2. Korintarja 3:12 - O Debleskro Lab 2024 (Sinte-Manouche)

¹² Mer djinah zoreles, te hi kova yaake. Doleske hi men kek traash, te penas kova yaake i menshenge.

O Debleskro Drom 2021 (Sinte)

¹² Mer djinah soreles, te hi kowa jaake. Doleske hi men kek traash, te penas kowa jaake i menshenge.

2. Korintarja 3:12 ပူးပေါင်းရင်းမြစ်များ

Johanni 10:24

Koy van i pralstoune bibolde troul leste oun penan: “Har rah kameh tou menge gar te penell, koon tou hal? Tou te hal ko baro ray, kolestar o Devel penas, te vell yob, yaake pen menge kova an o mouy!”

Johanni 16:25

Kova penom me t'menge gar an o mouy. O dives vella, kay me rikrau bouder či pale. Palle rakrau t'mentsa miro dadestar yaake, kay hayvenna halauter.

Johanni 16:29

Koy penan leskre mala ap leste: “Kanna rakreh tou yaake, kay hayvah kova. Tou rikreh bouder či pale.

Bičepangre 14:3

Oun o Paulo oun o Barnabas ačan i rah tsiro an ko foro. Oun len his kek traash, te sikrenn le i menshende o Yezouseskro drom. Oun o ray Yezous das len i zoor, te kran le baro oun zorelo koova, hoy kek vavar nay kras. Yaake sikras yob, kay kova, hoy yon pral leskro baro lačepen penan, čačo hi.

Bičepangre 4:13

Har yon dikan, har o Petro oun o Yohanni rakran, kay kek traash an lende his, kran le bare yaka. Oun yon hayvan, kay kolla kek bare rakepangre oun goseve morsha hi, oun djinan ninna, kay yon o Yezouseha khetne his.

Bičepangre 9:27

O Barnabas las les pash peste oun anas les pash kol Yezouseskre bičepangre, oun penas lenge, har o Saulo ap ko drom, kay djal an o foro Damaskus, o ray Yezouses dikas, oun kova leha rakras, oun har yob an o foro Damaskus i menshenge o Yezousestar penas, oun les kek daar his, te rakrell lo lestar.

Bičepangre 9:29

Yob rakras ninna kol biboldentsa, kay rakrenn grichtikes, oun čingras lentsa pral kova, hoy an o Debleskro lab činlo hi. Kal bibolde kaman les te taprell oun te marell.

1. Korintarja 14:19

Te hom me mank i patslende, te sikrap len o Debleskro drom, kamau kote feteder panč laba te rakrell, hoy hakeno hayvella, har deesh zerya laba an i rakepen, hoy kek hayvella.

2. Korintarja 10:1

Me, o Paulo, rakrau t'mentsa kamles oun lačes, yaake har o Yezous Kristo kamles oun lačes hi. Hi menshe mank t'mende, kay penenna: “Me te hom pash t'mende, nay rakrau kek triin laba. Te hom dour t'mendar krik, palle rakrau zorele labentsa.”

2. Korintarja 3:11

Kova djas krik pal i tikno tsiro. Har boud rayleder hi kova, hoy ačella!

2. Korintarja 4:13

Mer patsah ap o Yezous Kristeste. Doleske rakrah lestar. Yaake krah mer har ko morsh, kay činas an o Debleskre gilya: Me patsom o Debles. Doleske rakrom lestar.

2. Korintarja 7:4

Me patsau ap t'mende. Oun me sharau man t'mentsa. Ninna te vell boud pharo koova ap mende, hi miro dji zorelo oun man hi i bari barht an mande pral t'mende.

Filiparja 1:14

Ninna boud patsle van zorleder an o patsepen ap o rayeste, o Yezouseste, kanna, kay me stildo hom. Kolen hi bouder kek traash, te sikrenn le i menshende o Yezouseskro drom.

Filiparja 1:20

Me patsau te rikrell man o Devel an o vast, oun kamau o tselo djiyestar te krap či, kay hounte ladjap man glan leste. Kamau gar, te trashap i menshendar. Yaake har rakrom hako tsiro o Yezous Kristestar, oun trashom lendar gar, yaake kamau les ninna kanna an o stilepen te krell, ninna te hounte merap, te dikenn i menshe ap miro djipen oun ap miro merepen, har baro oun raylo o Yezous Kristo hi.

Kolossarja 4:4

Mangenn o Deblestar, te rakrap kova yaake, har o Devel kamella!

1. Tessalonikarja 2:2

Glan ko tsiro, kay vam pash t'mende, hams an o foro Filipi. Ninna te vam kote palla lino oun dino, har t'mer djinenn, djam pal kova pash t'mende an o foro Tessalonika. O Devel das men i zoor, te penas t'menge o Debleskro lačo lab, ninna te his pash t'mende boud menshe, kay kran menge o djipen phares.

1. Timoteo 3:13

Kol boudepangre, kay pengri boudi mishto krenna, kolla venn an-diklo pash i patslende, oun pash o Debleste. Oun len hi kek daar, te rakrenn le pral pengro patsepen ap o Yezous Kristeste.

Filemon 1:8

Kanna penau touke, hoske činau kava liil: Me kamau toutar, te kress tou čomone mange. Ninna te hi man o Yezouseskro vast, oun nay penoms touke zoreles, hoy tou hounte kress, kamau me kova gar zoreles touke penell. Na-a. Me, o Paulo, i phouro morsh, oun stildo o Yezous Kristeske, kamau tout o djiyestar.