačo koova khaytas les, oun penas: Miro Devel, me hom i čilačo morsh. Dik ap mande oun ab mange lačo!”

Bičepangre 11:18

Har yon kova shounan, čingran le bouder gar ap o Petreste. Yon sharan o Debles oun penan: “O Devel sikras ninna kolende peskro drom an o nevo djipen, kay hi kek bibolde. Yon nay moukenn pengro čilačo drom oun venn ap o Debleskro drom.”

Bičepangre 3:19

Moukenn t'maro phouro djipen oun avenn pash o Debleste, te lell yob t'mari doosh t'mendar!

2. Korintarja 12:21

Me trashau te ladjap man t'menge glan o Debleste ap ko dives, kay vau pale pash t'mende, oun te vell mange ropaske pral boudende, kay kamenn pengro phouro djipen gar pre te dell, oun djivenn an djoungelo oun vi-ladjedo koova oun loubrenn pen trouyel yaake har kran le an ko tsiro, har yon gomme gar patslo his.

2. Korintarja 7:9

Kanna hom barhtelo, gar pral kova, kay his t'menge ropaske. Na-a, hom barhtelo, te anas t'men koy douk pral o čilačo koova pale ap o čačo drom. Har his t'menge ropaske pral t'mari doosh, dikas o Devel lačes ap t'mende. Doleske his ko liil, hoy činom, t'menge mishto.

Hebrearja 12:17

T'mer djinenn, hoy pal kova vas. O Esau nay kras bouder či vavarčandes. Ninna te rovas lo zoreles glan peskro dadeste, vas lo ap i rig čiddo. Leskro dad nay rakras bouder gar koy barht pral leste vin, hoy hounte lals lo.

1. Samuel 30:6

Oun i morshengre djia rovan pral lengre čavende oun čen, oun yon van yaake rhoyedo ap o Davideste, te kaman le les moulo te dell i barrentsa. Oun o David vas an i pharo tsiro. Oun yob las peskri zoor o baro Deblestar, kay leskro Devel hi.