1. Tessalonikarja 5:6 - O Debleskro Lab 2024 (Sinte-Manouche)

⁶ Doleske, te sovas mer gar har i vavar, te rikras mare yaka pre, oun te das yak har djivah!

O Debleskro Drom 2021 (Sinte)

⁶ Doleske, te sowas mer gar har i wawar, te rikras mare jaka pre, un te das jak har djiwah!

1. Tessalonikarja 5:6 ပူးပေါင်းရင်းမြစ်များ

Gosewe laba 19:15

Kova, kay kamell gar te boudrell, vell khino. Moukell lo peskre vasta an i gali čiddo, vell ko tsiro, kay hounte bokell lo.

Jesaja 56:10

Kol morsha, kay hounte yak denn ap mire menshende, hi korelo, oun yon halauter hayvenn či, oun hi har djoukle, kay kek gole denn. Yon hi koy čiddo oun dikenn souni, oun kamenn te sovell.

Jona 1:6

Kote vas ko ray pral kava shiffo pash leste oun poučas lestar: “Hoy hi kanna touha? Hoske soveh tou? Ste pre, oun khare tiro debles an! Nay vell, tiro devel dikell kamles ap mende, te meras gar!”

Mateo 13:25

An i rat, har i tsele menshe sovan, djas i čilačo ap ko kotar them, vitsras o djoungelo zenlepen mashkral o djob, oun djas peske.

Mateo 24:42

Rikrenn t'mare yaka pre! T'mer djinenn gar ko dives, kay t'maro ray pale vella.

Mateo 25:13

Doleske penau me t'menge: Rikrenn t'mare yaka pre! T'mer djinenn gar ko dives, kay o ray pale vella!

Mateo 25:5

Oun ko biyabeskro vas gar yaake sik. Doleske van lauter khino oun sovan dren.

Mateo 26:38

Koy penas lo ap lende: “Miro dji rovella, oun mange hi yaake har te merap. Ačenn kate oun sovenn gar dren!”

Markus 13:37

Kova, hoy me t'menge penaua, ko penau lauterenge: Denn yak oun sovenn gar!

Louka 12:37

Barhtele hi kol boudepangre, kay sovenn gar, te vell lengro ray pale. Me penau t'menge: O ray penell lenge, te beshenn le pen tele, te rhan le. Oun yob pandell peske i damdira trouyel, oun hi lenge koy.

Louka 12:39

Kova hounte hayvenn t'mer: Te djinals kova, kay ap o kheer yak della, ko tsiro, kay ko dre-phagepaskro vella, nay phagals kova gar pash leste dren.

Louka 21:36

Denn yak hako tsiro! Mangenn o Deblestar, te venn t'mer zorelo an o patsepen tardo, oun venn mishto vin dran ko čilačo tsiro, hoy vella! Yaake hounte trashenn t'mer gar o Menshengro Čavestar, te vell lo pale.”

Louka 22:46

penas lo ap lende: “Hoske sovenn t'mer? Stenn pre oun mangenn o Deblestar, te nay anell t'men či o Debleskro dromestar tele!”

Bičepangre 20:31

Doleske denn yak! Oun rikrenn t'mare yaka pre! Triin bersha homs me pash t'mende, oun rovom hako dives oun haki rat ap t'mende, te krenn či, hoy gar mishto hi an o Debleskre yaka. Ma bistrenn kova!

1. Korintarja 15:34

Djan o čačo drom! Ma piyenn t'men mato! Djivenn bouder gar an o čilačepen! Mank t'mende hi menshe, kay djinenn gar, koon o Devel hi. Oun kova penau t'menge, te ladjenn t'men.

1. Korintarja 16:13

Denn garda, te ačenn an o patsepen! Ma trashenn! Ačenn zoreles!

Efesarja 2:3

His i tsiro, kay djivam mer halauter har yon, oun kram o čilačepen, hoy an mende hi. Mer kram, hoy mer kamam, oun hoy menge an o shero vas. Oun o Debleskri rholi his ninna pral mende har pral kol vavar menshende.

Efesarja 5:14

Oun kova, hoy diklo vella, ačell gar an o tamlepen.

Efesarja 6:18

Rakrenn hako tsiro o Debleha! Mangenn lestar kova, hoy o Debleskro Dourho an t'mare djia čivella! Ma moukenn tele te mangell les i tsele patslenge!

Filiparja 4:5

Sikrenn hakeneste t'maro lačepen! O ray Yezous vella an i tikno tsiro pale.

Kolossarja 4:2

Ma moukenn tele, te mangenn o Debles! Parkrenn t'men hako tsiro pash leste!

1. Tessalonikarja 4:13

Mire phrala, mer kamah, te djinenn t'mer, hoy hi kol patslentsa, kay meran, te vell t'menge gar ropaske har kolenge, kay prindjrenn o Debles gar oun djinenn gar, hoy pal o merepen vella.

1. Tessalonikarja 5:10

Kova meras menge, te djivas leha khetne, mer, kay gomme djido ham, oun ninna kolla, kay meran.

1. Tessalonikarja 5:8

Mer djivah ap o dives. Doleske das yak, har te djivas! Yaake har i kourepaskro rivell i sasterno gad ap peste, te nay doukrell les kek, yaake rivas mer o patsepen oun o kamlepen ap mende har i ripen. I kourepaskro čivell ninna i sasterni stadi ap peskro shero, te doukrell les kek ap leskro shero. Yaake nay doukrell men kek, te dikah mer ap o Yezous Kristeste, oun djinah zoreles, te lell men o Yezous Kristo dran o čilačepen oun o merepen vin.

1. Timoteo 2:15

I djouvel vell sharedo, te lell li čaven, oun te patsell li ap o Yezouseste, oun te hi lat o Debleskro kamlepen an lakro dji, oun te djivell li i djoudjo djipen glan o Debleste oun glan i menshende.

1. Timoteo 2:9

Ninna kamau, te rivell i djouvel kek vi-ladjede ripya. Te rivell li pes gar yaake, te dikell hakeno ap late. Lakro shoukapen te vell gar diklo an kova, har yoy peskre balla hidjrella, vitar gar an o sonakay oun vavar kouč koova, vitar gar an kouč ripya.

1. Timoteo 3:11

I djouvya, kay hi i patslenge koy, hounte djivenn ninna lačes glan i menshengre yaka. Yon rakrenn kek rhorheno koova pral i vavarende. Yon rakrenn kek dinelo koova. Yon krenn pengri tseli boudi mishto.

1. Timoteo 3:2

I phoureder hounte djivell yaake, te hatsell kek i doosh ap leste. Les vell gar boudeder har yek romni. Yob rakrell kek dinelo koova, oun dell pes yak, hoy yob rakrell oun krell. Yob moukell pes gar an djoungelo koova te tserdell. Yob lell i vavaren lačes an peskro kheer dren. Yob sikrell mishto o Debleskro drom.

2. Timoteo 4:5

Tou, Timoteo, de yak har tou djiveh! Rike vin, ninna te krenn le touke o djipen phares! Pen i menshenge o lačo lab o Yezous Kristestar! Koy boudi das tout o Devel. Kre koy boudi mishto!

Tito 2:12

An peskro lačepen penell lo menge, te penas “na-a” ap lauter, hoy yob gar kamella, te kras mer ko djoungelo koova gar, hoy kol vavar kate ap i phoub krenna. Mer das yak, hoy krah, te djas ap o čačo drom, oun te kras, hoy o Devel kamella, yaake rah har mer djivah ap kay phoub.

Tito 2:6

Pen i terne morshenge zoreles, te denn le yak, hoy yon rakrenna oun krenna!

1. Petro 1:13

Doleske avenn gar khino an t'mare djia, oun denn garda, te ačenn ap o Debleskro drom! Dikenn ap ko baro lačepen, hoy o Devel dell t'men ap ko dives, kay vell o Yezous Kristo pale.

1. Petro 4:7

Ko tsiro vella sik, kay či ačella, hoy kanna koy hi. Doleske denn garda, har t'mer djivenna, te rikrell t'men či pale, te rakrenn o Debleha!

1. Petro 5:8

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre.

Debleskro tsiro 16:15

Oun i triin benga anan len khetne an i them, hoy kharella ap hebretikes: Harmagedon. Kanna shounenn, hoy o Yezous Kristo penella! Yob penella: “Me vau har i čorepaskro. Barhtelo hi kova, kay yak della, oun gar sovella, oun leskre koola ap leste hi, yaake te hi lo gar nango oun ladjella.”

Debleskro tsiro 3:2

Stenn pre o sopastar! Mashkral t'mende hi gomme menshe, kay patsenn ap mande. Kolla hi gar boud. Oun lengro patsepen hi tikno. Krenn lengro patsepen pale zoreles! Glan miro Debleste hi kova gar mishto doha, hoy t'mer mange krenn.