2. Korintarja 3:3 - O Debleskro Lab 2024 (Sinte-Manouche)

³ Dran mari boudi van t'mer pash o Yezous Kristeste. Oun kanna han har i liil, hoy vella o Yezous Kristestar. Kava liil činas o Dourho o djido Deblestar, oun kek mensho. Kava liil vas gar činlo ap i barra. Na-a. Kava liil vas činlo an i menshengre djia, an t'mare djia.

O Debleskro Drom 2021 (Sinte)

³ Dran mari budi wan tumer pash o Jesus Kristeste. Un kanna han har i liil, hoi wella o Jesus Kristestar. Kau liil tchinas o Ducho o djido Deblestar, un kek mensho. Kau liil was gar tchinlo ap i barra. Na-a. Kau liil was tchinlo an i menshengre djia, an tumare djia.

2. Korintarja 3:3 ပူးပေါင်းရင်းမြစ်များ

Debleskri gili 40:8

Doleske penom touke: Ake hom. Me krau, hoy mandar činlo hi an o liil:

Debleskri gili 42:2

Har i vesheskri bouzyat bari troush hi pal shila pani, yaake nashell miro dji pal toute miro Devel.

Debleskri gili 84:2

Tou, baro Devel oun ray pral o bolepen oun i phoub, har kamau me tiro kheer o djiyestar!

2. Mose 24:12

Oun o baro Devel penas ap o Moseste: “Ab pash mande ap i berga pre oun ač kote, te dap tout kol barra, kay činom mire laba dren, te sikrap mire menshende, har te djivenn le, te djinenn yon, hoy te krenn oun hoy te krenn gar.”

2. Mose 31:18

Oun har o baro Devel kova lauter ap o Mose rakras ap i berga Sinay, das yob les i douy barra, kay o Debleskre deesh laba dren činlo hi. O Devel činas len peskro goushteha dren.

2. Mose 32:15

O Mose djas pale koy berga tele. An leskro vast his les kol barra, kay o Debleskre deesh laba ap hake douy rigya dren činlo hi.

2. Mose 34:1

O baro Devel penas ap o Moseste: “Kre touke douy bare barra, har kolla his, kay tou paash dal! Palle kamau me pale kol laba dren te činell, hoy an i vavar barra činlo his.

Gosewe laba 3:3

Djib hako tsiro an o lačepen oun an o čačepen! Pande mire laba har i verkli troul tiri meen, oun čin len an tiro dji!

Gosewe laba 7:3

Pande len troul tiro goushto, čin len an tiro dji!

Jeremia 10:10

O baro Devel hi o čačo Devel, ko djido Devel, kay hako tsireske o baro ray ačell. Te vell yob rhoyedo, trissell i phoub, oun i menshe nay rikrenn leskri rholi gar vin.

Jeremia 17:1

T'mer menshe an o them Youda, t'maro čilačepen hi dren činlo an t'mare djia, oun ap kol shinga ap kol rhačepangre, kay t'mer firhen rhačrenn. Ko čilačepen hi yaake dren činlo, te nay krenn kova gar bouder krik, har te vas kova an o bar dren dino i sasteha, hoy les i diamantikro shero hi.

Jeremia 31:33

Ko nevo koova, hoy palle i menshentsa Israel vin krau, hi vavarčandes. Me dau len mire laba an lengre djia oun an lengre sherya. Me vau lengro Devel, oun yon venn mire menshe. Kava penell o baro Devel.

Ezekiel 11:19

Oun me dau len i nevo dji, oun čivau i nevo dourho an lende dren. Oun me lau ko dji dran bar dran lengro beč vin. Oun dau len i masselo dji.

Daniel 6:26

Palle moukas o baro ray Darius i liil te činell ap i menshende dran hako them oun rakepen ap i phoub: Bari barht t'menge!

Mateo 16:16

Penas o Simon Petro: “Tou hal o baro ray, kolestar o Devel penas te vell yob. Tou hal o čavo o djido Deblestar.”

1. Korintarja 3:5

Dikenn, koon hi o Apollo, oun koon hom me, o Paulo! O Debleskre boudepangre ham mer oun kram, kay van t'mer patslo. Hakeno mendar kras koy boudi, har o Devel leste das.

2. Korintarja 3:6

Yob kras dran mende peskre boudepangre, te sikras mer i menshende o nevo drom, kay o Devel oun i menshe mala venna. Ap o phouro drom hounte rikrenn le pen ap i činle laba. Kol phoure činle laba anenn i menshen an o merepen. Ap o nevo drom lenn le o Debleskro Dourho, hoy dell len o djipen.

2. Korintarja 3:7

Kol phoure činle laba, hoy anenn i menshen an o merepen, his činlo ap i barra. Har anas o Mose i menshenge kol barra, vas leskro mouy yaake rayles, te dikan nay i Israelitarya gar ap leste. Yaake dikah, ninna ap o phouro drom vas o Debleskro raylepen diklo, ninna te djas ko raylepen pal i tikno tsiro krik.

2. Korintarja 6:16

An o Debleskro baro kheer vell o djido Devel kokres sharedo oun kek vavar koova. Mer halauter ham o djido Debleskro baro kheer. O Devel penas: Me kamau te djivap pash lende oun mashkral lende. Me kamau lengro Devel te vell, oun yon hi mire menshe.

1. Tessalonikarja 1:9

Yon hi kolla, kay penenn i vavarenge, har lan t'mer men pash t'mende pre, har moukan t'maro phouro drom, te djan ap o Debleskro drom, oun mangenn bouder gar vavar koova an har o djido oun čačo Debles kokres.

Hebrearja 10:16

Ap ko tsiro, hoy vella, penell o Devel, sikrau me i menshende i nevo drom, har nay venn le pash mande: Me čivau miro čačepen an lengre shere oun činau mire laba an lengre djia.

Hebrearja 8:10

Ap ko tsiro, hoy vella, penell o Devel, rakrau pale lentsa, oun anau len ap o nevo drom. Me čivau miro čačepen an lengre shere, oun činau mire laba an lengre djia. Oun me hom lengro Devel, oun yon hi mire menshe.

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.

Josua 3:10

Ap kava dikenn, te hi o djido Devel mashkral t'mende, oun te tradell lo glan t'mende i Kanaanitarya vin, ninna i Hetarya, i Hivarya, i Perisarya, i Girgasharya, i Amorarya oun i Yebousarya.

Debleskro tsiro 2:1

“Čin kava liil ap o Debleskro boudepaskro, kay dell yak ap i patslende an o foro Efesus: Kava penell kova, kay rikrell kol efta bolepangre momlia an peskro čačo vast, oun kay djal mashkral kol efta sonakangre momlia trouyel.

Debleskro tsiro 2:12

“Čin kava liil ap o Debleskro boudepaskro, kay dell yak ap i patslende an o foro Pergamon: Kava penell kova, koles o rharo hi, hoy ap douy rigya činella.

Debleskro tsiro 2:18

“Čin kava liil ap o Debleskro boudepaskro, kay dell yak ap i patslende an o foro Tiatira: Kava penell o Debleskro čavo, koles hi yaka har i yag, oun herya har sonakay.

Debleskro tsiro 2:8

“Čin kava liil ap o Debleskro boudepaskro, kay dell yak ap i patslende an o foro Smirna: Kava penell kova, hoy hi o glanstouno oun o palstouno, hoy moulo his, oun djido vas.

Debleskro tsiro 3:1

“Čin kava liil ap o Debleskro boudepaskro, kay dell yak ap i patslende an o foro Sardes: Kava penell kova, koles o Debleskro Dourho hi, oun koles i efta bolepangre momlia an o vast hi. Me djinau lauter, hoy t'mer kran. T'mer han moulo, ninna te penenn le pral t'mende, te han djido.

Debleskro tsiro 3:14

“Čin kava liil ap o Debleskro boudepaskro, kay dell yak ap i patslende an o foro Laodicea: Kava penell kova, kay kharell Amen, oun penell hako tsiro o čačepen, oun sikrell i menshende o čačo drom pash o Debleste. Yob his koy pashel, har o Devel lauter kras.

Debleskro tsiro 3:22

Shounenn halauter mishto, hoy o Debleskro Dourho penella ap i patslende!”

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.

1. Samuel 17:26

Kote penas o David ap kol morshende, kay koy tardo his: “Hoy lell kova, kay ko morshes kote marella oun i ladj i Israelendar pale krik lella? Hoy patsell ko Filistari, koon yob hi? Yob hi gar činlo ap peskro mass, oun patsell, te nay praasell lo i lourden ko djido Deblestar!”