1. Timoteo 1:14 - O Debleskro Lab 2024 (Sinte-Manouche)

¹⁴ Yaake lačo his o Yezous Kristo mange, te das lo man ninna o patsepen ap leste oun o kamlepen i vavarenge.

O Debleskro Drom 2021 (Sinte)

¹⁴ Jaake latcho his o Jesus Kristo mange, te das lo man ninna o patsepen ap leste un o kamlepen i wawarenge.

1. Timoteo 1:14 ပူးပေါင်းရင်းမြစ်များ

2. Mose 34:6

Yob djas glan o Moseste doureder oun das gole: “Me hom o baro Devel. O baro Devel hom me. Man hi i baro dji, pherdo kamlepen. Me vau gar sik rhoyedo. Miro lačepen hi baro oun me dau mire menshen gar pre.

Mateo 20:9

Koy van kolla glan leste, kay an i rat van, oun lan yek roupeni bema lestar. Oun lauter, kay pal lende van, lan ninna yek roupeni bema lestar.

Bičepangre 15:11

Mer patsah, te dell men maro ray Yezous ko djipen, hoy gar pre-herella čičeske, – kokres dran leskro lačepen. Ninna kolen, kay kek bibolde hi, dell lo kava djipen čičeske, – kokres dran leskro lačepen.”

Remarja 16:20

O Devel, kay dell t'men peskri barht an o dji, krell o bengeskri zoor paash. Oun ko tsiro vell sik. O lačepen maro rayestar, o Yezous Kristestar, djal t'mentsa!

1. Korintarja 15:10

O Devel kamas an peskro baro lačepen, te vap me kova, hoy me kanna hom. Oun leskro baro lačepen, hoy yob man das, his gar čičeske. Me boudrom boudeder har kol tsele vavar. Gar me kokres, o Debleskro lačepen an mande boudras mantsa, te krap nay koy boudi.

1. Korintarja 3:10

O Devel his lačes ap mande oun das man i boudi, te boudrap ap ko kheer. Yaake čivom me i telstoune barra. Me krom kova, har i gosevo boudepaskro, koon hayvella khera te krell. Ap kol telstoune barra čivell i vavar boudepaskro vavar koova pre. Hakeno hounte dell garda, hoy yob pre čivella.

2. Korintarja 4:15

Kova lauter, hoy lah ap mende, krah t'menge. Mer kamah, te vell o Debleskro kamlepen pash boud menshende prindjedo, te parkrenn pen boud oun boudeder pash leste, oun sharenn les.

2. Korintarja 8:9

T'mer djinenn, har lačo maro ray, o Yezous Kristo, ap t'mende his. Yob his bravelo, oun vas t'menge čorvelo. Kova vas lo, te venn t'mer bravelo.

Galatarja 1:13

T'mer shounan, har me djivom an o biboldengro patsepen, oun lom kolen palla, kay patsenn ap o Yezous Kristeste, oun kamom, te marap len.

1. Tessalonikarja 1:3

Hako tsiro, kay parkrah men pash leste, vell menge kova an o shero, hoy t'mer leske krenna an o patsepen oun an o kamlepen ap i menshende, oun har t'mer moukenn gar tele, te dikenn ap ko dives, kay vell maro ray, o Yezous Kristo, pale.

1. Tessalonikarja 5:8

Mer djivah ap o dives. Doleske das yak, har te djivas! Yaake har i kourepaskro rivell i sasterno gad ap peste, te nay doukrell les kek, yaake rivas mer o patsepen oun o kamlepen ap mende har i ripen. I kourepaskro čivell ninna i sasterni stadi ap peskro shero, te doukrell les kek ap leskro shero. Yaake nay doukrell men kek, te dikah mer ap o Yezous Kristeste, oun djinah zoreles, te lell men o Yezous Kristo dran o čilačepen oun o merepen vin.

1. Timoteo 2:15

I djouvel vell sharedo, te lell li čaven, oun te patsell li ap o Yezouseste, oun te hi lat o Debleskro kamlepen an lakro dji, oun te djivell li i djoudjo djipen glan o Debleste oun glan i menshende.

1. Timoteo 4:12

Ninna te hal tou terno, ma mouk tout ap i rig te čivell! Tou djivess yaake, te dikenn i vavar patsle, har hounte djivenn yon. Kova dikenn le ap tire laba, tiro djipen, tiro kamlepen i vavarenge, tiro patsepen ap o Yezouseste, oun tiro djoudjo dji.

1. Timoteo 6:11

Tou hal i Debleskro morsh. Rike tout ko tselo koova pale! Kre lauter, te vess an o čačepen tardo, oun te djivess yaake, har o Devel kamella! Kre ninna lauter, te ačess an o patsepen, oun te kamess i menshen o tselo djiyestar! Te djal touke gar mishto, rike vin! Ab lačes ap i vavarende!

2. Timoteo 1:13

Rike tout ap kal lače laba, hoy tou mandar shounal! Yaake djineh, har tou hounte rakress. Oun ač an o patsepen oun an o kamlepen, hoy o Yezous Kristo men das!

2. Timoteo 2:22

Tou, Timoteo, ma kre ko čilačo koova, hoy i terne morshenge an o shero trouyel djala! Kre lauter, te djivess an o čačepen! Ač an o patsepen! Ab kamlo ap i vavarende! Djib lačes lentsa khetne! Kre kova lauter khetne kol phralentsa, kay o Debles an-gole denna i djoudjo djiyeha!

Tito 2:2

Pen i phoure morshenge, te penenn le kek dinelo koova, te djivenn le lačes glan i menshende, te denn le yak, hoy yon rakrenna, te ačenn le an o čačo patsepen, te kamenn le i menshen o tselo djiyestar, oun te venn le gar khino an o patsepen!

1. Petro 1:3

Mer sharah o Debles, ko dades maro rayestar, o Yezous Kristestar. O Devel kamas men yaake boud, te vas yob maro dad oun das men o nevo djipen. Oun an mare djia djinah zoreles, yaake har yob o Yezous Kristes i moulendar djido kras,

1. Johanni 4:10

Kava hi o Debleskro kamlepen: Hi gar yaake, kay mer kamam o Debles. Na-a, yob kamas men, oun bičras peskro čaves, te lell yob mari doosh ap peste.

Debleskro tsiro 22:21

O lačepen maro rayestar, o Yezousestar, djal lauterentsa!