2. Korintarja 5:20 - O Debleskro Lab 2024 (Sinte-Manouche)

²⁰ Yaake ham mer o Debleskre bičepangre. Men hi o Yezous Kristeskro čačo vast. Doleske mangah i menshendar, te venn le pash leste. Oun kova hi yaake, har te dell len o Yezous Kristo gole: “Avenn pash o Debleste! Avenn leskre mala!”

O Debleskro Drom 2021 (Sinte)

²⁰ Jaake ham mer o Debleskre bitchepangre. Men hi o Jesus Kristeskro tchatcho wast. Doleske mangah i menshendar, te wenn le pash leste. Un kowa hi jaake, har te dell len o Jesus Kristo gole: “Awenn pash o Debleste! Awenn leskre mala!”

2. Korintarja 5:20 ပူးပေါင်းရင်းမြစ်များ

2. Rajengro liil 17:13

Oun o baro Devel das kol menshen an o them Israel oun an o them Youda trad, har moukas lo peskre rakepangre oun dikepangre lenge te penell: “Moukenn t'maro čilače dromma! Oun krenn hoy me penau! Oun djivenn pal miro čačepen! Oun djan t'maro tselo djiyeha ap miro drom, hoy sikrom t'mare phourende. Oun djivenn pal kol laba, hoy penan t'menge mire boudepangre, kay mire rakepangre hi.”

2. Familjakro liil 36:15

Oun o baro Devel, lengro phourengro Devel, bičras boud bičepangren pash lende, te dell lo len trad. Les khaytan peskre menshen oun peskro kheer.

Nehemia 9:29

Oun tou dal len trad, te aness len pale pale ap tiro drom. Yon his pre-phourdo oun shounan gar ap tire laba, oun djivan gar pal tire čačepaskre laba, kolendar tou penal: Koon len rikrell, djivell. Oun yon sikran touke pengro doumo, oun pandan pengre djia, oun shounan gar ap toute.

Hiob 22:21

Yaake, ab o Debleha pale an o lačepen! Oun ma činge leha! Palle vell pale barht an tiro djipen.

Hiob 33:23

Te vell palle i bolepaskres pash leste, kova ap leskri rig hi, yek kol zeryendar, kolen o Devel vin bičrell, te penenn le menge, hoy menge mishto hi,

Hiob 33:6

Dik, glan o Debleste hom me yaake boud har tou hal. Oun me ninna hom dran i čik kerdo.

Gosewe laba 13:17

I čilačo bičepaskro anell bibarht. I bičepaskro o labestar rakrell yaake, te vell lauter pale mishto.

Jesaja 27:5

Yaake djal lauterenge, kay gar pash mande venn, te rikrap mire vasta pral lende. Mou venn le pash mande, te las kova krik, hoy mank mende tardo hi. Ava, mou venn le, te vas mer mala.

Jeremia 38:20

O Yeremia penas: Yon denn tout gar an lengro vast. Shoun ap o baro Debleskro rakepen, hoy me touke penau, palle djal touke mishto, oun tou ačeh djido.

Jeremia 44:4

Oun me bičrom lenge pale te pale mire rakepangre, kay mange boudran, oun moukom lenge te penell: “Ma krenn sau djoungelo koova, kay man zoryah rhoyrenna!”

Maleachi 2:7

Kova hi i rashayengri boudi: Yon hounte penenn o Debleskro lab an o čačepen, te nay djan i menshe pash lende, te kamenn le te djinell, hoy o baro Devel lendar kamella. I rashaya hi i bičepangre o baro Deblestar, ko rayestar pral o bolepen oun i phoub.

Louka 10:16

Pale penas o Yezous ap peskre malende: “Koon ap t'mende shounella, kova shounella ap mande. Oun koon shounell gar ap t'mende, kova shounell vitar gar ap mande. Kova, kay shounell gar ap mande, kova shounell ninna gar ap koleste, kay bičras man.”

Louka 14:23

Oun ko ray penas ap koleste: Dja vin ap i dromma glan o foro oun pash i bourra ap o them, kay menshe beshdo hi, oun pen lenge, te venn le pash mande. Rake lenge an o dji, te venn yaake boud menshe har djala an miro kheer!

Johanni 20:21

Pale penas o Yezous ap lende: “O Debleskri barht t'mentsa! Har miro dad man bičras, yaake bičrau me t'men.”

Remarja 5:10

Dikenn! Ap ko tsiro, kay kamam o Deblestar či te djinell, meras o Debleskro čavo menge. Leskro merepen anas men pash o Debleste, te djivas pale leha khetne. Oun kanna ham o Debleskre mala. Oun leskro čavo djivella, te djas mer gar nashedo.

2. Korintarja 12:10

Doleske hom gar bibarhtelo, te hi man kek zoor, te lau dava, te vell pharo koova ap mande, te lenn yon man palla, te vell i traash ap mande. Kova lau o Yezous Kristeske ap mande. Me djinau, te hi man kek zoor, palle dell man o Yezous Kristo zoor.

2. Korintarja 3:6

Yob kras dran mende peskre boudepangre, te sikras mer i menshende o nevo drom, kay o Devel oun i menshe mala venna. Ap o phouro drom hounte rikrenn le pen ap i činle laba. Kol phoure činle laba anenn i menshen an o merepen. Ap o nevo drom lenn le o Debleskro Dourho, hoy dell len o djipen.

2. Korintarja 5:11

Mer djinah, har trashas maro rayestar. Doleske rakrah i menshenge an o dji, te patsenn le ap leste. O Devel djinell, te djah mer o čačo drom. Kamoms, te djinenn an t'mare djia kova ninna.

2. Korintarja 6:1

Mer ham o Debleskre boudepangre. Doleske penah t'menge: Ma vitsrenn gar o Debleskro lačepen an i čik!

Efesarja 6:20

Koy boudi das man o Yezous Kristo. Doleske hom me kanna stildo. Ava, mangenn o Debles mange, te darap gar oun rakrap yaake, har miri boudi hi.

Kolossarja 1:20

Oun o Yezous Kristo hi ko drom, kay o Devel oun i menshe pale mala venna. Har yob ap o troushel meras, oun peskro rat ratas, anas o Devel lauteren pash peste khetne, hoy hi an o bolepen oun ap i phoub.

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.