2. Korintarja 1:13 - O Debleskro Lab 2024 (Sinte-Manouche)

^13-14 Ninna kova, hoy činah t'menge an mare lila, nay hayvenn t'mer yaake, har kova činlo hi. Me patsau, te hayvenn t'mer men boudeder oun feteder, ninna te hayvenn t'mer kanna gomme gar lauter. Ap ko dives, kay vell maro ray Yezous pale, nay sharenn t'men mentsa, oun mer nay sharah men t'mentsa.

O Debleskro Drom 2021 (Sinte)

^13-14 Ninna kowa, hoi tchinah tumenge an mare lila, nai haiwenn tumer jaake, har kowa tchinlo hi. Me patsau, te haiwenn tumer men budeder un feteder, ninna te haiwenn tumer kanna gomme gar lauter. Ap ko diwes, kai well maro rai Jesus pale, nai sharenn tumen mentsa, un mer nai sharah men tumentsa.

2. Korintarja 1:13 ပူးပေါင်းရင်းမြစ်များ

Bičepangre 27:39

Har dives vas, dikan kol boudepangre ap o shiffo i kotar them an o pani. Kova prindjran yon gar. Kote dikan le i kotar phoub, kay o shiffo čiddo nay vals. Oun yon penan penge: Te djal kova, djah kote ap o them.

1. Korintarja 1:8

Yob dell t'men i zoor, te ačenn an o patsepen, bis te vell lo pale. Oun kek nay anell i doosh ap t'mende ap ko dives.

2. Korintarja 13:6

Me kamoms, te dikenn t'mer, kay mari boudi o Debleske mishto hi.

2. Korintarja 4:2

Djungelo koova, hoy krenn i menshe čorrhanes, kova krah mer gar. Mer rhorhah kek menshen oun penah o Debleskro lab yaake har činlo hi, oun gar vavarčandes. Yaake djivah glan o Debleste oun rakrah o čačepen, te hayvell nay hakeno, kova, hoy penah, hi čačo.

2. Korintarja 5:11

Mer djinah, har trashas maro rayestar. Doleske rakrah i menshenge an o dji, te patsenn le ap leste. O Devel djinell, te djah mer o čačo drom. Kamoms, te djinenn an t'mare djia kova ninna.