1. Timoteo 5:21 - O Debleskro Lab 2024 (Sinte-Manouche)

²¹ Me penau touke zoreles glan o Debleste, oun glan o Yezous Kristeste, oun glan kol Debleskre bolepangre, te rikress tout ap ko koova, hoy me touke kanna penom! Pash hakeneste dja pal o čačepen! Ma tserde yekes glan o vavareste!

O Debleskro Drom 2021 (Sinte)

²¹ Me penau tuke soreles glan o Debleste, un glan o Jesus Kristeste, un glan kol Debleskre bolepangre, te rikress tut ap ko koowa, hoi me tuke kanna penom! Pash hakeneste dja pal o tchatchepen! Ma tserde jekes glan o wawareste!

1. Timoteo 5:21 ပူးပေါင်းရင်းမြစ်များ

Debleskri gili 107:43

Koon gosevo hi, bistrell kova gar, oun hayvell, har lačo o baro Devel hi.

Debleskri gili 119:34

Mouk man lauter hayvell, te dap yak ap tiro drom, oun shounap ap toute o tselo djiyestar.

Gosewe laba 18:5

Hi gar mishto, te dell i čačepaskro morsh koles čačepen, kay i doosh ap peste anas, oun shounell gar ap koleste, kay an o čačepen tardo hi.

3. Mose 14:42

Oun kote, kay i barra vin phagedo van, venn vavar barra dren čiddo. Oun vavar čik vell ap i barra pre maklo.

3. Mose 19:15

Te vell o čačepen vin kerdo, palle de koles peskro čačepen, koles čačo hi! Ma tserde koles glan, kay čorvelo hi, vitar gar koles, kay bravelo hi. Hakeno hounte lell peskro čačepen.

Maleachi 2:9

T'mer rikran t'men gar ap miro drom, oun dikan ap o mensheste, har an-diklo yob hi, har penan leske, hoy te krell lo. Doleske krom t'men pale-čiddo, oun čivom ladj ap t'mende glan i tsele menshende an Israel.

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Louka 20:21

Oun yaake penan le ap leste: “Sikepaskro, mer djinah, te dareh tou kekestar. Oun tou peneh o čačepen i menshenge an o mouy. Oun tou sikreh lende o Debleskro drom.

Louka 9:26

Kova, kay ladjell pes mange oun mire labenge, koleske ladjau me ninna, te vau me, o Mensheskro Čavo, pale. Ap ko dives hi man ko raylepen, kay hi ninna miro dades oun o Debleskre bolepangren.

2. Korintarja 5:16

Doleske dikah kanna bouder gar yaake ap i mensheste har an o tsiro, har hams gomme gar patslo. Ninna prindjrah mer o Yezous Kristes kanna vavarčandes har an ko tsiro, har djivas lo ap i phoub.

5. Mose 1:7

Stenn kanna pre oun djan doureder pash i berge, kay i Amorarya djivenn, oun kote, kay kol Kanaanitarya djivenn: an o telstouno them o panyestar Yordan, oun an o pralstouno them, oun an o divyo them Shefelah oun an o them Negev pash o baro pani bis pash i berge Libanon oun o baro lengsto pani Eufrat.

5. Mose 33:9

Yon rikran boudeder ap toute har ap pengre dadende oun dayende, pengre phralende oun čavende. Oun dan yak ap tiro lab, oun rikran pen ap koy sovel, hoy tou lentsa dren djal.

1. Tessalonikarja 5:27

Me penau t'menge zoreles an o lab maro rayestar, o Yezousestar: Draverenn kava liil glan i tsele patslende!

1. Timoteo 6:13

Me penau touke glan o Debleste, kay krell lauter djido, oun glan o Yezous Kristo, kay penas o čačepen glan o Pontio Pilato:

2. Timoteo 2:14

Pen lenge kova pale te pale! De len trad glan o Debleste, te čingrenn yon pen gar pral laba! Ko čingepen hi či moldo, oun krell o patsepen kolendar paash, kay kova lauter shounenna.

2. Timoteo 4:1

Kova, hoy kanna penau touke, penau glan o Debleste oun glan o Yezous Kristeste, kay krell o čačepen vin pral i djidende oun i moulende. Yob, kay vell pale, te vell lo baro ray pral i tsele menshende, kova shounell, hoy touke penau:

Jakobo 3:17

Ko gosvepen, hoy o Deblestar vella, hi vavarčandes. I mensho, kay hi les kava gosvepen, kova djivell i djoudjo djipen. Yob kamell te djivell lo lačes i vavarentsa khetne. Yob hi kamlo oun lačo. Les hi i dji i vavarenge, oun krell boud lačo koova. Yob moukell pes gar ap yekeskri rig te tserdell. Les hi gar douy čipya.

2. Petro 2:4

O Debleskri rholi vas ninna pral kol bolepangre, kay kran o čilačepen. O Devel vitsras len an o telstunepen. Kote hi le pandlo an i kali rat, bis te vell ko dives, kay dell lo len lengri phagi.

Judas 1:6

Ma bistrenn vitar gar kol bolepangren, kay dan gar garda ap koy boudi, hoy o Devel len das, oun moukan pengro kheer an o bolepen. Kolen pandas lo i shellentsa, hoy kek tsireske bouder pre kerdo venn. Oun yob rikrell len stildo an i kali rat, bis te vell ko baro dives, kay i phagi pral lende vi-rakedo vella.

Debleskro tsiro 14:10

Yon hounte piyenn o Debleskri mool. Kay mool hi o Debleskri rholi. Kaya hi yaake zoreli har i mool, kay kek pani dren hi. Kolla, kay mangenn o firhes an, hounte djan an i bari yag. Oun koy yag oun i yagakri khand krenn lenge bare douka. Oun yon dikenn o Debleskre bolepangren oun o terno bakres.