2. Korintarja 12:2 - O Debleskro Lab 2024 (Sinte-Manouche)

² Me prindjrau i menshes, kay djivell o Yezous Kristeha. Kova vas glan deesh-te-star bersha an o triinto bolepen dren anlo. His lo čačepah koy pral? Me djinau les gar. Dikas lo kova an i souni? Me djinau les gar. Kova djinell o Devel kokres.

O Debleskro Drom 2021 (Sinte)

² Me prindjrau i menshes, kai djiwell o Jesus Kristeha. Kowa was glan deesh-te-star bersha an o triinto bolepen dren anlo. His lo tchatchepah koi pral? Me djinau les gar. Dikas lo kowa an i suni? Me djinau les gar. Kowa djinell o Dewel kokres.

2. Korintarja 12:2 ပူးပေါင်းရင်းမြစ်များ

1. Rajengro liil 18:12

Hoy hi, te djau kanna toutar, oun o baro Debleskro dourho lell tout krik oun anell tout ap i vavar kotar phoub, hoy me gar djinau? Oun me vau palle pash o Ahab oun penau leske, tou hal kay, oun yob hatsell tout gar? Palle moukell lo man te marell. Tou djineh, me, tiro boudepaskro, shounau ap o baro Debleste foun tiknes pre.

1. Rajengro liil 8:27

Nay vell čačo, kay o Devel kamell te djivell ap i phoub? O tselo bolepen hi gar bares doha leske. Har nay krals kova kava kheer, hoy me moukom te krell?

2. Rajengro liil 2:16

Oun penan ap leste: “Mer ham tire boudepangre. Mashkral mende hi paash-sheel zorele morsha. Kolen mouk te djal, te rodenn le tiro rayes. Kova nay vas yaake, kay las o baro Debleskro dourho les oun vitsras les ap i berga oder an i tala.” Koy penas yob: “Na-a, moukenn len gar te djal!”

Debleskri gili 148:4

Tou, o pralstouno bolepen, share les! Tou, o pani, hoy pral o bolepen hi, share les!

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Ezekiel 11:24

Oun an ko dikepen, hoy dikom, oun hoy vas o Deblestar, hadas man o dourho pre, oun anas man pale pash kolende, kay pandlo krik anlo van an o them Babilonia. Oun ko dikepen, hoy dikom, djas krik.

Ezekiel 43:5

Oun o dourho hadas man pre oun anas man ap koy tikni glanstouni platsa. Oun dikom o baro Debleskro raylepen, kolestar o kheer pherdo his.

Louka 24:51

Oun har yob yaake rakras, djas lo lendar oun vas pral an o bolepen hadedo.

Johanni 6:56

Koon rhala miro mass, oun piyell miro rat, kova ačella an mande, oun me ačau an leste.

Bičepangre 14:6

Har o Paulo oun o Barnabas kova hayvan, nashan le penge an o them Likaonia, an kol forya Listra oun Derbe.

Bičepangre 22:17

Har me pale an o foro Yerusalem vom, oun an o Debleskro baro kheer o Debles an-mangom, vas o Debleskro Dourho zoreles ap mande.

Remarja 16:10

Penenn ninna lače laba ap o Apelles! Kova sikras, te hi lo zoreles tardo an o patsepen. Penenn ninna lače laba ap o Aristobolo oun ap kolende, kay djivenn an leskro kheer.

Remarja 16:3

Penenn lače laba mandar ap i Priska oun ap o Akvila! Yon boudrenn mantsa o Yezous Kristeske.

Remarja 16:7

Penenn ninna lače laba mandar ap o Androniko oun i Yunia! Kolla hi ninna bibolde har me oun his mantsa an o stilepen. Yon hi an-diklo mank kolende, kolen o Yezous Kristo vin bičras, te penenn le leskro lab. Kol douy van glan mande ap leste patslo.

Remarja 16:9

oun ap o Urbano, kay mentsa khetne o Yezous Kristeske boudrella, oun ap miro lačo maal, o Stakis.

Remarja 8:1

Yaake djal kek nashedo, kay djivell o Yezous Kristeha khetne.

1. Korintarja 1:30

O Devel kras, te van t'mer ap o Yezous Kristeskro drom. Kanna djinah, hoy čačepah gosvepen hi. O Yezous Kristo kras men čačo glan o Debleste. Yob rodas men vin, te vas leske koy, oun las mari doosh mendar krik.

2. Korintarja 11:11

Hoske penau me kova yaake? Hi man kek kamlepen t'menge? O Devel djinella, kay kamau t'men o djiyestar.

2. Korintarja 13:5

Dikenn ap t'mende, har t'mer an o patsepen tardo han! Hi t'maro patsepen čačo? Djivell o Yezous Kristo mank t'mende? Te hayvenn t'mer gar, te hi lo mank t'mende, palle hi t'maro patsepen či moldo.

2. Korintarja 5:17

Kanna djinah: Koon o Yezous Kristeha djivella, kova hi i nevo mensho, oun djivell bouder gar peskro phouro djipen. I nevo koova vas an leskro djipen.

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Galatarja 1:22

An o them Youdea prindjran man kol patsle gar.

Galatarja 5:6

O Yezous Kristeske molell či, te hi i morsh ap o mass činlo, vitar gar, te hi lo gar činlo. Kova, hoy hi boudeder moldo har lauter, hi o patsepen. Ko patsepen dikah mer ap o kamlepen, kay yekes hi i vavareske.

Efesarja 4:10

Kova, kay vas tele ap i phoub, hi ninna kova, kay djas pre an o pralstouno bolepen, te djivell lo an o bolepen oun ninna ap i phoub.

5. Mose 10:14

O baro Debleske hi o bolepen, lauter hoy an o pralstunepen hi. Oun ninna i phoub oun lauter hoy dren hi, hi leskro.

1. Tessalonikarja 4:17

Palle vah mer, kay ham gomme djido, lentsa khetne pre hadedo oun ap i volke pash o rayeste, o Yezouseste, an o bolepen anlo. Oun pash leste ačah hako tsiro.

Hebrearja 4:14

Men hi i baro rashay. Kova hi o Yezous, o Debleskro čavo. Yob djas pash o Debleste an o bolepen, te mangell lo les menge. Doleske moukas mer gar tele, te rikras zoreles ap maro patsepen.

Hebrearja 9:24

Kova hi o Yezous Kristo. Yob djas gar an o Debleskro kheer, hoy i menshe kran, oun hoy sikrell mende kokres i tikno kotar ko čačo Debleskro kherestar an o bolepen. Na-a, yob djas an o bolepen glan o Debleste, te mangell lo les menge.

Debleskro tsiro 1:10

Ap o Debleskro dives vas o Debleskro Dourho zoreles pral mande. Oun me shounom pal mande i zorelo rakepen. Kova his har i gole, hoy dell i phourdepaskri.

Debleskro tsiro 12:5

Oun yoy las i morsh čaves. Kova te vell o ray pral i menshende an i tsele themma ap i phoub. Yob anell len i sasterno vasteha. Oun lakro čavo vas pre hadedo pash o Debleste, oun pash leskro beshepaskro.

Debleskro tsiro 4:2

Oun ap yek kopo vas o Debleskro Dourho zoreles ap mande, oun me dikom i rayeskro beshepaskro an o bolepen tardo. Oun ap koleste his yek beshdo.