2. Korintarja 13:8 - O Debleskro Lab 2024 (Sinte-Manouche)

⁸ Mer nay krah kokres savo koova, hoy krell, te shounenn le o Debleskro čačepen oun dikenn les. Oun mer nay krah či, hoy rikrell o čačepen pale.

O Debleskro Drom 2021 (Sinte)

⁸ Mer nai krah kokres sawo koowa, hoi krell, te shunenn le o Debleskro tchatchepen un dikenn les. Un mer nai krah tchi, hoi rikrell o tchatchepen pale.

2. Korintarja 13:8 ပူးပေါင်းရင်းမြစ်များ

1. Rajengro liil 22:28

Kote penas o Mika: “Te veh tou sasto pale pale, palle rakras o baro Devel gar dran miro mouy.” Oun palle penas lo: “Shounenn kova, t'mer menshe an i tsele themma!”

Gosewe laba 21:30

Kote dell kek gosvepen, či hoy yek feteder nay djinals oun penals, har nay krell o baro Devel.

Gosewe laba 26:2

Har i čirklo, hoy hadell pes an o bolepen, oun vell gar tele pash i mensheste, yaake hi o praasepen, hoy vas vin rakedo pral yekeste, kay kek doosh ap peste anas. Ko praasepen taprell les gar.

Markus 9:39

Penas o Yezous ap lende: Moukenn les! Kova, kay savo baro koova krella an miro lab, kova nay rakrell gar sik koy pal djoungeles pral mande.

2. Korintarja 10:8

Me nay penoms gomme boudeder mandar, te das man maro ray Yezous peskro čačo vast. Te penoms me kova, vals kova čačo. Yob das man peskro čačo vast, te krap t'men zoreles an o patsepen, gar te krap t'men paash.

2. Korintarja 13:10

Kava činau me t'menge kanna, kay hom dour krik t'mendar. Te vau pash t'mende, kamau gar te čingrell t'mentsa i zoryah, hoy das man maro ray Yezous. Kay zoor das lo man, te krap t'men zoreles, gar te krap t'men paash.

2. Korintarja 13:7

Mer mangah o Deblestar, te krenn t'mer kek čilačo koova. Kova mangah lestar gar, te sikras, har mishto mari boudi kram. Na-a, mer kamah, te krenn t'mer o lačepen, ninna te vell mendar penlo, kay mari boudi či moldo hi.

2. Korintarja 13:9

Ninna te ham mer gar zorelo, ham barhtelo, te han t'mer zorelo. Mer kamah, te venn t'mer an o čačepen glan o Debleste tardo, oun kova mangah lestar.

1. Timoteo 1:20

Douy lendar hi o Himeneo oun o Alexandro. Kolen dom an o bengeskro vast, te rakrenn le bouder gar djoungeles pral o Debleste.