2. Korintarja 3:6 - O Debleskro Lab 2024 (Sinte-Manouche)

⁶ Yob kras dran mende peskre boudepangre, te sikras mer i menshende o nevo drom, kay o Devel oun i menshe mala venna. Ap o phouro drom hounte rikrenn le pen ap i činle laba. Kol phoure činle laba anenn i menshen an o merepen. Ap o nevo drom lenn le o Debleskro Dourho, hoy dell len o djipen.

O Debleskro Drom 2021 (Sinte)

⁶ Job kras dran mende peskre budepangre, te sikras mer i menshende o newo drom, kai o Dewel un i menshe mala wenna. Ap o phuro drom hunte rikrenn le pen ap i tchinle laba. Kol phure tchinle laba anenn i menshen an o merepen. Ap o newo drom lenn le o Debleskro Ducho, hoi dell len o djipen.

2. Korintarja 3:6 ပူးပေါင်းရင်းမြစ်များ

Jeremia 31:31

Denn yak, penell o baro Devel. Ko tsiro vella, koy krau i menshentsa an Israel oun an Youda čomone neves vin.

Mateo 13:52

“T'mer dikenn,” penas lo, “hako čačepaskro, koon djinell o phouro biboldengro čačepen, oun ap mande patslo vas, kova hayvell kanna o nevo oun o phouro koova pral o Debleste, oun nay penell kova i menshenge.”

Mateo 26:28

Kay mool hi miro rat, hoy me ratau boudenge, te lap lengri doosh lendar. Yaake krau i drom, kay o Devel oun i menshe mala venna.

Markus 14:24

Oun yob penas ap lende: “Kay mool hi miro rat, hoy me ratau boudenge. Yaake krau i drom, kay o Devel oun i menshe mala venna.

Louka 22:20

Pal o rhapen las lo o khoro oun penas: “Kay mool an kava khoro hi miro rat, hoy t'menge ratau. Yaake krau i nevo drom, kay o Devel oun i menshe mala venna.”

Johanni 5:21

Har o dad i moulen pre djangrella, oun dell len o nevo djipen, yaake nay dell ninna o čavo o nevo djipen, kones yob kamella.

Johanni 6:63

O Debleskro Dourho hi kova, kay dell o djipen. O mensheskri zoor nay krell kova gar. Mire laba, hoy me t'menge penom, van dran o Debleskro Dourho. Doleske anenn le t'menge ko djipen.

Remarja 1:5

Yob das man koy Debleskri boudi te djap pash i menshende an i tsele themma. Yob bičras man, te penap lenge, te patsenn le ap leste oun shounenn ap leste.

Remarja 3:20

Te kamell lo te krell, hoy o Devel an o Moseskre laba penell, hayvell lo ninna, te nay krell lo kova gar. Kol laba sikrenn les, te hi lo čilačo glan o Debleste.

Remarja 4:15

Te djinell yek gar, hoy o Devel lestar kamella, oun krell i čilačo koova, nay djinell lo gar, kay kova čilačo hi. Kolla, kay djinenn, hoy o Devel lendar kamella oun krenn kova gar, pral kolende vell o Debleskri rholi. Yaake anenn o Moseskre laba, hoy menge penenna, hoy o Devel mendar kamella, čačepah o Debleskri rholi pral i menshende.

Remarja 4:17

Yaake hi činlo an o Debleskro lab: Me krom tout o dad boud menshendar an boud themma. O Abraham dikas ap o Debleste oun patsas, te nay krell o Devel i moulen djido, oun nay krell kova, hoy gomme gar koy his.

Remarja 7:6

Kanna hi o Moseskre laba, kay pandan men, bouder gar o ray pral mende. Len hi bouder kek zoor pral mende. Mer djah kanna ap o nevo drom oun djivah yaake, har o Debleskro Dourho men sikras, oun gar yaake har an kol Moseskre lila činlo hi.

Remarja 8:2

Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

1. Korintarja 11:25

Oun pal o rhapen las yob ko khoro oun penas: “Kay mool an kava khoro hi miro rat, hoy t'menge ratau. Yaake krau i nevo drom, kay o Devel oun i menshe mala venna. Hako kopo, kay piyenn t'mer dran ko khoro, ma bistrenn, hoy me t'menge krom!”

1. Korintarja 12:28

Kote, kay i patsle khetne venna, das o Devel hakenes i boudi. Peskre bičepangren das lo koy boudi, te penenn le i menshenge peskro lab. Oun vavar hi o Debleskre rakepangre, kay penenna, hoy o Devel len sikras. Koy hi ninna sikepangre, kay sikrenn i menshende o Debleskro drom, oun kolla, kay krenn baro koova an o Debleskri zoor, kay kek kokres pestar nay krella. Vavaren das yob i zoor, te krenn le i nasselen sasto. Hi patsle, kay hi o vavarenge koy, oun ninna vavar, kay rikrenn i patslen khetne, oun pale vavar, kay rakrenn nay an i vavar rakepen, hoy o Debleskro Dourho len das.

1. Korintarja 15:45

An o Debleskro lab hi činlo: O ersto mensho, o Adam, las o djipen. Oun o Yezous Kristo, koles nay kharams mer o douyto mensho – yob hi i djido dourho, kay dell o djipen.

1. Korintarja 3:10

O Devel his lačes ap mande oun das man i boudi, te boudrap ap ko kheer. Yaake čivom me i telstoune barra. Me krom kova, har i gosevo boudepaskro, koon hayvella khera te krell. Ap kol telstoune barra čivell i vavar boudepaskro vavar koova pre. Hakeno hounte dell garda, hoy yob pre čivella.

1. Korintarja 3:5

Dikenn, koon hi o Apollo, oun koon hom me, o Paulo! O Debleskre boudepangre ham mer oun kram, kay van t'mer patslo. Hakeno mendar kras koy boudi, har o Devel leste das.

2. Korintarja 11:23

Yon penenn, te hi le o Yezous Kristeskre boudepangre. Kanna rakrau har i dinelo: Me hom boudeder har yon leskro boudepaskro. Me boudrom boudeder. Me vom boudeder stildo. Me lom boudeder dava. Man his boudeder o merepen glan i yaka har yon.

2. Korintarja 3:14

Kolengre djia van har bar. Ninna kava dives hayvenn i bibolde gar, hoy an o Moseskre lila činlo hi pral o phouro drom, te shounenn le kol laba an i biboldengre kangria. Kova hi yaake, har te vell i diklo ap lengre yaka čiddo, te dikenn le gar. O Yezous Kristo kokres nay lell ko diklo lengre yakendar tele.

2. Korintarja 3:3

Dran mari boudi van t'mer pash o Yezous Kristeste. Oun kanna han har i liil, hoy vella o Yezous Kristestar. Kava liil činas o Dourho o djido Deblestar, oun kek mensho. Kava liil vas gar činlo ap i barra. Na-a. Kava liil vas činlo an i menshengre djia, an t'mare djia.

2. Korintarja 3:7

Kol phoure činle laba, hoy anenn i menshen an o merepen, his činlo ap i barra. Har anas o Mose i menshenge kol barra, vas leskro mouy yaake rayles, te dikan nay i Israelitarya gar ap leste. Yaake dikah, ninna ap o phouro drom vas o Debleskro raylepen diklo, ninna te djas ko raylepen pal i tikno tsiro krik.

2. Korintarja 3:9

Kava nevo drom, kay venn i menshe čačo glan o Debleste, hi boud boud shoukeder har ko phouro drom, kay djan i menshe nashedo, ninna te vas kote i tikno kotar raylepen diklo.

Galatarja 3:21

Penenn o Moseskre laba, kay hi ko lab bouder či moldo, hoy o Devel o Abrahameske penas? Na-a! Kova hi gar yaake. Te vals o nevo djipen dran o Moseskre laba, palle vals čačepah ko mensho čačo glan o Debleste, kay rikrell pes ap kol laba. Kova hi gar yaake.

Efesarja 2:1

Har gar patslo hans, his boud doosh ap t'mende. Oun t'mer hans čilačo. Yaake hans o Debleske moulo.

Efesarja 3:7

Kava lačo lab penau i menshenge. O Devel his mange lačo, te das lo man kay boudi. Ninna das lo man i zoor, te krap kova.

5. Mose 27:26

“Praasedo vell kova, kay rikrell gar kal tsele čačepaskre laba.” Oun i tsele menshe hounte penenn: Amen!

1. Timoteo 4:6

Te peneh tou kava koova i patslenge, hal tou o Yezouseskro lačo boudepaskro. Yaake sikreh, kay djiveh pal o lačo lab o Yezous Kristestar, hoy tou shounal oun patsal, oun kay djah tou doureder ap o Debleskro drom!

2. Timoteo 1:11

O Devel bičras man, te penap o lačo lab o Yezous Kristestar i menshenge, oun sikrap len leskro drom.

Hebrearja 12:24

Kote hi ninna o Yezous, maro rakepaskro, kay kras menge o nevo drom, te djivas khetne o Debleha. Yob meras menge, oun leskro rat las mari doosh mendar. O Yezouseskro rat hi feteder har o Abeleskro rat. Har o Abel maredo vas, das leskro rat gole pal i phagi pral o Kayn. O Yezouseskro rat lell mari doosh mendar.

Hebrearja 13:20

O Devel kras i drom, te nay vah pash leste. Yob kras o Yezouses, maro rayes, i moulendar djido. Kova ratas peskro rat menge, te nay vah pash o Debleste, oun djivah hako tsiro leha khetne. O Yezous vas maro baro bakrengro. Kova dell yak ap mende, har i bakrengro dell yak ap peskre bakre.

Hebrearja 7:22

Yaake vas o Yezous kova, kay nay anell men čačepah pash o Debleste. Kova nay kras o Mose gar.

Hebrearja 8:13

Te penell o Devel kate: Me krau i nevo drom, yaake hi kova, hoy yob o Moseha vin kras, i phouro drom. Oun kova, hoy hi phouro oun bouder či moldo, vell krik lino.

1. Petro 3:18

Ninna o Yezous Kristo las yek kopo douka ap peste, har yob ap o troushel meras, oun mari doosh ap peste las. Yob his i lačo, oun meras i čilačenge. Kova kras lo, te anell lo len pash o Debleste. I menshe maran les. O Debleskro Dourho kras les djido.

1. Johanni 1:1

Mer činah t'menge pral koleste, kay his hako tsiro koy. Mer shounam les, oun dikam les. Ava, mer dikam les mare yakentsa, oun tapram les mare vastentsa. Yob hi ko lab, hoy o djipen della.