2. Korintarja 1:4 - O Debleskro Lab 2024 (Sinte-Manouche)

⁴ Ninna te vell boud pharo koova ap mende, hi lo pash mende oun krell mare djia zoreles, te penas mer kolenge lače laba, ap kolende ninna pharo koova vella, te venn yon pale zoreles, yaake har kras o Devel mare djia zoreles.

O Debleskro Drom 2021 (Sinte)

⁴ Ninna te well bud pharo koowa ap mende, hi lo pash mende un krell mare djia soreles, te penas mer kolenge latche laba, ap kolende ninna pharo koowa wella, te wenn jon pale soreles, jaake har kras o Dewel mare djia soreles.

2. Korintarja 1:4 ပူးပေါင်းရင်းမြစ်များ

Debleskri gili 32:5

Doleske penom me touke miri doosh, oun khatrom gar o čilačepen, hoy me krom. Me penom mange: “Me kamau o baro Debleske ko čilačepen te penell, hoy krom.” Oun tou lal miri doosh mandar krik.

Debleskri gili 32:7

Pash toute nay khatrau me man, glan kova, hoy mange daar krell. Doleske sharau tout i barhtelo djiyeha pral kova, har tou man vin lal dran i bibarht.

Debleskri gili 66:16

Avenn oun shounenn, t'mer lauter, kay ap o Debleste patsenna, te penap t'menge, hoy yob mange kras.

Debleskri gili 86:17

Sike mande, te hal tou mantsa lačes, baro Devel! Palle hounte ladjenn pen kolla, kay kamenn mange čilačepen, te dikenn le, kay tou ap miri rig hal, oun mire sva tele khosseh.

Jesaja 12:1

I dives vella, kay i menshe an Yerusalem givenna: Me sharau tout, baro Devel! Ava, tou hals rhoyedo ap mande. Kanna hal bouder gar rhoyedo oun rakreh lačes mantsa.

Jesaja 40:1

“Rakrenn lačes mire menshentsa, oun khossenn lengre sva”, penell t'maro Devel.

Jesaja 49:10

Yon bokenna gar oun troushenna vitar gar. Oun o tato dourho dran o moulo them doukrell len gar, vitar gar dell len o kham čourye. Me, kay man i baro dji lenge hi, sikrau lenge o drom, oun anau len pash shila pani, te nay piyenn le.

Jesaja 51:12

Me hom kova, kay lačes t'mentsa rakrella. Oun koon hal tou, te dareh i menshendar, kay merenna, ava, kay tele merenn har o khass?

Jesaja 51:3

O baro Devel khossell i sva i menshendar an o foro Sion, oun čivell o tele phagedo foro pale pre. Yob krell, te vell o moulo tato them har i baar Eden, oun o divyo trouk them har o baro Debleskri baar. Kote sanenn oun stenn le, parkrenn pen pash o Debleste oun givenn leske.

Jesaja 52:9

Givenn khetne i barhtyatar, t'mer dran o khetne phagedo foro Yerusalem! O baro Devel las pes peskre menshenge an, oun krell o foro Yerusalem neves.

Johanni 14:16

Oun me mangau o dadestar, te bičrell yob t'menge i rakepaskres, kay vell ap t'mari rig. Yob djal bouder gar krik t'mendar.

Johanni 14:18

Me moukau t'men gar kokres, har te vell t'men kek dad. Me vau pash t'mende.

Johanni 14:26

Me te hom bouder gar pash t'mende, bičrell o dad t'menge o rakepaskres, kay vell ap t'mari rig. Kova hi o Debleskro Dourho. Oun yob penell t'menge halauter yaake, te nay hayvenn kova mishto. Oun yob moukell t'menge halauter an o shero te vell, hoy me t'menge penom.

2. Korintarja 7:13

Oun kova kran t'mer. Oun doleske vas nevi zoor an mare djia. Ava, mare djia van pale zoreles oun mari barht vas gomme bareder, har dikam, har barhtelo o Tito his, har vas lo t'mendar pale. T'mer lauter kran leskro dji zoreles.

2. Korintarja 7:4

Me patsau ap t'mende. Oun me sharau man t'mentsa. Ninna te vell boud pharo koova ap mende, hi miro dji zorelo oun man hi i bari barht an mande pral t'mende.

Filiparja 1:14

Ninna boud patsle van zorleder an o patsepen ap o rayeste, o Yezouseste, kanna, kay me stildo hom. Kolen hi bouder kek traash, te sikrenn le i menshende o Yezouseskro drom.

1. Tessalonikarja 4:18

Te dell yek o vavareste zoor kal labentsa!

1. Tessalonikarja 5:11

Dran kova, rakrenn kal laba yek ap o vavareste, te dell yek o vavares zoor, yaake har t'mer kova ninna krenna!

Hebrearja 12:12

Doleske avenn pale zoreles! Hadenn t'mare vasta pale pre, hoy khino van! Krenn t'mare herya pale zoreles, an lende bouder kek zoor hi!