2. Korintarja 10:12 - O Debleskro Lab 2024 (Sinte-Manouche)

¹² Mer krah men gar yaake bares, te penas, mer ham har kolla, kay penenn pendar, har mishto yon hi. Yon krenn pengro čačepen kokres vin oun patsenn, kova, hoy yon krenna, hi mishto. Doleske hayvenn yon či.

O Debleskro Drom 2021 (Sinte)

¹² Mer krah men gar jaake bares, te penas, mer ham har kolla, kai penenn pendar, har mishto jon hi. Jon krenn pengro tchatchepen kokres win un patsenn, kowa, hoi jon krenna, hi mishto. Doleske haiwenn jon tchi.

2. Korintarja 10:12 ပူးပေါင်းရင်းမြစ်များ

Hiob 12:2

Čačepah, t'mer han kolla, ap kolende hakeno hounte shounals! T'mentsa merell o gosvepen vin!

Gosewe laba 25:27

Boud gvin hi gar mishto. Yaake hi ninna, te shareh tou i vavares boud shoukar labentsa.

Gosewe laba 26:12

I dinelo nay vell sikeder gosevo har yek, kay pestar kokres patsell, te hi lo gosevo.

Gosewe laba 27:2

Mouk i vavaren tout te sharell oun gar tiro mouy! Hi feteder te sharell tout i vavareskro mouy har tiro mouy.

Louka 18:11

Ko Farisari čivas pes tardo oun penas: Mo Devel, me parkrau man pash toute, te hom gar yaake har kal vavar menshe: čorepangre, rhorhene, oun har kolla, kay rhorhenn pengri romyat i vavar djouvyah, oun gar yaake har kova, kay koy vergel tardo hi: Ko pale-čiddo.

Remarja 15:18

Me kamau gar te rakrap pral vavar koova har pral kova, hoy kras o Yezous Kristo mank kolende, kay kek bibolde hi. Dran maro rakepen oun mari boudi anas o Yezous Kristo len pash peste, te shounenn le ap leste.

2. Korintarja 10:11

Koon yaake rakrella, koleske penau me: Har mer an mare lila ham, kay ham dour krik t'mendar, yaake ham mer ninna, te vam pash t'mende.

2. Korintarja 10:18

Kova mensho kras peskri boudi mishto, kones maro ray Yezous sharell. Oun gar kova kras peskri boudi mishto, kay pes kokres sharell.

2. Korintarja 3:1

T'mer penans nay: Kanna sharenn le pen pale glan mende. Kova krah mer gar. Vitar gar hounte anas mer t'menge lila, kay dren tardo hi, har mishto mari boudi hi. Vavar menshe krenn kova, mer hounte kras kova gar. Vitar gar kamah t'mendar, te činenn t'mer menge save lila.

2. Korintarja 5:12

Kova penah gar, te sharas mer men pash t'mende. Na-a, kova penah, te nay sharenn t'men mentsa. Yaake djinenn t'mer, hoy te penenn nay kol menshenge, kay dikenn ap kova, hoy pash i menshende boud moldo hi. I djoudjo dji hi lenge či moldo.