2. Korintarja 1:10 - O Debleskro Lab 2024 (Sinte-Manouche)

¹⁰ Oun yob moukas men gar te merell, oun krell kova vitar gar an ko tsiro, hoy glan mende hi. Ava, ap leste dikah, te lell lo men pale te pale vin dran o merepen an ko tsiro, hoy gomme glan mende hi.

O Debleskro Drom 2021 (Sinte)

¹⁰ Un job mukas men gar te merell, un krell kowa witar gar an ko tsiro, hoi glan mende hi. Awa, ap leste dikah, te lell lo men pale te pale win dran o merepen an ko tsiro, hoi gomme glan mende hi.

2. Korintarja 1:10 ပူးပေါင်းရင်းမြစ်များ

Debleskri gili 34:19

O baro Devel hi pash kolende, kay lengro dji phagedo hi. Oun kolenge, kay dikenn bouder kek momeli an pengro djipen, hi lo ap i rig tardo.

Jesaja 46:3

T'mer dran o kheer Yakob, t'mer, kay pral ačan dran o kheer Israel, shounenn ap mande, t'mer, kolen rikrom yaake rah har ap i phoub han. Ava, yaake rah har boldo van, hidjrom t'men.

Daniel 3:17

Maro Devel, koles mer an-mangah, te kamell yob, palle nay lell lo men vin dran i bobeskri yag oun dran tiro vast.

Daniel 6:16

Kote nashan kol morsha pale khetne pash o baro rayeste oun penan ap leste: “Tou djineh, baro ray, pash i Medarya oun o Persarya hi o čačepen yaake, te nay vell kek lab pale pale lino, hoy o baro ray moukas te činell!”

Bičepangre 26:21

Doleske tapran man kol bibolde an o Debleskro baro kheer, oun kaman man te marell.

Remarja 15:31

te vap me gar dino an i vasta kolendar, kay patsenn gar ap o Debleste an o them Youdea. Mangenn les ninna, te lenn kol patsle an o foro Yerusalem kol love lačes pre, hoy anau lenge.

2. Korintarja 1:9

Maro merepen his glan mare yaka. Kava pharo koova vas ap mende, te dikas bouder gar ap mende, na-a, te dikas ap o Debleste, kay krell i moulen djido.

2. Korintarja 6:9

Pash yekeste ham prindjedo, pash i vavarende ham gar prindjedo. Ninna te hi o merepen glan mare yaka, ham gomme djido. Mer lam dava oun meram gar.

1. Timoteo 4:10

Maro patsepen rikrell pes ap o djido Debleste. Yob kamell hako menshes dran o merepen vin te lell. Oun kolla, kay patsenn ap leste, venn dran o merepen vin lino. Doleske boudrah mer, oun lah ninna douka ap mende.

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.

2. Petro 2:9

O Devel, maro ray, hayvell garda te dell ap kolende, kay les kamenna, te perenn le gar o čačo dromestar tele. Yob hayvell ninna kol čilačen pandlo te rikrell, te lenn le pengri phagi ap ko dives, kay vell o čačepen vi-rakedo pral i tsele menshende.

1. Samuel 17:37

Oun pale penas o David: “O baro Devel, kay las man vin dran o leveskre moussya oun dran o bereskre moussya, kova lell man ninna vin dran i vasta kava Filistarestar.” Oun o Saul penas ap o David: “Dja koy, o baro Devel djal touha!”

1. Samuel 7:12

Oun o Samuel las i bar oun čivas les pre mashkral Mispa oun Shen, oun das les o lab Eben-Eser, oun penas: O tselo drom his o baro Devel ap mari rig.