2. Korintarja 5:8 - O Debleskro Lab 2024 (Sinte-Manouche)

⁸ Čačepah, maro dji hi zorelo, oun mer kamams, te moukas i phoub, te vas khere pash o Debleste.

O Debleskro Drom 2021 (Sinte)

⁸ Tchatchepah, maro dji hi sorelo, un mer kamams, te mukas i phub, te was khere pash o Debleste.

2. Korintarja 5:8 ပူးပေါင်းရင်းမြစ်များ

Debleskri gili 16:11

Tou sikreh o drom, kay an o djipen anell. Pash toute hom barhtelo. Te hom kote, kay tou hal, bashrell miro dji hako tsiro.

Debleskri gili 17:15

Me krom, hoy čačo hi. Doleske nay dikau tout. Te djangrau pre, dikau me tout oun hom čalo i barhtyatar.

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Mateo 25:21

Penas o ray ap leste: Kova kral tou mishto. Tou hal i lačo boudepaskro. Me dom tout i tikni boudi, oun tou kral kay boudi mishto. Doleske dau me kanna boud koova an tire vasta. Ab an miro kheer dren, te vess tou mantsa barhteles!

Mateo 25:23

Penas o ray ap leste: Kova kral tou mishto. Tou hal i lačo boudepaskro. Me dom tout i tikni boudi, oun tou kral lat mishto. Doleske dau me kanna boud koova an tire vasta. Ab an miro kheer dren, te vess tou mantsa barhteles!

Louka 2:29

“Miro Devel, miro ray, kanna nay merau me an o lačepen, yaake har tou penal.

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Johanni 14:3

Oun te krom halauter yaake, te nay tserdenn dren, vau me pale, oun lau t'men pash mande, te venn t'mer kote, kay me hom.

Johanni 17:24

Tata, me kamau, te venn kolla, kay tou man dal, pash mande, kote, kay me hom, te dikenn le miro raylepen oun miri zoor, hoy tou man dal. Tou kamal man o djiyestar, har o bolepen oun i phoub gar koy his.

Bičepangre 21:13

O Paulo penas: “Hoske rovenn t'mer, oun krenn mange miro dji pharo? Me kamau koy boudi te krell, hoy o ray Yezous man das, ninna te pandenn le man i shellentsa, ninna te marenn le man an o foro Yerusalem.”

2. Korintarja 5:6

Doleske ačell maro dji zorelo. Mer djinah: Yaake rah, har djivah ap i phoub, ham gar khere pash maro rayeste, o Yezouseste.

2. Korintarja 5:9

Doleske kamah lauter te krell, te vell yob barhtelo pral mende kate ap kay phoub, oun ninna kote pash leste.

1. Johanni 3:2

Lače phrala oun phenya, kanna ham Debleskre čave. Oun hoy mer vah an ko tsiro, hoy vella, djinah gomme gar. Yek djinah: Ap ko tsiro, kay vell o Yezous Kristo pale, dikah les har yob hi, oun mer vah yaake, har yob hi.

Debleskro tsiro 22:3

Kanna dell či bouder, hoy hi glan o Debleste praasedo. Oun o beshepaskro o Deblestar oun o terno bakrestar hi an o foro tardo. Oun leskre boudepangre hi leske koy,