2. Johanni 1:8 - O Debleskro Lab 2024 (Sinte-Manouche)

⁸ Denn yak, te nashrenn gar kova, hoy mer t'men sikram, te vell t'men ninna ko tselo bravlepen, hoy o Devel kamell t'men te dell.

O Debleskro Drom 2021 (Sinte)

⁸ Denn jak, te nashrenn gar kowa, hoi mer tumen sikram, te well tumen ninna ko tselo brawlepen, hoi o Dewel kamell tumen te dell.

2. Johanni 1:8 ပူးပေါင်းရင်းမြစ်များ

Daniel 12:3

Oun kolla, kay hayvan o Debleskro drom, hi har i momeli ap o bolepen. Oun kolla, kay sikran i vavarende o čačo drom, hi har i bolepangre momlia hako tsireske.

Mateo 24:4

Penas o Yezous: Denn yak, ma moukenn t'men kekestar o Debleskro dromestar tele te anell!

Markus 13:23

Denn yak ap t'mende! Me penom t'menge kova lauter, te djinenn les ap ko tsiro, kay kova vella.

Markus 13:9

Denn yak ap t'mende! T'mer venn glan i čačepangre anlo, oun rhan dava an i biboldengre kangria. T'mer patsenn ap mande. Doleske anenn le t'men glan i pralstoune oun glan i bare rayende, te rakrenn yon i phagi vin pral t'mende. Te han glan lende tardo, palle nay rakrenn t'mer mandar, te shounenn yon pral mande o čačepen.

Louka 19:19

Ap koleste penas lo ninna: Tou veh o pralstouno pral panč forya.

Louka 21:8

Penas lo: “Denn yak! Moukenn t'men kekestar o Debleskro dromestar tele te anell! Koy venna boud morsha, kay penenna: Me hom o Kristo, ko baro ray, kolestar o Devel penas, te vell yob! Oun yon penenn ninna: O tsiro hi kay! Me penau t'menge: Ma nashenn lenge palla!

Johanni 4:36

Kanna anenn i boudepangre kolen khetne, kay lenn o djipen, hoy gar pre-herella. Oun lengri boudi vell playsedo. Yaake hi hake douy barhtelo: Kova, kay o tikno djob an i phoub vitsras, oun kova, kay anell o djob dren.

1. Korintarja 15:8

Pal lende moukas yob pes mandar te dikell. Pal mande dikas les bouder kek. Oun me homs gar moldo, te dikap les.

1. Korintarja 3:14

Te rhačrell kova gar krik, hoy yek pre čivas, lell yob čomone o Deblestar.

1. Korintarja 3:8

Kova, kay o djob an i phoub vitsrella hi yaake baro har kova, kay pani pre čorella. Oun o Devel dell hakenes, hoy leskri boudi moldo hi.

Galatarja 3:4

T'mer djan ap o Yezouseskro drom. Oun doleske kran i menshe t'menge o djipen phares. His kova lauter čičeske?

Galatarja 4:11

Me trashau t'menge, kay miri boudi pash t'mende čičeske his.

Filiparja 3:16

Yek hounte kras: Kova, hoy mer djinah, yaake hounte djivas ninna.

Hebrearja 10:32

Ma bistrenn ko tsiro, kay o Debleskro kamlepen har i momeli an t'mare djia vas! Ap ko tsiro kran i menshe t'menge o djipen phares. Oun t'mer lan boud douka ap t'mende, oun vitsran t'maro patsepen gar ap i rig.

Hebrearja 10:35

Doleske penau t'menge: Ma vitsrenn t'maro patsepen t'mendar! T'mer djinenn, havi barht lell kova, kay ap o Debleste rikrella.

Hebrearja 12:15

Denn yak, te čivell kek o Debleskro lačepen ap i rig! Denn yak, te djal kek čilačo rakepen mashkral t'mende trouyel, oun krell o patsepen boud patslendar paash! Savo rakepen hi har i čilačo rhourhour, hoy krell kolen nasselo, kay les rhana.

Debleskro tsiro 3:11

Me vau an i tikno tsiro pale. Rikrenn t'maro patsepen zoreles, te lell kek vavar ko shoukar koova t'mendar, hoy t'menge an o bolepen hi, oun hoy kolla lenna, kay dan pengro patsepen gar pre.