2. Korintarja 10:10 - O Debleskro Lab 2024 (Sinte-Manouche)

¹⁰ Hi menshe mank t'mende, kay penenna: An peskre lila rakrell yob bare laba, oun hi zorelo. Te hi yob pash mende, hi yob tikno, oun an leskro rakepen hi kek zoor.

O Debleskro Drom 2021 (Sinte)

¹⁰ Hi menshe mank tumende, kai penenna: An peskre lila rakrell job bare laba, un hi sorelo. Te hi job pash mende, hi job tikno, un an leskro rakepen hi kek soor.

2. Korintarja 10:10 ပူးပေါင်းရင်းမြစ်များ

2. Mose 4:10

Oun o Mose penas ap o baro Debleste: “Miro Ray, me hayvau gar mishto te rakrell, ninna kanna kay rakreh mantsa, hi mange phares te rakrap.”

Jeremia 1:6

Oun me penom: Baro Devel, miro ray, me hom gar mishto doha te penap tiro lab. Me hom gar phouro doha.

1. Korintarja 1:17

O Yezous Kristo bičras man gar, te taufrap i menshen. Yob kamell te penap o lačo lab lestar i menshenge. Me penau kova gar goseve labentsa. Te rakroms me goseve labentsa, merals o Yezous Kristo čičeske ap o troushel.

1. Korintarja 1:21

Ninna te dikenn i menshe o Debleskro gosvepen an halauter, hoy yob kras, prindjran yon pengro gosvepah o Debles gar. Doleske hatsas o Devel i vavar drom. Yob lell kol menshen dran o čilačepen vin, kay patsenn ap o rakepen pral o Yezouseskro merepen ap o troushel. Kol vavar menshe, kay gar patsenna, penenna: “Kova hi i dinelo rakepen, hoy t'mer kate rakrenna.”

2. Korintarja 10:1

Me, o Paulo, rakrau t'mentsa kamles oun lačes, yaake har o Yezous Kristo kamles oun lačes hi. Hi menshe mank t'mende, kay penenna: “Me te hom pash t'mende, nay rakrau kek triin laba. Te hom dour t'mendar krik, palle rakrau zorele labentsa.”

2. Korintarja 10:11

Koon yaake rakrella, koleske penau me: Har mer an mare lila ham, kay ham dour krik t'mendar, yaake ham mer ninna, te vam pash t'mende.

2. Korintarja 10:9

Kova penau t'menge, te dikenn t'mer: Me kamom t'menge kek traash te krell mire lilentsa.

2. Korintarja 11:21

Me ladjau man te penap: Kova nay anoms me gar pral o dji! Kanna rakrau čačepah har i dinelo: Te patsell yek, te nay krell lo pes baro, palle nay krau man me ninna baro.

2. Korintarja 11:6

Ninna te nay rakrau gar yaake mishto har kol vavar, djinau ninna yaake boud har yon. Kova nay dikan t'mer hako kopo, kay rakrom, oun an hako koova, hoy krom.

2. Korintarja 13:3

Palle dikenn t'mer mishto, te vas miro rakepen o Yezous Kristestar. Yob hi zorelo pash t'mende, oun sikrell t'men peskri bari zoor.