2. Korintarja 13:9 - O Debleskro Lab 2024 (Sinte-Manouche)

⁹ Ninna te ham mer gar zorelo, ham barhtelo, te han t'mer zorelo. Mer kamah, te venn t'mer an o čačepen glan o Debleste tardo, oun kova mangah lestar.

O Debleskro Drom 2021 (Sinte)

⁹ Ninna te ham mer gar sorelo, ham bachtelo, te han tumer sorelo. Mer kamah, te wenn tumer an o tchatchepen glan o Debleste tardo, un kowa mangah lestar.

2. Korintarja 13:9 ပူးပေါင်းရင်းမြစ်များ

Remarja 15:2

Hakeno mendar hounte djivell yaake, te dikell o vavar lačes ap leste oun vell zorleder an o patsepen.

1. Korintarja 1:10

Mire phrala, me shounom, kay hi čingepen mashkral t'mende. Kova penan mange kolla dran i familya koy djouvyatar Kloe. Kanna mangau t'men an o lab maro rayestar, o Yezous Kristestar: Ma čingrenn t'men bouder! Ačenn khetne oun rikrenn khetne an kova, hoy t'mer krenna oun patsenna!

1. Korintarja 2:3

Oun har me pash t'mende homs, his kek zoor an mande, oun man his traash.

1. Korintarja 4:10

Mer rakrah o Yezous Kristestar. Oun doleske ham dinele glan i menshengre yaka. T'mer patsenn ap o Yezous Kristeste, oun doleske han goseve. Mer ham gar zorele, oun t'mer han zorele. Men sharenn le gar. T'men sharenn le.

2. Korintarja 11:30

Me te sharap man, palle kamau te sharap man koleha, te hom gar zorelo.

2. Korintarja 13:11

Kanna, mire phrala, avenn barhteles, oun avenn pale pale ap o čačo drom! Shounenn ap kol laba, hoy me t'menge penom. Rikrenn khetne oun čingrenn t'men gar! Oun o Devel, kay dell kamlepen oun barht an o dji, vell t'mentsa!

2. Korintarja 13:4

Har yob ap o troushel dino vas, his yob gar zorelo. Kanna djivell yob dran o Debleskri zoor. Yaake har o Yezous Kristo ap o troushel gar zorelo his, ham mer vitar gar zorelo. Oun yaake har yob djido vas, ham mer leha ninna djido oun zorelo dran o Debleskri zoor. Kova nay dikenn, te hom pash t'mende!

2. Korintarja 4:12

Yaake hi o merepen an mende, oun o djipen an t'mende.

2. Korintarja 7:1

Mire phrala, kol lače labentsa penas o Devel, hoy kamell lo menge te krell. Doleske moukas mer kol tselo djoungelo koova, oun kras mare djia djoudjo, te djivas lačes oun čačes glan o Debleste, yaake har yob mendar kamella.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

Kolossarja 4:12

Ninna o Epafras penell t'menge: “Ačenn o Debleha!” Kova hi yek t'mendar, oun boudrell o Yezous Kristeske. Yob mangell o Debles hako tsiro t'menge, te venn t'mer zoreles an o patsepen, te djinenn lauter, hoy o Devel t'mendar kamella oun te krenn kova ninna.

1. Tessalonikarja 3:10

Ap o dives oun an i rati mangah o Debles o tselo djiyestar, te dikas t'men pale, te nay kras t'maro patsepen gomme zorleder. Me kamoms o tselo djiyestar, te anell man o Devel, maro dad, oun o Yezous, maro ray, pash t'mende.

2. Timoteo 3:17

I mensho, kay kamell o Debleske koy te vell, hatsell an o Debleskro lab lauter, hoy les hounte vell, te nay krell lo lauter yaake, har o Devel kamella.

Hebrearja 12:23

Kote venna o Debleskre čave khetne. Lengre laba hi an o bolepen pre činlo. Kote hi o Devel, kay rakrell o čačepen vin pral i tsele menshende. Kote hi ninna kol tsele patsle, kay meran oun kolen o Devel pash peste las.

Hebrearja 13:21

Mangau o Deblestar, te dell lo t'men i zoor, te krenn lauter kova, hoy lačo hi, yaake har yob kamella. Mou dell lo men i zoor, te djivas yaake, har mishto hi glan leskre yaka. O Yezous Kristo nay krell kova. Sharas o Yezous Kristes kanna oun hako tsiro! Amen.

Hebrearja 6:1

Kanna kamah te rakras pral kova, hoy kolenge hi, kay hi phoure an o patsepen, oun bouder gar pral kova, hoy mer kolenge penah, kay hi terno an o patsepen. Mer kamah bouder gar pral kova te rakrell, hoy t'mer shounan, har patslo van! Ap ko tsiro vas t'menge penlo, te moukenn t'maro čilačo drom, hoy an o merepen anella, oun te patsenn ap o Debleste, oun te djan ap leskro drom.

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.