2. Korintarja 5:14 - O Debleskro Lab 2024 (Sinte-Manouche)

¹⁴ O baro kamlepen, hoy o Yezous Kristo men das, bičrell men pash i menshende. Oun mer djinah, te meras yek menge, hi kova yaake, har te merans le lauter.

O Debleskro Drom 2021 (Sinte)

¹⁴ O baro kamlepen, hoi o Jesus Kristo men das, bitchrell men pash i menshende. Un mer djinah, te meras jek menge, hi kowa jaake, har te merans le lauter.

2. Korintarja 5:14 ပူးပေါင်းရင်းမြစ်များ

1. Familjakro liil 11:18

Koy čoran pen kol triin dren ap i platsa, kay kol Filistarya his, oun lan pani dran koy brounna pash ko foreskro voudar an Betlehem, oun anan kova pash o Davideste. Yob kamas gar te piyell, oun čoras ko pani vin o baro Debleske,

Hiob 32:18

Man hi boud laba te penell. Me nay rikrau gar mire laba pale, hoy an mande hi oun vin kamenn.

Kamlepaskri gili 1:4

Le miro vast, tradas men! Miro pirno mou anell man khere pash peste! Mer kamah khetne te sanell oun barhteles te vell. Tiro kamlepen hi mange shoukeder har mool. Kol čen hi čačo, kay tout kamenna.

Jesaja 53:6

Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Louka 15:24

Čačepah, miro čavo his moulo, oun vas djido. Yob his nashedo oun vas pale. Oun yon van lauter barhtelo.

Louka 15:32

Mer hounte vas barhtelo. Tiro phraal his moulo oun vas djido. Yob his nashedo oun hatsas pale khere.

Louka 24:29

Yon rikran les pale, oun penan ap leste: “Ač pash mende! I rati vella, oun vell tamlo.” Koy djas yob lentsa an o kheer,

Johanni 1:29

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

Johanni 11:25

Penas o Yezous ap late: “Me hom kova, kay djangrau len pre dran o merepen oun dau len o djipen. Koon ap mande patsella, djivella, ninna te merell yob.

Johanni 5:25

Čačepah, me penau t'menge: Ko tsiro vella oun hi kanna kay, kay i moule shounenn i gole o Debleskro čavestar. Oun kolla, kay shounenn, kay dell yob gole, kolla djivenna.

Bičepangre 18:5

Har o Silas oun o Timoteo dran o them Macedonia van, čivas o Paulo peskri boudi ap i rig, te nay penell lo i menshenge o Debleskro lab. An o Debleskro lab sikras lo i biboldende, kay o Yezous ko baro ray hi, koles o Devel bičras.

Remarja 2:2

Mer djinah, o Devel djal pal o čačepen, te dell lo kolen i phagi, kay savo čilačo koova krenna.

Remarja 5:15

Ko vavar mensho hi o Yezous Kristo. O Adam kras o čilačepen, oun boud menshe hounte meran. O Yezous Kristo anas o Debleskro lačepen, oun las boud menshen vin dran o merepen. Yaake dikah, o Debleskro lačepen hi boud bareder har o menshengro čilačepen.

Remarja 6:13

Denn yak, te krenn či t'mare vastentsa, heryentsa, yakentsa oun mouyentsa, hoy krell o čilačepen ap kay phoub zorleder! Djivenn o tselo djiyeha o Debleske, har save, kay his moulo, oun van pale djido. Krenn kova lauter, hoy krell o lačepen zorleder!

Remarja 6:6

Mer djinah, maro phouro djipen vas leha ap o troushel dino oun meras, te vell o čilačepen bouder gar o ray pral mende.

1. Korintarja 16:22

Koon o Yezouses, maro rayes, gar kamella, ap koleste vell i bibarht! Maranatha!

1. Korintarja 2:14

I mensho, koles o Debleskro Dourho gar hi, hayvell gar, hoy o Debleskro Dourho penella. O Debleskro koova hi leske dinlepen. Ko mensho nay dikell gar, har o Devel kova dikella.

2. Korintarja 3:7

Kol phoure činle laba, hoy anenn i menshen an o merepen, his činlo ap i barra. Har anas o Mose i menshenge kol barra, vas leskro mouy yaake rayles, te dikan nay i Israelitarya gar ap leste. Yaake dikah, ninna ap o phouro drom vas o Debleskro raylepen diklo, ninna te djas ko raylepen pal i tikno tsiro krik.

2. Korintarja 3:9

Kava nevo drom, kay venn i menshe čačo glan o Debleste, hi boud boud shoukeder har ko phouro drom, kay djan i menshe nashedo, ninna te vas kote i tikno kotar raylepen diklo.

Galatarja 2:20

Kova hom gar me, kay djivau kanna. Hi o Yezous Kristo, kay djivell an mande. Oun ko djipen, hoy kanna djivau, djivau me an o patsepen ap o Debleskro čaveste. Yob kamas te djivap, oun das peskro djipen mange an o merepen.

Efesarja 6:24

O Debleskro lačepen vell pral lauterende, kay kamenn maro rayes, o Yezous Kristes, o tselo djiyeha! Yob dell len o djipen, hoy gar pre-herella!

Kolossarja 2:13

An o phouro tsiro, har t'mer an o čilačepen djivan, hans moulo o Debleske, oun hans gar leskre menshe. Kanna kras o Devel t'men o Yezous Kristeha djido, oun las t'mari tseli doosh t'mendar.

Kolossarja 3:3

T'mer meran. Oun t'maro nevo djipen hi kanna o Yezous Kristeha pash o Debleste an o bolepen, ninna te dikenn kova kanna gomme gar.

1. Timoteo 2:6

Yob das peskro djipen i tsele menshenge. Yaake sikras o Devel an o čačo tsiro, kay kamell lo, te vell hako mensho vin lino dran o čilačepen oun o merepen.

1. Timoteo 5:6

Hi vavarčandes pash i djouvyate, kolakro rom bouder gar djivella, oun kay dikell ap peste kokres, te vell lat i shoukar djipen. Kolakro patsepen hi moulo.

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.

Hebrearja 2:9

Kones mer dikah, kova hi o Yezous. Yob his i tikno tsiro tikneder har i bolepangre, oun meras i menshenge. Doleske kras o Devel les baro oun raylo. Yaake lačo his o Devel i menshenge, te bičras lo o Yezouses lauterenge an o merepen.

Hebrearja 6:10

O Devel hi lačo oun čačo, oun bistrell gar t'maro kamlepen ap leste, har boudran i patslenge, oun krenn kova gomme kanna doureder.

1. Petro 1:8

Koles kamenn t'mer o djiyestar, ninna te dikan les gar. Ap leste patsenn t'mer, ninna te dikenn les kanna nay gar. T'maro patsepen anell t'men pash o Debleste an o bolepen. Kote hi t'mari barht yaake baro, hoy i labentsa nay gar penenna.

1. Johanni 5:19

Mer djinah, kay ham o Deblestar. I tsele vavar menshe ap i phoub hi an o bengeskro vast.