2. Korintarja 3:2 - O Debleskro Lab 2024 (Sinte-Manouche)

² T'mer han o feteder liil menge, činlo an mare djia. Ap t'mende nay dikenn i tsele menshe, har kram mer mari boudi.

O Debleskro Drom 2021 (Sinte)

² Tumer han o feteder liil menge, tchinlo an mare djia. Ap tumende nai dikenn i tsele menshe, har kram mer mari budi.

2. Korintarja 3:2 ပူးပေါင်းရင်းမြစ်များ

Remarja 1:8

Glan hake vavar laba, hoy kamau t'menge te činell, penau t'menge: Hako tsiro, kay rakrau o Yezous Kristeha, parkrau man pash miro Debleste t'menge halauterenge. Ap i tseli phoub rakrenn le pral t'maro patsepen.

1. Korintarja 3:10

O Devel his lačes ap mande oun das man i boudi, te boudrap ap ko kheer. Yaake čivom me i telstoune barra. Me krom kova, har i gosevo boudepaskro, koon hayvella khera te krell. Ap kol telstoune barra čivell i vavar boudepaskro vavar koova pre. Hakeno hounte dell garda, hoy yob pre čivella.

2. Korintarja 11:11

Hoske penau me kova yaake? Hi man kek kamlepen t'menge? O Devel djinella, kay kamau t'men o djiyestar.

2. Korintarja 12:15

T'menge doms me lauter, hoy man hi, ninna miro djipen. Miro dji hi baro t'menge. Hi t'men doleske kek kamlepen mange?

2. Korintarja 3:1

T'mer penans nay: Kanna sharenn le pen pale glan mende. Kova krah mer gar. Vitar gar hounte anas mer t'menge lila, kay dren tardo hi, har mishto mari boudi hi. Vavar menshe krenn kova, mer hounte kras kova gar. Vitar gar kamah t'mendar, te činenn t'mer menge save lila.

2. Korintarja 7:3

Me penau kova gar, te anap i doosh ap t'mende. Na-a, me penom t'menge, men hi i baro dji t'menge. Mer ham t'mentsa khetne an o djipen oun an o merepen.

Filiparja 1:7

Me nay sharau t'men yaake. T'mer han an miro dji oun rikrenn mantsa khetne, ninna kanna, kay hom an o stilepen, oun penau o lačo lab o Yezous Kristestar glan i čačepangre oun sikrau lende leskro drom yaake, te djinenn le o čačepen.

1. Tessalonikarja 1:8

T'mendar djas o lačo lab o Yezousestar, maro rayestar, doureder, gar kokres an i themma Macedonia oun Akaya. Na-a, ninna an boud vavar themma shounan i menshe, har t'mer patsenn ap o Debleste. Yaake hounte penas mer lenge bouder či pral kova.