2. Korintarja 3:16 - O Debleskro Lab 2024 (Sinte-Manouche)

¹⁶ Ap ko dives, kay moukenn i Israelitarya pengro drom oun djan ap o Yezouseskro drom, lell yob ko diklo lendar krik.

O Debleskro Drom 2021 (Sinte)

¹⁶ Ap ko diwes, kai mukenn i Israelitarja pengro drom un djan ap o Jesuseskro drom, lell job ko diklo lendar krik.

2. Korintarja 3:16 ပူးပေါင်းရင်းမြစ်များ

2. Mose 34:34

Hako kopo har djas o Mose an o Debleskro kheer, te rakrell lo leha, las yob ko diklo tele, bis te djals lo pale vin dran o kheer.

Jesaja 25:7

Kate ap kay berga lell lo palle ko diklo krik, hoy čakrell i sherya i tsele menshendar, koy merepaskri plarhta, hoy hi čiddo pral i menshende an i tsele themma.

Jesaja 29:18

Ap ko dives shounenn kolla, kay nay shounenn gar, i laba dran i liil. Oun i korele nay dikenn oun djivenn bouder gar an o kalepen oun an i rat.

Jesaja 54:13

O baro Devel sikrell peskro drom tire tsele čavende, oun lenge djal mishto.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Ropaskre gilja 3:40

Dikas ap maro djipen, har mer djivah, oun rissras trouyel pash o baro Debleste.

Remarja 11:23

Kol bibolde, kay venn pale ap o Debleskro drom, oun patsenn ap o Yezous Kristeste, hi har kashta, kay čivell o Devel pale dren an ko djeteskro rouk. O Devel hayvell te krell kova.

2. Korintarja 3:15

Ninna kava dives hi kova yaake. Te shounenn le o Moseskre laba, hi ko diklo ap lengre djia, te hayvenn le len gar.

5. Mose 30:10

Shounenn ap leste, djivenn pal leskre laba, hoy an kava čačepaskro liil činlo hi, oun krenn, hoy yob t'mendar kamell! T'mer hounte venn pale pash leste t'maro tselo djiyestar oun t'mari tseli zoryah.

5. Mose 4:30

An ko tsiro, hoy vella, kay ap t'mende ko tselo koova vas, hoy t'menge penom, an kol djoungele phare divessa venn t'mer pale pash t'maro baro Debleste, oun krenn, hoy yob t'menge penell.