2. Korintarja 10:1 - O Debleskro Lab 2024 (Sinte-Manouche)

¹ Me, o Paulo, rakrau t'mentsa kamles oun lačes, yaake har o Yezous Kristo kamles oun lačes hi. Hi menshe mank t'mende, kay penenna: “Me te hom pash t'mende, nay rakrau kek triin laba. Te hom dour t'mendar krik, palle rakrau zorele labentsa.”

O Debleskro Drom 2021 (Sinte)

¹ Me, o Paulo, rakrau tumentsa kamles un latches, jaake har o Jesus Kristo kamles un latches hi. Hi menshe mank tumende, kai penenna: “Me te hom pash tumende, nai rakrau kek triin laba. Te hom dur tumendar krik, palle rakrau sorele labentsa.”

2. Korintarja 10:1 ပူးပေါင်းရင်းမြစ်များ

Debleskri gili 45:4

Čip tiro rharo ap tiri rig, tou čačo morsh, oun sike tiro raylepen oun zoor!

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Mateo 11:29

Me hom t'menge i lačo ray, oun dikau ap kekeste tele. Shounenn ap mande oun krenn, hoy me t'menge penaua! Oun t'maro dji vell pale zorelo.

Mateo 21:5

Penenn i menshenge an o foro Yerusalem: Dik, tiro baro ray vell pash toute. Yob hi lačo oun krell pes gar bares. Yob hi beshdo ap i esla, ap i terni esla.

Bičepangre 8:32

Kol laba, hoy yob draveras, his kolla: Yob his har i bakro, kay djal kote, kay vell lo maredo. Yob kras peskro mouy gar pre har i terno bakro, koleske činenn le i balla tele.

Remarja 10:20

O Yesaya trashas gar te penell, hoy o Devel pral lende penas: Me moukom man kolendar te hatsell, kay rodan man gar. Oun sikrom man kolende, kay gar pal mande poučan.

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.

Remarja 15:15

Ninna te djinau kova, činom t'menge pral boud koova an kava liil. Me činom zorele labentsa, te bistrenn kova gar. Koy boudi das man o Devel an peskro lačepen.

1. Korintarja 2:3

Oun har me pash t'mende homs, his kek zoor an mande, oun man his traash.

1. Korintarja 4:10

Mer rakrah o Yezous Kristestar. Oun doleske ham dinele glan i menshengre yaka. T'mer patsenn ap o Yezous Kristeste, oun doleske han goseve. Mer ham gar zorele, oun t'mer han zorele. Men sharenn le gar. T'men sharenn le.

1. Korintarja 4:21

Hounte vap me o kashteha pash t'mende? Hi t'menge gar feteder, te vap i djiyeha pherdo kamlepen oun lačepen pash t'mende?

2. Korintarja 10:10

Hi menshe mank t'mende, kay penenna: An peskre lila rakrell yob bare laba, oun hi zorelo. Te hi yob pash mende, hi yob tikno, oun an leskro rakepen hi kek zoor.

2. Korintarja 10:2

Me mangau t'men: Ma krenn, te sikrap t'men, har zorelo hom, te vau pash t'mende! Man hi kek daar te rakrap zoreles kolentsa, kay penenn mendar, te krams mer o Debleskri boudi dran mari zoor.

2. Korintarja 10:7

Hayvenn, har kova hi! Yek, kay penell: O Yezous Kristo hi leskro ray, kova hounte dikell ninna, te hi o Yezous Kristo ninna miro ray.

2. Korintarja 11:21

Me ladjau man te penap: Kova nay anoms me gar pral o dji! Kanna rakrau čačepah har i dinelo: Te patsell yek, te nay krell lo pes baro, palle nay krau man me ninna baro.

2. Korintarja 11:30

Me te sharap man, palle kamau te sharap man koleha, te hom gar zorelo.

2. Korintarja 12:5

Ko menshes sharau me. Me sharau man gar. Te sharau man, sharau kova, hoy sikrella, kay hi man kek zoor.

2. Korintarja 3:12

Mer djinah zoreles, te hi kova yaake. Doleske hi men kek traash, te penas kova yaake i menshenge.

2. Korintarja 5:20

Yaake ham mer o Debleskre bičepangre. Men hi o Yezous Kristeskro čačo vast. Doleske mangah i menshendar, te venn le pash leste. Oun kova hi yaake, har te dell len o Yezous Kristo gole: “Avenn pash o Debleste! Avenn leskre mala!”

2. Korintarja 6:1

Mer ham o Debleskre boudepangre. Doleske penah t'menge: Ma vitsrenn gar o Debleskro lačepen an i čik!

2. Korintarja 7:4

Me patsau ap t'mende. Oun me sharau man t'mentsa. Ninna te vell boud pharo koova ap mende, hi miro dji zorelo oun man hi i bari barht an mande pral t'mende.

Galatarja 4:13

har me o ersto kopo pash t'mende homs? Na-a, kova hans gar. T'mer djinenna, har me t'menge o Debleskro lačo lab penom, koy djas mange gar mishto.

Galatarja 5:2

Shounenn ap mire laba! Me, o Paulo, penau t'menge: Hakeno, koon moukell pes ap o mass te činell, yaake har i bibolde kova kamenna, koleske meras o Yezous Kristo čičeske.

Efesarja 3:1

Doleske bičras o Yezous Kristo man, o Paules, pash t'mende, kay kek bibolde han. Dran kova hom me kanna an o stilepen. T'mer shounan, har das man o Devel miri boudi, te penap kolenge, kay kek bibolde hi, har baro leskro lačepen ninna lenge hi.

Efesarja 4:1

Me hom an o stilepen o Yezouseske, maro rayeske, oun mangau t'men o djiyestar, te djivenn t'mer t'maro djipen har save menshe, kolen o Devel peske khetne gole das.

Filiparja 4:5

Sikrenn hakeneste t'maro lačepen! O ray Yezous vella an i tikno tsiro pale.

Kolossarja 1:23

Yek koova hounte krenn t'mer: Ačenn ap o Yezouseskro drom! Patsenn zoreles ap leste! Moukenn gar tele, te dikenn ap kova, hoy t'men hi pash o Debleste! Rikrenn zoreles ap leskro lačo lab, hoy t'menge penlo vas! Ko lab vas penlo ap i tseli phoub. Ninna me, o Paulo, hounte penap ko lab i menshenge. Kova hi miri boudi.

2. Tessalonikarja 3:17

Kal laba činau miro vasteha: Ačenn o Debleha! Yaake činau an mire tsele lila. Kova sikrell t'men, kava liil vell mandar.

Filemon 1:19

Me, o Paulo, činau kova kokres miro vasteha. Me kamau playsrell, hoy yob hounte playsrals touke. Me kamau gar te rakrap pral koy siyaan, hoy tout pash mande hi: Me anom tout ap o Debleskro drom.

1. Petro 2:11

Kamle mala, t'mer djinenn, kay han gar khere ap kay phoub. Me mangau t'men, avenn zorelo! Te vell o djoungelo koova an t'mare djia pre, palle penenn: “Na-a!” ap kova oun krenn les gar!

Debleskro tsiro 1:9

Me, o Yohanni, hom t'maro phraal an o patsepen ap o Yezouseste. Yob hi miro baro ray, har yob t'maro baro ray hi. Yaake har t'mer venn leske palla lino, vom me ninna leske palla lino, oun dom miro patsepen gar pre. Me penom i menshenge o Debleskro lab, oun sikrom lende o Yezouseskro drom. Doleske vom stildo oun anlo ap ko them Patmos, kay an o baro pani čiddo hi.