2. Johanni 1:5 - O Debleskro Lab 2024 (Sinte-Manouche)

⁵ Romniya, kanna činau touke oun tire čavenge i lab, hoy hi t'menge kek nevo lab. T'mer shounan les, har van patslo. Mangau t'mendar, te kamell yek o vavares o djiyestar!

O Debleskro Drom 2021 (Sinte)

⁵ Romnija, kanna tchinau tuke un tire tchawenge i lab, hoi hi tumenge kek newo lab. Tumer shunan les, har wan patslo. Mangau tumendar, te kamell jek o wawares o djijestar!

2. Johanni 1:5 ပူးပေါင်းရင်းမြစ်များ

Johanni 15:12

Kova kamau t'mendar, te kamell yek o vavares o djiyestar yaake har me t'men kamau o djiyestar.

Johanni 15:17

“Krenn, hoy me t'menge penau: Kamau, te kamell yek o vavares o djiyestar!

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Efesarja 5:2

oun djivenn an o kamlepen, yaake har o Yezous Kristo peskro kamlepen mende sikras, har yob menge meras. Oun yaake das lo peskro djipen o Debleske. Oun o Devel dikas lačes ap leste.

1. Tessalonikarja 4:9

Me hounte činap t'menge gar, te vell t'men i baro dji i patslenge. O Devel penas t'menge kova an o dji.

Hebrearja 13:1

Moukenn gar tele, te kamenn i phralen oun i phenyen o tselo djiyestar!

1. Petro 4:8

Rikrenn khetne an o kamlepen! Kova hi feteder har lauter vavar. O kamlepen čakrell boud čilačepen.

2. Petro 1:7

Koon o Debles kamella, koles hi ninna i dji peskre phralenge oun phenyenge. Kones i dji hi peskre phralenge oun phenyenge, kova kamell ninna i tsele menshen ap kay phoub.

1. Johanni 3:11

Ko lab, hoy t'mer shounan, har patslo van, hi kova: Mer patsle hounte kamas men yek o vavares o djiyestar.

1. Johanni 3:23

Oun kava kamell o Devel mendar: te patsas mer ap leskro čaveste, o Yezous Kristeste, oun te kamas men, yek o vavares o djiyestar, yaake har o Yezous Kristo les menge penas.

1. Johanni 4:20

Te penell yek: “Me kamau o Debles,” oun krell peskro phraleske čilačepen, kova hi i rhorheno. Yob kamell gar peskro phrales, koles yob nay dikella. Har nay kamell lo o Debles, koles yob nay gar dikella?

2. Johanni 1:1

Me, i phoureder, činau ap koy rayetsa, kolat o Devel peske vin rodas, oun ap lakre čavende. Me kamau t'men o tselo djiyestar, oun gar me kokres, ninna kol vavar, kay prindjrenn o čačepen, kamenn t'men o djiyestar.