1. Timoteo 5:13 - O Debleskro Lab 2024 (Sinte-Manouche)

¹³ Kal terne djouvya kamenn bouder gar te boudrell, oun yon djan dran yek kheer an o vavar, oun čamrenn boud. Yon kamenn lauter feteder te djinell, oun rakrenn yaake, hoy gar mishto hi.

O Debleskro Drom 2021 (Sinte)

¹³ Kal terne djuwja kamenn buder gar te budrell, un jon djan dran jek kheer an o wawar, un tchamrenn bud. Jon kamenn lauter feteder te djinell, un rakrenn jaake, hoi gar mishto hi.

1. Timoteo 5:13 ပူးပေါင်းရင်းမြစ်များ

Gosewe laba 11:13

Kova, kay djoungelo koova pral i vavarende rakrell, phoukrell, hoy lo čorrhanes shounas. I morsh o labestar rikrell kova peske.

Gosewe laba 20:19

Kova, kay djal trouyel oun rakrell djoungelo koova pral vavarende, phoukrell ninna vin, hoy i vavar leske čorrhanes penan. Doleske rike tout pale kolestar, kay nay rikrell gar peskro mouy.

Gosewe laba 31:27

Yoy dikell pal lauter, hoy an o kheer kerdo vell. Oun ko mareske, hoy li rhal, boudras li.

Gosewe laba 7:11

Divyo his li oun bipandlo, te rikrell lat nay či an lakro kheer.

3. Mose 19:16

Ma dja trouyel oun pen rhorhepen pral i vavarende! Te hounte peneh vin glan i čačepangre, ma pen rhorhepen, te aness o vavares an o merepen. Me hom o baro Devel.

Louka 10:7

Ačenn an ko kheer, kay yon t'men pre lan! Rhan oun piyenn kova, hoy yon t'men denna! Hako boudepaskro lell peskro rhapen kolendar, kolenge yob boudrella. T'mer hounte djan gar an yek kheer pal o vavar.

Bičepangre 20:20

Man his kek daar, te penap t'menge o tselo čačepen, har me t'mende o Debleskro drom sikrom. Oun me penom o Debleskro lab an t'mare khera.

Bičepangre 20:30

Ninna dran t'mende venn morsha, kay penenn i patslenge rhorhene laba, hoy gar o Deblestar vella. Oun yon tserdenn i patslen ap pengri rig.

1. Timoteo 5:12

Yaake rikrenn le gar pengro lab, hoy yon o Yezous Kristeste dan. Oun doleske anenn le doosh ap pende.

Tito 1:11

Tou pandess lengro mouy! Yon sikrenn i menshende i drom, hoy gar čačo hi. Kova krenn le, te vell len boudeder love. Yaake djinenn tsele familye bouder gar, hoy te patsenna.

Jakobo 3:10

Dran ko emligo mouy vella sharepen oun praasepen. Kova hi gar mishto, mire phrala!

1. Petro 4:15

Kek t'mendar hounte vell i marepaskro, i čorepaskro, i čingepaskro, i phoukepaskro! Kalla menshe lenn i phagi i menshendar oun hounte ladjenn.

3. Johanni 1:10

Te vau me pash t'mende, penau me leske, hoy yob lauter kras. Yob anell o rhorhepen pral mende pre. Oun kova hi leske gar doha. Yob lell gar i patsle phralen pre, kay venna pash leste. Oun kolla, kay kamenn len pash pende pre te lell, kolenge penell lo, te krenn le kova gar, oun vitsrell len dran i kangri vin.