2. Korintarja 4:14 - O Debleskro Lab 2024 (Sinte-Manouche)

¹⁴ Mer djinah, kova, kay kras o Yezouses, maro rayes, i moulendar djido, kova krell men ninna i moulendar djido. Oun yob anell men khetne t'mentsa glan peste.

O Debleskro Drom 2021 (Sinte)

¹⁴ Mer djinah, kowa, kai kras o Jesuses, maro rajes, i mulendar djido, kowa krell men ninna i mulendar djido. Un job anell men khetne tumentsa glan peste.

2. Korintarja 4:14 ပူးပေါင်းရင်းမြစ်များ

Jesaja 26:19

Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

Louka 21:36

Denn yak hako tsiro! Mangenn o Deblestar, te venn t'mer zorelo an o patsepen tardo, oun venn mishto vin dran ko čilačo tsiro, hoy vella! Yaake hounte trashenn t'mer gar o Menshengro Čavestar, te vell lo pale.”

Bičepangre 2:24

Ko Yezouses kras o Devel djido. Yob las les i moulendar vin, oun kek zoor nay rikras les pash i moulende pale.

Bičepangre 2:32

Kava Yezouses moukas o Devel i moulendar pre te stell. Kova djinah mer. Mer halauter dikam les djido.

Remarja 8:11

O Devel kras o Yezous Kristes i moulendar djido. Te djivell leskro Dourho an t'mende, palle krell lo t'men ninna djido. O Debleskro Dourho, kay an t'mende hi, krell kova.

1. Korintarja 6:14

Yaake har o Yezous meras, oun o Devel les djido kras, yaake krell leskri bari zoor men ninna djido.

2. Korintarja 11:2

Yaake har o Devel kamell, kamau me ninna o tselo djiyestar, te djan t'mer gar o Yezous Kristestar krik. T'mer han mange har i čay, kay dom yek morsheste, te vell li leskri pirni. Ko yek morsh hi o Yezous Kristo. Kamau te anap leske i djoudji terni djouvel ap ko dives, kay romedinerell lo lat.

Efesarja 5:27

Yaake kras lo len rayles oun shoukar. Kek djoungelo oun čilačo koova hi ap lende. Djoudjo oun erligo hi le glan leste tardo.

Kolossarja 1:22

Kanna van t'mer o Debleskre mala. Har peskro čavo t'menge meras, las lo t'mari doosh t'mendar oun kras t'men djoudjo oun erligo glan leste.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

1. Tessalonikarja 4:14

Mer patsah, te meras o Yezous oun stas i moulendar pale pre. Doleske djinah ninna, ap ko dives, kay vell o Yezous pale, anell o Devel ninna kolen khetne leha, kay an o patsepen meran.

Jakobo 5:15

Te mangenn i phoureder o Debles oun patsenn ap leskri zoor, vell ko nasselo sasto. Oun o Devel krell les pale zoreles. Te hi doosh ap leste, palle lell o Devel koy doosh lestar.

Judas 1:24

Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.