1. Timoteo 6:9 - O Debleskro Lab 2024 (Sinte-Manouche)

⁹ Kolla, kay kamenn bravele te vell, kolla perenn an o bengeskro vast, oun anenn pen an boud dinelo oun djoungelo koova. Oun kova anell len an i bibarht oun moukell len tele te djal.

O Debleskro Drom 2021 (Sinte)

⁹ Kolla, kai kamenn brawele te well, kolla perenn an o bengeskro wast, un anenn pen an bud dinelo un djungelo koowa. Un kowa anell len an i bibacht un mukell len tele te djal.

1. Timoteo 6:9 ပူးပေါင်းရင်းမြစ်များ

1. Rajengro liil 21:6

Kote penas yob ap late: “Me penom ap o Nabot dran Yesreel: De man tiro kotar phoub, kay tire drakengre rouka tardo hi. Me playsrau les touke, oder, te kameh, dau tout i vavar kotar phoub drakengre roukentsa. Yob penas mange: Me dau touke gar miro kotar phoub i drakengre roukentsa.”

Debleskri gili 11:6

Mou dell lo i čilačen i phagi: Yag oun yagakri khand moukell lo pral lende te perell, oun i tato dourho phourdell ap lende.

Gosewe laba 15:27

Koon rhorhepah peskro bravlepen khetne lell, anell peskri familya an i bibarht. Koon moukell pes gar te ginell, savo djivell.

Gosewe laba 20:21

Te kameh sik kova te lell, hoy yek tire phourendar peskre menshenge pale moukell, palle anell kova touke kek barht.

Gosewe laba 21:6

Ko bravlepen, hoy khetne anlo vas o rhorhepah, hi har o dourho, hoy sik krik djal kolendar, kay o merepen rodenna.

Gosewe laba 22:16

Kova, kay rikrell i čorveles tele, te vell yob kokres bravleder, ninna kova, kay dell i braveles čomone, kova krell, te vell lo kokres čorvelo.

Gosewe laba 23:4

Ab yaake gosevo, te maress tout gar tele, bravelo te vell.

Jesaja 5:8

Djungelo djal kolenge, kay krenn pen yek kheer pal o vavar, oun ginenn penge yek kotar phoub pal o vavar, bis te bouder kek kotya phoub pral ačenn, oun lenge kokres o tselo them hi.

Zakarie 11:5

Lengre raya marenn len, oun kova djal lenge gar an o dji. Yon bikrenn len oun penenn: Sharedo vell o baro Devel! Mer ham bravelo. Ninna kol morshen, kay ap i bakre yak denn, hi kek dji lenge.”

4. Mose 31:8

Ninna maran le kol panč bare rayen pral i Midianarya. Yon kharan Evi, Rekem, Sur, Hour, oun Reba. Ninna dan le o Bileames o rhareha moulo, koleskro dad o Beor his.

Mateo 13:22

Vavar menshe hi har ko kotar phoub, kay o djob tel i soubyengre bourra peras. Yon shounan ko lab. Palle dikenn le ap i phoubyakro koova oun kamenn bravele te vell. Oun o bravlepen rhorhell i menshen. Oun ko lab, hoy shounan le, vell tassedo, oun nay rakrell bouder gar an lengro dji.

Mateo 19:22

Ko terno morshes his boud bravlepen. Har yob kal laba shounas, doukas kova les. Oun yob djas peske.

Mateo 26:15

oun poučas lendar: “Kitse love denn man t'mer, te dau les an t'mare vasta?” Oun yon dan les triyanda roupene beme.

Mateo 6:19

Anenn t'menge kek bravlepen ap i phoub khetne! Kote hi i kirme, hoy i ripya rhana. Koy krell o pani o saster paash. Kote hi i čorepangre, kay čorenn t'maro bravlepen.

Markus 4:19

Palle dikenn le ap i phoubyakro koova. Yon kamenn bravelo te vell, oun o bravlepen krell len gar barhtelo. Oun len hi bok pal boud vavar koova. Oun kova lauter tassrell ko lab, hoy shounan le. Oun ko lab nay rakrell bouder gar an lengro dji.

Louka 12:21

O Yezous penas doureder: “Yaake djal koleske, kay anas peske boud bravlepen khetne, oun hi čorvelo glan o Debleste.”

Louka 21:35

Djinenn! Ko dives vell pral lauterende, kay djivenna ap i phoub.

Bičepangre 8:20

O Petro penas ap leste: “Dja pash o bengeste, tou oun tire love! Tou patseh čačepah, te nay gineh tou i loventsa o Debleskri zoor!

Efesarja 4:22

Ma djivenn bouder gar t'maro phouro djipen! An t'maro phouro djipen vas o čilačo koova baro an t'mare djia, oun t'mer kran, hoy t'menge gar mishto hi. Savo koova krell t'maro djipen paash.

5. Mose 7:25

Rhačrenn i figure lengre deblendar! Ko roup oun ko sonakay, hoy ap lende hi, lenn gar tele t'menge, te venn t'mare djia gar pandles ap kova. Savo koova vals djoungeles glan t'maro baro Debleskre yaka.

1. Timoteo 1:9

Mer djinah, o Moseskre laba van gar činlo kolenge, kay pal o čačepen djivenna. Kol laba van činlo kolenge, kay gar pal o čačepen djivenna, oun kay gar ap o Debleste shounenna. Kol laba van činlo kolenge, kay gar ap o Debleste patsenna, oun krenna, hoy yob gar kamella. Kol laba van činlo kolenge, kay lengro dji djoungelo hi, oun kolenge, kay praasenn o Debles. Kol laba van činlo kolenge, kay marenn o dades oun i da, oun ninna vavar menshen.

1. Timoteo 3:7

I phoureder hounte vell yek, pral koleste ninna kol menshe, kay gar patslo hi, mishto rakrenna. Yaake hounte ladjell lo pes gar, oun perell gar an o bengeskro vast.

1. Timoteo 6:10

Koon pal i love hi, perell an hako čilačepen. His menshe koy, kay kaman i love yaake boud, kay peran le o Debleskro dromestar tele, oun doukran pen kokres.

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

2. Timoteo 2:26

Yaake venn yon pale dran o bengeskre vasta vin, kay yon pandlo his. O beng tapras len, te kran le kova, hoy yob kamella.

Tito 2:12

An peskro lačepen penell lo menge, te penas “na-a” ap lauter, hoy yob gar kamella, te kras mer ko djoungelo koova gar, hoy kol vavar kate ap i phoub krenna. Mer das yak, hoy krah, te djas ap o čačo drom, oun te kras, hoy o Devel kamella, yaake rah har mer djivah ap kay phoub.

Josua 7:11

O Israel anas bari doosh ap peste! Yon rikran pen gar ap mire laba, hoy lenge penom, te hounte rikrenn le. Oun yon lan kolestar, hoy mange his oun čoran les oun čivan les čorrhanes pash pengro koova pashel.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.