2. Korintarja 1:1 - O Debleskro Lab 2024 (Sinte-Manouche)

¹ Kava liil činau me, o Paulo. Me hom o Yezous Kristeskro bičepaskro, yaake har o Devel kova kamell. Oun me oun maro phraal, o Timoteo, mer činah kava liil ap i patslende, kay venn khetne an o Debleskro lab an o foro Korint. Kava liil hi ninna i tsele Debleskre čavenge an o them Akaya.

O Debleskro Drom 2021 (Sinte)

¹ Kau liil tchinau me, o Paulo. Me hom o Jesus Kristeskro bitchepaskro, jaake har o Dewel kowa kamell. Un me un maro phraal, o Timoteo, mer tchinah kau liil ap i patslende, kai wenn khetne an o Debleskro lab an o foro Korint. Kau liil hi ninna i tsele Debleskre tchawenge an o them Achaja.

2. Korintarja 1:1 ပူးပေါင်းရင်းမြစ်များ

Bičepangre 16:1

Yon van ninna an i forya Derbe oun Listra. Koy his i terno patslo morsh. Kova kharas Timoteo. Leskri day his i biboldetsa. Oun yoy his patslo. Leskro dad his kek biboldo.

Remarja 16:21

O Timoteo, kay mantsa boudrella, penell t'menge lače laba. Ninna o Louka, oun o Yason, oun o Sosipater, – kolla hi lauter bibolde har me, – yon penenn t'menge lače laba.

Remarja 16:5

Penenn ninna lače laba mandar ap kol patslende, kay an lengro kheer khetne venna, oun ap miro lačo maal, o Epayneto. Yob vas o ersto patslo an o them Asia.

1. Korintarja 10:32

Djivenn yaake, te rhoyrell pes kek pral t'mende: kol bibolde gar, oun kolla, kay kek bibolde hi vitar gar, oun vitar gar kol patsle, kay venn t'mentsa khetne.

1. Korintarja 16:10

Te vell o Timoteo pash t'mende, palle len les yaake mishto pre, te vell les kek traash. Oun te dikell kek ap leste tele! Yob boudrell ninna o Debleske har me. Te vell lo pale pash mande, djan i kotar drom leha! Me oun i phrala, kay pash mande hi, ačah kate yaake rah, bis te vas lo pash mende pale.

1. Korintarja 16:15

Mire phrala, t'mer prindjrenn o Stefano oun kolla, kay an leskro kheer djivenna. Yon hi kol patsle, kay glan i tsele vavarende an o them Akaya ap o Yezouseste patsan. Yon boudrenna pengri tseli zoryah i patslenge. Mangau t'men,

1. Korintarja 16:24

Me kamau t'men lauteren o djiyestar. Mer ham yek an o Yezous Kristeste.

1. Korintarja 6:11

Hi menshe mank t'mende, kay kran savo koova. Kanna vas t'mari doosh tele thodo. Oun t'mer van erligo kerdo glan o Debleste, oun han čačo glan leskre yaka. Kova lauter kras maro ray, o Yezous Kristo, oun o Debleskro Dourho t'menge.

2. Korintarja 1:19

O Debleskro čavo, o Yezous Kristo, kolestar o Silvano, o Timoteo oun me t'menge penam, yob rikras ninna peskre laba. Lauter hi čačo, hoy yob penas.

2. Korintarja 1:23

Kanna penau t'menge, hoske djom gar pash t'mende. Me kamom t'men gar pale te doukrell. Glan o Debleste penau t'menge kava pash mo djipen.

2. Korintarja 11:10

An kava koova sharenn man i menshe. Oun pash o Yezous Kristeskro čačepen, hoy an mande hi, penau t'menge: Kek mensho an ko tselo them Akaya lell kava sharepen mandar krik!

2. Korintarja 9:2

Me djinau, t'mer kamenn o tselo djiyestar kol patslenge an o foro Yerusalem love khetne te čivell. Dran kova sharom t'men pash kolende an o them Macedonia oun penom: “Glan yek bersh lan kol phrala an o them Akaya love khetne.” Har yon kova shounan, kaman boud lendar yaake te krell, har t'mer kran.

Galatarja 1:1

Me, o Paulo, činau kava liil ap i patslende, kay venn khetne an o them Galatia. O Yezous Kristo das an miro vast, te penap i menshenge leskro lab. Me hom gar i menshendar bičedo. Kova, kay bičras man, hi o Yezous Kristo oun o Devel, maro dad. Kova kras les i moulendar djido.

Galatarja 3:26

Dran t'maro patsepen ap o Yezous Kristeste han lauter Debleskre čave.

Efesarja 1:1

Kava liil činau me, o Paulo. O Yezous Kristo bičras man, te penap i menshenge leskro lab. Yaake kamell kova o Devel. Me činau kava liil ap kolende, kolen o Devel vin gole das an o foro Efesus, oun kay patsenn ap o Yezous Kristeste.

Filiparja 1:1

Mer, o Paulo oun o Timoteo, činah kava liil. Mer boudrah o Yezous Kristeske, oun činah kava liil ap lauterende, kolen o Devel vin gole das an o foro Filipi, te patsenn le ap o Yezous Kristeste. Kava liil hi ninna i pralstunenge, kay denn garda ap i patslende, ninna kolenge, kay krenn o Debleskri boudi mashkral i patslende.

1. Tessalonikarja 1:1

Mer, o Paulo, o Silvano oun o Timoteo, činah kava liil ap t'mende, kol patslende, kay venna khetne an o foro Tessalonika. T'mer patsenn ap o Debleste, maro dadeste, oun ap maro rayeste, o Yezous Kristeste. Lačepen oun barht t'menge!

1. Tessalonikarja 3:2

oun te djal maro phraal, o Timoteo, pash t'mende. Kova hi o Debleskro boudepaskro, kay penell i menshenge o lačo lab o Yezous Kristestar. Mer bičram les pash t'mende, te krell lo t'men zoreles an o dji oun an t'maro patsepen,

2. Tessalonikarja 1:1

Mer, o Paulo, o Silvano oun o Timoteo, činah kava liil ap t'mende, kol patslende, kay venna khetne an o foro Tessalonika. T'mer patsenn ap o Debleste, maro dadeste, oun ap maro rayeste, o Yezous Kristeste.

1. Timoteo 1:1

Me, o Paulo, činau kava liil. Me hom o Yezous Kristeskro bičepaskro, te penap i menshenge leskro lab. Yaake kamell kova o Devel, kay lell men dran o čilačepen vin, oun o Yezous Kristo, ap koleste patsah.

2. Timoteo 1:1

Me, o Paulo, činau kava liil. Yaake har o Devel kamas, bičras man o Yezous Kristo, te penap i menshenge, kay o Devel kamell len ko djipen te dell, hoy gar pre-herella. Ko djipen dell lo kolen, kay ap o Yezous Kristeste patsenna.

Tito 1:1

Me, o Paulo, činau kava liil. Me hom o Debleskro boudepaskro. Oun o Yezous Kristo bičras man pash kolende, kolen o Devel peske vin rodas, te krap lengro patsepen zoreles, te hayvenn le o tselo čačepen, oun te djan le ap o Debleskro drom.

Filemon 1:1

Me, o Paulo, kay stildo hom o Yezous Kristeske, oun maro phraal, o Timoteo, mer činah kava liil ap toute, Filemon! Tou hal maro kamlo phraal oun kreh mentsa khetne o Debleskri boudi.

Hebrearja 13:23

Djinenn, maro phraal Timoteo vas dran o stilepen vin. Te vell lo sik pash mande, vau leha pash t'mende.