1. Timoteo 5:22 - O Debleskro Lab 2024 (Sinte-Manouche)

²² Ma čip sik tire vasta ap yekeste pre! De yak, te vell i doosh i vavarestar gar ap toute! Rike tiro dji djoudjo!

O Debleskro Drom 2021 (Sinte)

²² Ma tchip sik tire wasta ap jekeste pre! De jak, te well i doosh i wawarestar gar ap tute! Rike tiro dji djudjo!

1. Timoteo 5:22 ပူးပေါင်းရင်းမြစ်များ

Debleskri gili 50:18

Hako kopo, kay dikeh tou i čorepaskres, kreh tou tout leskro maal, oun hal beshdo khetne kolentsa, kay djan i vavar romyentsa.

Bičepangre 13:3

Oun yon rhan gomme i tikno tsiro či oun mangan o Debles an. Palle, čivan le i vasta ap lende oun penan: “Ačenn mo Debleha!” oun moukan len te djal.

Bičepangre 18:6

Yon shounan gar ap leste oun praasan les. Palle das yob koy čik dran peskre koola tele, oun penas ap lende: “T'maro rat vell ap t'maro shero. Man hi kek doosh. Kanna djau me pash kolende, kay kek bibolde hi.”

Bičepangre 20:26

Yek penau t'menge kava dives: Man hi kek doosh, te djal yek t'mendar nashedo.

Bičepangre 6:6

Kol morshen anan le pash o Yezouseskre bičepangre. Kolla čivan i vasta ap lende, oun mangan o Debles, te dell lo len zoor oun gosvepen an lengri boudi.

Efesarja 5:11

Ma djan ap o čilačo drom kolentsa, kay krenna, hoy či moldo oun čilačo hi! Sike lende, har čilačo kova hi!

1. Timoteo 3:10

Lenn t'men i tsiro, te dikenn t'mer, har yon djivenna. Te nashte rakrell kek pral lende djoungelo koova, palle nay boudrenn le i patslenge an o Debleskro kheer.

1. Timoteo 3:2

I phoureder hounte djivell yaake, te hatsell kek i doosh ap leste. Les vell gar boudeder har yek romni. Yob rakrell kek dinelo koova, oun dell pes yak, hoy yob rakrell oun krell. Yob moukell pes gar an djoungelo koova te tserdell. Yob lell i vavaren lačes an peskro kheer dren. Yob sikrell mishto o Debleskro drom.

1. Timoteo 3:6

I phoureder mank i patslende hounte vell gar neves an o patsepen, te nay phourdell lo pes gar pre. Te phourdas pes lo pre, nay tserdell les o beng o Debleskro dromestar tele.

1. Timoteo 4:12

Ninna te hal tou terno, ma mouk tout ap i rig te čivell! Tou djivess yaake, te dikenn i vavar patsle, har hounte djivenn yon. Kova dikenn le ap tire laba, tiro djipen, tiro kamlepen i vavarenge, tiro patsepen ap o Yezouseste, oun tiro djoudjo dji.

1. Timoteo 4:14

Ma biste koy boudi, hoy o Debleskro Dourho tout das, har kol phoureder phrala touke i vasta pre čivan, oun hoy yon pral toute glan-vi penan!

2. Timoteo 1:6

Doleske mangau tout: Mouk koy zoor an toute te boudrell, hoy o Devel tout das! Tou lal koy zoor, har mangom o Debles touke, oun har čivom touke i vasta pre.

2. Timoteo 2:2

Tou hals pashel, har penom boud menshen o Debleskro lab. Kova, hoy shounal mandar, sike kanna vavar patslen, kay krenn, hoy tou lenge peneh, oun kolendar tou djineh, te hayvenn le mishto o Debleskro lab te penell!

Hebrearja 6:2

Ninna vas t'menge penlo, te moukenn t'men te taufrell, oun hoske i patslo peskre vasta ap i vavareste čivella. T'menge vas ninna penlo, te krell o Devel i moulen djido, oun te rakrell lo o čačepen pral lende vin. Kova, hoy yob len dell, – o djipen har i phagi, – kova ačell hako tsiro ap lende.

Josua 9:14

Kote lan i pralstoune pral i Israelitarya o rhapastar kol vavarendar, hoy len o dromeske pashel his, oun rhan les. O baro Debles poučan le koleske gar.

2. Johanni 1:11

Koon les parkrella, koles hi ninna doosh ap leskro čilačo koova, hoy yob krella.

Debleskro tsiro 18:4

Oun me shounom, har yek vavar dran o bolepen rakras oun penas: “Mire menshe! Djan dran ko foro vin, te lenn t'mer gar leskri doosh oun leskri bibarht ap t'mende!