1. Timoteo 5:5 - O Debleskro Lab 2024 (Sinte-Manouche)

⁵ I patsli djouvel, kay hi lat bouder kek rom, vitar kek vavar menshe, kolake hounte venn t'mer koy. Koya dikell ap o Debleste kokres oun mangell lestar, te dell lo lat doha djipaske. Yoy mangell les i tselo djiyestar o dives oun i rati, oun moukell gar tele.

O Debleskro Drom 2021 (Sinte)

⁵ I patsli djuwel, kai hi lat buder kek rom, witar kek wawar menshe, kolake hunte wenn tumer koi. Koja dikell ap o Debleste kokres un mangell lestar, te dell lo lat doha djipaske. Joi mangell les i tselo djijestar o diwes un i rati, un mukell gar tele.

1. Timoteo 5:5 ပူးပေါင်းရင်းမြစ်များ

Debleskri gili 91:4

Har i karhni peskre ternen tel leskre moussya khatrell, yaake khatrell o Devel tout tel leskre zorele moussya. Kote nay djal touke či. Yob rikrell tout yaake har lo penas. Doleske nay vell kek čilačepen ap toute.

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

Jesaja 3:26

I menshe an tiro foreskre voudya, Yerusalem, denn palle gole oun rovenn. Oun o foro hi palle vi-čoredo oun mouklo.

Jesaja 49:21

Palle poučeh toutar an tiro dji: Koon anas mange yaake boud čaven ap i phoub? Me homs mouklo, kek čaventsa, kokres oun krik tradedo. Oun kolla kote, koon tserdas len bares? Ačom me gar kokres pral? Kay his kolla?

Jesaja 50:10

Kova t'mendar, kay krell, hoy o baro Devel kamell, oun shounell ap leskro boudepaskro, kova nay djinell: Ninna te djivell lo an i kali rat oun dikell kek momeli glan peste, hi lo an o baro Debleskro vast. Oun kova krell leske halauter mishto.

Jesaja 54:1

Yerusalem, tou hal har i djouvel, kay kek čave nay lell, kanna gib, tou, kay kek čaves ap i phoub anal, ab barhtelo, gib oun de gole i barhtyatar! O baro Devel penell touke: Tou, koy moukli djouvel, tout venn boudeder čave har kolat, kay romedino hi.

Ropaskre gilja 1:13

Yob bičras i yag dran o bolepen an mire kokale, hoy an mande rhačell. Yob čivas i netsa vin, te taprenn pen mire pire dren, oun moukas man ap o doumo te perell. Yob moukas man kokres čiddo. O tselo tsiro hom nasselo.

Louka 18:1

Oun o Yezous penas lenge laba, kay i khatedo čačepen dren hi, te sikrell lo len, te hounte mangenn le o Debles hako tsiro, oun te hounte moukenn le gar tele, te denn le les gole. Oun yob penas:

Louka 18:7

Har boud feteder hi o Devel! Patsenn t'mer gar, te vell lo ap i rig peskre vi-rodede menshendar, kay dives oun rati ap leste gole denna? Ava, yob vell ap lengri rig oun dell len lengro čačepen. Lell lo pes boud tsiro, te vell lo ap lengri rig?

Louka 2:37

Palle meras lakro rom. Oun kanna his li orhta-deesh-te-star bersha phouro. Oun yoy his o tselo dives oun i tseli rati an o Debleskro baro kheer, te mangell li o Debles an. Oun boud kope rhas oun piyas li či o Debleske.

Bičepangre 26:7

Mare menshe, kay venna i deesh-te-douy Israeleskre čavendar, kolla mangenn o Debles dives oun rati, te vell kova, hoy yob mare phourenge penas. Baro Agrippa, me patsau, kay kova vas, kolestar o Devel penas, te vell yob. Doleske kamenn man i bibolde i phagi te dell.

Bičepangre 6:1

An kol divessa, kay i patsle boudeder van, djas i čingepen mashkral i patslende, kay rakran hebretikes, oun kol patslende, kay rakran grichtikes. Mashkral kolla, kay rakran grichtikes, his djouvya, kolengre romma moulo his. Oun kolla lan gar yaake boud rhapaske har kolla, kay rakran hebretikes. Doleske his kolla, kay rakran grichtikes, rhoyedo ap kolende, kay rakran hebretikes.

Bičepangre 9:39

O Petro stas pre oun djas lentsa. Har yob kote vas, anan yon les an koy pralstouni isema, kay koy mouli djouvel čiddo hi. Boud djouvya, kolengre romma moulo hi, his kote oun rovan. Kolla van pash leste oun sikran leste kol ripya, kay i Tabita kras, har yoy djivas.

Bičepangre 9:41

Oun yob das lat o vast oun hadas lat pre. Palle das yob kol patslen gole, ninna kol djouvyen, kolengre romma moulo his. Oun yoy his djido glan lende tardo.

Remarja 1:12

Te dikah o patsepen, hoy an o vavareste hi, vah mer khetne zoreles an maro patsepen.

Remarja 1:5

Yob das man koy Debleskri boudi te djap pash i menshende an i tsele themma. Yob bičras man, te penap lenge, te patsenn le ap leste oun shounenn ap leste.

1. Korintarja 7:32

Me kamoms, te vell t'maro dji gar pharo. Koon gar romedino hi, nay vell o Yezouseske, maro rayeske, o tselo djiyestar koy.

1. Korintarja 7:34

Oun koy djouvel, kay gar romedini hi, dikella, hoy nay krell yoy o Yezouseske, maro rayeske. Oun yoy krell kova peskri tseli zoryah, oun kamell peskri tselo djiyeha leske koy te vell. I djouvel, kay romedini hi, kolakro dji hi pherdo phoubyakro koova. Yoy dikell ap kova, hoy lakro rom kamella.

Efesarja 6:18

Rakrenn hako tsiro o Debleha! Mangenn lestar kova, hoy o Debleskro Dourho an t'mare djia čivella! Ma moukenn tele te mangell les i tsele patslenge!

Filiparja 4:6

Ma darenn či! Hako tsiro mangenn o Deblestar, hoy t'men hounte vell, oun penenn leske lauter, hoy ap t'maro dji hi! Oun parkrenn t'men pash leste!

1. Timoteo 2:1

Me penau t'menge kanna, hoy hounte krenn oun gar moukenn: Mangenn o Debles i tsele menshenge! Penenn leske lauter, hoy ap t'maro dji hi! Parkrenn t'men pash o Debleste lautereske, hoy yob das!

1. Timoteo 5:16

Te hi i patsli djouvyat vavar djouvya an lakri familya, kolengro rom bouder gar djivella, hounte dikell yoy ap lende, te hi len doha djipaske. Kay boudi hi gar i boudi i tsele patslendar. I patsle hounte venn kol djouvyenge koy, kay len kek menshe hi.

1. Timoteo 5:3

Kanna rakrau pral kol djouvyende, kolengre romma bouder gar djivenna. De yak, te vell kolen doha djipaske, kay hi len čačepah kek menshe, kay lenge koy hi.

2. Timoteo 1:3

Hako dives oun haki rati moukau gar tele, te parkrap man pash o Debleste touke, oun te mangap o Debles touke. Yob hi kova, koleske boudrau me o djoudjo djiyeha, yaake har ninna mire phoure kova kran.

1. Petro 3:5

Yaake djivan ninna kol patsle djouvya an ko phouro tsiro. Yon dikan ap o Debleste, oun hadan pen gar pral pengre romende.

Ruth 2:12

O baro Devel mou dell tout ko lačepen pale, hoy tou lake kral! Yob, o baro Devel, ko Devel pral o Israel, pash koleste tou val, oun tel koleskro vast tout khatral, yob te dell tout i shoukar bravlepen halautereske, hoy kral.”