2. Korintarja 1:20 - O Debleskro Lab 2024 (Sinte-Manouche)

²⁰ Lauter, hoy moukas o Devel glan i rah tsiro menge te penell, kova kras o Yezous Kristo menge. Dran kova penah mer Amen, te vell o Devel sharedo.

O Debleskro Drom 2021 (Sinte)

²⁰ Lauter, hoi mukas o Dewel glan i rah tsiro menge te penell, kowa kras o Jesus Kristo menge. Dran kowa penah mer Amen, te well o Dewel sharedo.

2. Korintarja 1:20 ပူးပေါင်းရင်းမြစ်များ

1. Mose 22:18

Tou kral, hoy me touke penom. Doleske djal koy barht, hoy dau tire menshende, doureder ap i tsele natsyone, kay ap i phoub hi.”

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

1. Mose 49:10

Hako tsiro vell o baro ray dran o kheer Youda, oun yek leskre menshendar rikrell o rayeskro kasht an o vast yaake rah, bis te vell kova, kay čačepah o baro ray hi. Ap koleste shounenn i natsyone ap i phoub.

Debleskri gili 102:16

I menshe an i tsele themma trashenn palle glan toute, o baro Debleste. Oun i tsele bare raya ap kay phoub vitsrenn pen tele glan tiro raylepen.

Debleskri gili 72:17

Leskro lab mou ačell hako tsireske. Yaake rah har o kham ap o bolepen hi, mou vell leskro lab sharedo! Lestar mou vell lačepen ap i menshende an i tsele themma. Oun yon te rakrenn i barht pral leste vin.

Jesaja 65:16

Palle penenn kolla an o them Youda, kay rakrenn i barht vin pral yekeste: “I barht o čačepaskro Deblestar vell pral toute!” Oun kova, kay dell pes sovel an o them, kova dell pes sovel pash o čačepaskro Debleste. Palle hi bistedo kol phare divessa pherdi bibarht, hoy glan kava tsiro his, oun venn mange bouder gar glan i yaka.

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

Mateo 6:13

Ma mouk men tiro dromestar tele te djal! Le men dran o bengeskro vast vin!

Louka 2:14

“Baro hi o Debleskro raylepen an o bolepen! O Debleskri barht vell ap i phoub. Yob dikell lačes ap i menshende.”

Johanni 1:17

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Johanni 3:5

Penas o Yezous ap leste: “Čačepah, me penau touke: Te vell yek gar neves boldo dran o pani oun dran o Debleskro Dourho, nay djivell lo gar khetne o Debleha.

Remarja 11:36

Lestar vas halauter. Halauter djivell lestar, oun halauter djal pale pash leste. Sharas o Debles kanna oun hako tsiro! Amen.

Remarja 6:23

Kova, kay krell o čilačepen, lell peskri phagi. Koy phagi hi o merepen. Kova, kay patsell ap o Yezous Kristeste, maro rayeste, koles dell o Devel čičeske o djipen, hoy gar pre-herella.

1. Korintarja 14:16

Te shareh tou o Debles an i rakepen, hoy o Debleskro Dourho tout das, oun koy hi yek, kay hayvell kova gar, har nay penell yob Amen ap kova, hoy tou penal?

2. Korintarja 4:15

Kova lauter, hoy lah ap mende, krah t'menge. Mer kamah, te vell o Debleskro kamlepen pash boud menshende prindjedo, te parkrenn pen boud oun boudeder pash leste, oun sharenn les.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

Galatarja 3:22

O Debleskro lab penella, kay hi hako mensho pandlo ap o čilačepen. Ko yek drom, kay anell men vin dran o čilačepen, hi o patsepen ap o Yezous Kristeste. Kova penas o Devel.

Efesarja 1:6

te sharas mer leskro baro lačepen. Yob his yaake lačo ap mende, te das lo peskro kamlo čaves menge!

Efesarja 2:7

Yaake baro hi leskro lačepen ap mende, kay patsah ap o Yezous Kristeste. Ninna an ko tsiro, hoy vella, dikenna i menshe, har baro leskro lačepen ap mende hi.

Kolossarja 1:27

Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.

2. Tessalonikarja 1:10

ap ko dives, kay vell maro ray Yezous pale, te vell lo sharedo peskre menshendar. Oun i tsele patsle dikenn les, oun hi barhtelo pral leste, ninna t'mer, kay patsan ap o Debleskro lačo lab, hoy mer t'menge penam.

Hebrearja 11:13

Kol phoure patsle meran lauter. Ninna te lan le kova gar, hoy kamas o Devel len te dell, patsan le, te lenn le les. Yon dikan kova dour glan pende, oun his barhtelo pral kova. Yon penan pendar, te hi len kek them ap i phoub, oun te hi le kate gar khere.

Hebrearja 13:8

O Yezous Kristo ačell har yob hi: taysar, kava dives, oun hako tsireske.

Hebrearja 7:6

Koleste das o Devel peskro lab, te krell lo les baro, oun te dell lo les boud barht. Ninna te hi o Abraham yaake baro, hi o Melkisedek bareder har yob. Yob las o deshto kotar o Abrahamestar oun rakras o Debleskri barht pral leste vin, ninna te his lo gar leskre menshendar.

1. Petro 1:12

Kol Debleskre rakepangre hayvan, kay kova gar lenge kokres hi, hoy len o Devel sikras. Kova hi t'menge, kay kanna djivenna. T'menge vas o lačo lab o Yezous Kristestar penlo. Kolla, kay penan les t'menge, rakran kova, hoy penas lenge o Debleskro Dourho. Koles bičras o Devel dran o bolepen. Ninna i bolepangre kamenn o Yezouseskro raylepen te dikell.

1. Johanni 5:11

O Devel penas čačepah, te dell lo men ko djipen, hoy gar pre-herella. Oun ko djipen hi an peskro čaveste.

Debleskro tsiro 3:14

“Čin kava liil ap o Debleskro boudepaskro, kay dell yak ap i patslende an o foro Laodicea: Kava penell kova, kay kharell Amen, oun penell hako tsiro o čačepen, oun sikrell i menshende o čačo drom pash o Debleste. Yob his koy pashel, har o Devel lauter kras.

Debleskro tsiro 7:12

Oun yon penan: “Hi mishto, te givas mer gilya maro Debleske, hoy les hadenna, oun hoy les bares krenna. Leskro raylepen oun gosvepen hi baro. Oun les hi bari zoor. Hi mishto, te parkras men pash leste, oun te sharas les, kanna oun hako tsireske. Amen!”