2. Korintarja 5:12 - O Debleskro Lab 2024 (Sinte-Manouche)

¹² Kova penah gar, te sharas mer men pash t'mende. Na-a, kova penah, te nay sharenn t'men mentsa. Yaake djinenn t'mer, hoy te penenn nay kol menshenge, kay dikenn ap kova, hoy pash i menshende boud moldo hi. I djoudjo dji hi lenge či moldo.

O Debleskro Drom 2021 (Sinte)

¹² Kowa penah gar, te sharas mer men pash tumende. Na-a, kowa penah, te nai sharenn tumen mentsa. Jaake djinenn tumer, hoi te penenn nai kol menshenge, kai dikenn ap kowa, hoi pash i menshende bud moldo hi. I djudjo dji hi lenge tchi moldo.

2. Korintarja 5:12 ပူးပေါင်းရင်းမြစ်များ

Gosewe laba 27:2

Mouk i vavaren tout te sharell oun gar tiro mouy! Hi feteder te sharell tout i vavareskro mouy har tiro mouy.

2. Korintarja 10:12

Mer krah men gar yaake bares, te penas, mer ham har kolla, kay penenn pendar, har mishto yon hi. Yon krenn pengro čačepen kokres vin oun patsenn, kova, hoy yon krenna, hi mishto. Doleske hayvenn yon či.

2. Korintarja 10:18

Kova mensho kras peskri boudi mishto, kones maro ray Yezous sharell. Oun gar kova kras peskri boudi mishto, kay pes kokres sharell.

2. Korintarja 10:7

Hayvenn, har kova hi! Yek, kay penell: O Yezous Kristo hi leskro ray, kova hounte dikell ninna, te hi o Yezous Kristo ninna miro ray.

2. Korintarja 10:8

Me nay penoms gomme boudeder mandar, te das man maro ray Yezous peskro čačo vast. Te penoms me kova, vals kova čačo. Yob das man peskro čačo vast, te krap t'men zoreles an o patsepen, gar te krap t'men paash.

2. Korintarja 12:11

T'mer kran, te rakrom har i dinelo. Me hounte sharoms man gar. Na-a, t'mer hounte sharans man. Ninna te voms me či, voms me yaake boud moldo har kol bare rakepangre pash t'mende, kay penenn, te hi le bičedo o Yezous Kristestar.

2. Korintarja 3:1

T'mer penans nay: Kanna sharenn le pen pale glan mende. Kova krah mer gar. Vitar gar hounte anas mer t'menge lila, kay dren tardo hi, har mishto mari boudi hi. Vavar menshe krenn kova, mer hounte kras kova gar. Vitar gar kamah t'mendar, te činenn t'mer menge save lila.

2. Korintarja 6:4

Mer kamah, te dikenn le hako tsiro ap mende, kay ham o Debleskre boudepangre. Doleske dah gar pre, ninna te vell boud pharo koova ap mende. Ninna te hi men gar doha djipaske, te vell i daar ap mende, rikrah vin.