2. Korintarja 4:16 - O Debleskro Lab 2024 (Sinte-Manouche)

¹⁶ Doleske vah mer gar khino, ninna te moukell men mari zoor. Ko djipen, hoy o Devel an mende das, vell hako dives pale neves.

O Debleskro Drom 2021 (Sinte)

¹⁶ Doleske wah mer gar khino, ninna te mukell men mari soor. Ko djipen, hoi o Dewel an mende das, well hako diwes pale newes.

2. Korintarja 4:16 ပူးပေါင်းရင်းမြစ်များ

Debleskri gili 119:81

Miro dji nashell pal toute: Ab ap miri rig! Me dikau ap toute, te rakress mantsa.

Debleskri gili 27:13

Me djinau, te dikau me o lačepen o baro Deblestar an kava djipen.

Debleskri gili 51:10

Mouk man pale barht te hayvell! Tou phagal man, kanna mouk man pale te stell!

Debleskri gili 73:26

Te djal i zoor peske dran mande, oun miro dji bouder gar zorelo hi, palle ačeh tou, miro Devel, hako tsiro miri zoor oun miro bravlepen.

Jesaja 40:29

Yob dell kolen, kay khino van, nevi zoor. Oun an kolende, kay kek zoor bouder hi, dell lo nevo djipen.

Jesaja 40:31

Kolla, kay ap o baro Debleste dikenn, lenn nevi zoor. Yon hadenn pen har bare čirkle hadenn pen pengre moussyentsa. Yon nashenn oun lengri zoor djal gar krik. Yon djan trouyel oun venn gar khino.

Jeremia 45:3

Tou peneh: Me bibarhtelo! Har das man o baro Devel ropen oun douk an miro djipen! Me rovau man khines oun hatsau kek sopen.

Louka 11:3

De men maro hako dives!

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

Remarja 7:22

Miro dji kamell te krell, hoy o Devel penella.

1. Korintarja 15:58

Doleske, mire kamle phrala, ačenn zoreles an o patsepen! Ma moukenn t'men kekestar o Debleskro dromestar tele te anell! Avenn hako tsiro o Debleske koy, oun boudrenn leske mishto! T'mer djinenna: Kay boudi, hoy leske krenna, hi gar čičeske.

2. Korintarja 12:15

T'menge doms me lauter, hoy man hi, ninna miro djipen. Miro dji hi baro t'menge. Hi t'men doleske kek kamlepen mange?

2. Korintarja 4:1

O Debles hi i baro dji menge, oun das men kay boudi, te sikras i menshende leskro drom. Doleske vah gar khino, te kras kova.

Efesarja 3:16

Oun leskri zoor hi bari. Doleske mangau lestar, te krell leskro Dourho t'mare djia zoreles.

Efesarja 4:23

Moukenn t'men o Deblestar neves te krell!

Kolossarja 3:10

Djivenn kanna o nevo djipen! Moukenn t'men o Deblestar boud oun boudeder neves te krell, yaake te prindjrenn o Debles feteder oun djinenn, hoy yob kamella! Palle venn t'mer yaake har yob, kay t'men o nevo djipen das.

Tito 3:5

oun anas men pash peste. Hams gar moldo, te kras yob kova. Ninna te kram gar lačo oun čačo koova, his o Debles i baro dji menge. Doleske thovas lo mari doosh mendar tele, oun mer vam leskre čave. Kava nevo djipen das men o Debleskro Dourho.

1. Petro 3:4

T'maro shoukapen hounte vell dran t'maro dji oun sikrell pes an o lačepen, kay kek čingepen dren hi. Savo shoukapen ačella, oun hi boud moldo glan o Debleskre yaka.

1. Petro 4:14

Te praasenn le t'men doleske, kay patsenn t'mer ap o Yezous Kristeste, nay venn t'mer barhtelo. Palle nay djinenn: O Debleskro raylo Dourho hi ap t'mende čiddo.