2. Korintarja 4:7 - O Debleskro Lab 2024 (Sinte-Manouche)

⁷ O lačo lab o Yezous Kristestar hi i baro bravlepen, hoy mer hidjrah an mende. Mer kokres ham har čare, hoy či moldo hi, yaake te dikell hakeno, koy bari zoor vell o Deblestar, oun gar mendar.

O Debleskro Drom 2021 (Sinte)

⁷ O latcho lab o Jesus Kristestar hi i baro brawlepen, hoi mer hidjrah an mende. Mer kokres ham har tchare, hoi tchi moldo hi, jaake te dikell hakeno, koi bari soor well o Deblestar, un gar mendar.

2. Korintarja 4:7 ပူးပေါင်းရင်းမြစ်များ

Hiob 10:9

Ma biste, te kral man dran čik. Kameh tou kanna, te vap pale čik?

Hiob 33:6

Dik, glan o Debleste hom me yaake boud har tou hal. Oun me ninna hom dran i čik kerdo.

Hiob 4:19

Har boud boudeder hatsell lo doosh ap kolende, kay van dran čik kerdo – ap kolende, kay nay venn khetne stakedo har i kirmo.

Ropaskre gilja 4:2

I terne morsha dran o foro Sion, – kouč har o lačeder sonakay his le menge – kanna hi le gar boudeder moldo har pirya, hoy kerdo van dran čik!

Mateo 13:44

Kova, kay hatsas o drom pash o Debleste, koleske hi kova har i kouč bravlepen, hoy an i kotar phoub khatedo hi. Oun i mensho hatsell les, oun khatrell les pale. Oun yob hi yaake barhtelo koy pral, te bikrell lo lauter, hoy les hi, oun ginell ko kotar phoub.

Mateo 13:52

“T'mer dikenn,” penas lo, “hako čačepaskro, koon djinell o phouro biboldengro čačepen, oun ap mande patslo vas, kova hayvell kanna o nevo oun o phouro koova pral o Debleste, oun nay penell kova i menshenge.”

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

1. Korintarja 1:28

O Devel rodas kolen vin, kay an i menshengre yaka či molenna, oun kay gar mishto an-diklo hi, te sikrell lo, kova, hoy pash i menshende boud molella, hi pash leste či moldo.

2. Korintarja 10:10

Hi menshe mank t'mende, kay penenna: An peskre lila rakrell yob bare laba, oun hi zorelo. Te hi yob pash mende, hi yob tikno, oun an leskro rakepen hi kek zoor.

2. Korintarja 13:4

Har yob ap o troushel dino vas, his yob gar zorelo. Kanna djivell yob dran o Debleskri zoor. Yaake har o Yezous Kristo ap o troushel gar zorelo his, ham mer vitar gar zorelo. Oun yaake har yob djido vas, ham mer leha ninna djido oun zorelo dran o Debleskri zoor. Kova nay dikenn, te hom pash t'mende!

2. Korintarja 4:1

O Debles hi i baro dji menge, oun das men kay boudi, te sikras i menshende leskro drom. Doleske vah gar khino, te kras kova.

2. Korintarja 5:1

Mer djinah, maro djipen ap kay phoub ačell gar. Pal maro merepen lah i nevo troupo. Ko nevo troupo hi har i kheer, hoy kras o Devel oun kek mensho. Ko kheer ačell hako tsiro an o bolepen.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

Efesarja 3:8

Ninna te hom me o tikneder kol tsele patslendar, das lo man koy shoukar boudi, te djap pash kolende, kay hi kek bibolde, te penap lenge, havo baro bravlepen o Yezous Kristes lenge hi,

Kolossarja 1:27

Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.

Kolossarja 2:12

Har van t'mer taufedo, vas t'maro phouro djipen paskedo. Oun yaake van t'mer o Yezous Kristeha paskedo. Har t'mer ap leste patsan, kras o Devel t'men djido, yaake har yob o Yezous Kristes i moulendar djido kras.

Kolossarja 2:3

Yob kokres nay dell t'men o tselo gosvepen, te hayvenn o Debleskro lab mishto.

1. Tessalonikarja 1:5

Har vam pash t'mende, oun penam t'menge o Debleskro lačo lab, koy penam gar leskro lab kokres, na-a, koy dikan t'mer ninna o Debleskri zoor an halauter, hoy yob mashkral t'mende kras. Oun o Debleskro Dourho rakras ap t'mende, oun t'mer hayvan, leskro lab hi čačo. Ninna djinenn t'mer, har djivam maro djipen pash t'mende, oun sikram t'men o Debleskro drom.

1. Tessalonikarja 4:4

Hako morsh hounte djivell peskri romyah yaake khetne, har glan o Debleste mishto hi. Yob hounte dikell gar ap late, har te vals li či moldo.

2. Timoteo 2:20

An i baro kheer dell boud čare oun pirya: kolla dran sonakay oun roup, ninna vavar dran kasht oun rhačedi čik. Kol kouč čare oun pirya venn ap i rhapaskri čiddo, oun an kol vavar vell djoungelo koova dren čiddo.

Čačepangre 7:2

Oun o baro Devel penas ap o Gideon: “Tout hi boud lourde, hoy pash toute hi. Yaake nay dau i Midianarya gar an t'mare vasta. O Israel nay sharals pes oun nay penals: Mare vasta his, hoy men vin lan!