2. Korintarja 6:6 - O Debleskro Lab 2024 (Sinte-Manouche)

⁶ Maro djipen sikrella, te ham o Debleskre boudepangre. Mer djivah i djoudjo djipen oun djinah, hoy o Devel kamella. Mer vah gar khino an mare djia, ham kamlo, oun krah, hoy o Debleskro Dourho menge penella. Oun an maro kamlepen hi kek rhorhepen.

O Debleskro Drom 2021 (Sinte)

⁶ Maro djipen sikrella, te ham o Debleskre budepangre. Mer djiwah i djudjo djipen un djinah, hoi o Dewel kamella. Mer wah gar khino an mare djia, ham kamlo, un krah, hoi o Debleskro Ducho menge penella. Un an maro kamlepen hi kek chochepen.

2. Korintarja 6:6 ပူးပေါင်းရင်းမြစ်များ

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

Remarja 12:9

An t'maro kamlepen hounte vell kek rhorhepen! Moukenn o čilačepen oun krenn o lačepen!

Remarja 15:19

Oun yob sikras peskri zoor, har kras o Debleskro Dourho baro koova, hoy kek vavar nay krella. Yaake penom o lačo lab o Yezous Kristestar an o tselo them troul o foro Yerusalem bis an o them Illirikum.

1. Korintarja 12:8

Ko yekes dell o Debleskro Dourho i gosevo lab, oun i vavares, te hayvell lo, hoy o Devel kamella. Oun yob penell kova i vavarenge doureder. Hi yek Debleskro Dourho, kay kova lauter krella.

1. Korintarja 13:4

Kones hi o Debleskro kamlepen an o dji, kova rikrella lauter vin. Yob hi lačo oun zilverella gar. Yob krell pes gar bares oun sharell pes gar.

1. Korintarja 2:16

Kova hi yaake, har an o Debleskro lab činlo hi: Kek djinella, hoy an o Debleskro dji hi. Kek nay vell leskro sikepaskro. Mer, kay patsle ham, men hi o Yezouseskro Dourho.

1. Korintarja 2:4

Me rakrom t'mentsa gar zorele oun goseve labentsa, te anap t'men ap o Debleskro drom. Na-a, o Debleskro Dourho rakras zoreles ap t'mende,

2. Korintarja 1:23

Kanna penau t'menge, hoske djom gar pash t'mende. Me kamom t'men gar pale te doukrell. Glan o Debleste penau t'menge kava pash mo djipen.

2. Korintarja 11:11

Hoske penau me kova yaake? Hi man kek kamlepen t'menge? O Devel djinella, kay kamau t'men o djiyestar.

2. Korintarja 11:4

Hi yaake: Te vell yek pash t'mende oun sikrell t'men i vavar drom, har ko drom, hoy mer t'mende sikram, palle nashenn t'mer leske palla. Te rakrell lo pral i vavar Yezous oun i vavar Debleskro Dourho, har kova, hoy an t'mende vas, palle shounenn t'mer mishto ap ko rhorheno morsheste.

2. Korintarja 11:6

Ninna te nay rakrau gar yaake mishto har kol vavar, djinau ninna yaake boud har yon. Kova nay dikan t'mer hako kopo, kay rakrom, oun an hako koova, hoy krom.

2. Korintarja 12:15

T'menge doms me lauter, hoy man hi, ninna miro djipen. Miro dji hi baro t'menge. Hi t'men doleske kek kamlepen mange?

2. Korintarja 13:10

Kava činau me t'menge kanna, kay hom dour krik t'mendar. Te vau pash t'mende, kamau gar te čingrell t'mentsa i zoryah, hoy das man maro ray Yezous. Kay zoor das lo man, te krap t'men zoreles, gar te krap t'men paash.

2. Korintarja 2:10

Te bistrenn t'mer o čilačepen, hoy o vavar ap t'mende kras, palle bistrau me kova ninna. Ava, te dals čomone, hoy hounte bistroms me, palle bistrom me kova t'menge. Kova djinell o Yezous Kristo.

2. Korintarja 2:4

Doleske činom t'menge ko liil boud ropah oun traash an miro dji. Kamom gar, te doukrap t'men. Na-a, me kamom, te dikenn t'mer, kay kamau t'men o tselo djiyestar.

2. Korintarja 3:3

Dran mari boudi van t'mer pash o Yezous Kristeste. Oun kanna han har i liil, hoy vella o Yezous Kristestar. Kava liil činas o Dourho o djido Deblestar, oun kek mensho. Kava liil vas gar činlo ap i barra. Na-a. Kava liil vas činlo an i menshengre djia, an t'mare djia.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

2. Korintarja 7:2

Krenn t'mare djia menge pre! Mer kram kekes i čilačo koova oun doukram kekes, oun rhorhram kek menshes.

Galatarja 3:2

Kova kamau me t'mendar te djinell: Har djas kova, kay lan o Debleskro Dourho? Lan t'mer les, har t'mer kran, hoy o Moseskre laba penenna? Na-a, t'mer lan les, har shounan o Yezousestar oun patsan ap leste.

Galatarja 3:5

O Devel das t'men peskro Dourho oun kras pash t'mende boud baro oun zorelo koova, hoy kek vavar nay krella. Kras lo kova, har djivan t'mer pal o Moseskre laba? Na-a! Yob kras kova, har t'mer shounan o Yezousestar oun ap leste patsan.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Efesarja 3:4

Te draverenn t'mer miro liil, palle hayvenn, kay prindjrau kova, hoy o Yezous Kristo menge kras.

Efesarja 4:2

Ma krenn t'men bares! Avenn lačes yek ap o vavareste! Denn i vavaren gar yaake sik pre! Djivenn khetne an o kamlepen!

Efesarja 4:32

Avenn kamlo yek ap o vavareste, oun lenn i dji o vavareske! Bistrenn o čilačepen, hoy o vavar ap t'mende kras! Ninna o Devel bistras t'maro čilačepen, har o Yezous Kristo t'menge meras.

Kolossarja 1:27

Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.

Kolossarja 2:3

Yob kokres nay dell t'men o tselo gosvepen, te hayvenn o Debleskro lab mishto.

Kolossarja 3:12

T'mer han kanna o Debleskre menshe, kolen yob peske vin rodas. Yob kamell t'men o djiyestar. Doleske hounte vell t'men i baro dji o vavareske, te vell hakeno lačo ap o vavareste, te krell pes kek bareder har o vavar, te rakrell hakeno lačes o vavareha, te dell kek o vavares sik pre,

1. Tessalonikarja 2:10

O Devel dikas, har djivam mashkral t'mende. Oun t'mer, kay ap leste patsenna, dikan ninna, te djivam yaake pash t'mende har o Devel kamella, oun djam pal o čačepen, te hatsas kek i doosh ap mende.

1. Timoteo 4:12

Ninna te hal tou terno, ma mouk tout ap i rig te čivell! Tou djivess yaake, te dikenn i vavar patsle, har hounte djivenn yon. Kova dikenn le ap tire laba, tiro djipen, tiro kamlepen i vavarenge, tiro patsepen ap o Yezouseste, oun tiro djoudjo dji.

1. Timoteo 5:2

Rake i phouri djouvyah, har te vals li tiri day! Rake i terne djouvyentsa, har te vans le tire phenya, oun kre kova i djoudjo djiyeha!

2. Timoteo 3:10

Me sikrom tout, har te djas ap o Debleskro drom, oun tou ačal ap leskro drom, oun djival yaake, har me touke glan djivom. Tou kameh kova, hoy me ninna kamau. Tou dikal, har me patsau ap o Yezous Kristeste. Oun tou djineh, har rikrom ap o patsepen. Tou djineh ninna, har kamom i vavaren o djiyestar, oun har rikrom lauter vin.

2. Timoteo 4:2

Pen i menshenge o Debleskro lab! Kre kova oun mouk gar tele, ninna te kamenn i menshe kova gar te shounell! Sike len lengri doosh! De len trad, te moukenn le o čilačepen! Kre lengre djia zoreles an o patsepen! Oun ab gar khino, te sikress len o čačo drom!

Tito 2:7

An hako koova sike lende, har tou kova kreh, te krenn le ninna lačo koova! Pen o Debleskro lab an o čačepen, te djal les hakeneske an o dji!

Jakobo 3:17

Ko gosvepen, hoy o Deblestar vella, hi vavarčandes. I mensho, kay hi les kava gosvepen, kova djivell i djoudjo djipen. Yob kamell te djivell lo lačes i vavarentsa khetne. Yob hi kamlo oun lačo. Les hi i dji i vavarenge, oun krell boud lačo koova. Yob moukell pes gar ap yekeskri rig te tserdell. Les hi gar douy čipya.

1. Petro 1:12

Kol Debleskre rakepangre hayvan, kay kova gar lenge kokres hi, hoy len o Devel sikras. Kova hi t'menge, kay kanna djivenna. T'menge vas o lačo lab o Yezous Kristestar penlo. Kolla, kay penan les t'menge, rakran kova, hoy penas lenge o Debleskro Dourho. Koles bičras o Devel dran o bolepen. Ninna i bolepangre kamenn o Yezouseskro raylepen te dikell.

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!

1. Johanni 3:18

Mire čave, mer te kras gar bare laba te penah, kay kamah i menshen i djiyestar. Na-a, o čačo kamlepen dikenn le ap kova, hoy yek o vavareske krella.

Čačepangre 16:15

Kote penas li ap leste: “Har nay peneh tou ap mande me kamau tout, te hi tiro dji gar mantsa? Triin kope rhorhral tou man, oun penal mange gar, kay tiri bari zoor vell.”