1. Tessalonikarja 5:3 - O Debleskro Lab 2024 (Sinte-Manouche)

³ Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.

O Debleskro Drom 2021 (Sinte)

³ Te penenn i menshe: “Lauter hi mishto, kek kurepen hi kai, un men hunte well kek daar”, palle well i bibacht pral lende, un jon nai nashenn gar krik. Koi bibacht well pral lende jaake sik, har i duka wenn pral i djuwjate, kai lell i ternepen.

1. Tessalonikarja 5:3 ပူးပေါင်းရင်းမြစ်များ

Hiob 15:21

An leske kanda shounell lo i gole, hoy krell leske daar. An ko tsiro, kay leske lačes djal, vell o marepaskro pral leste.

Hiob 24:23

Yob moukell len te patsell, te djal lenge či. Oun lell hako koova an o yak, hoy le krenn.

Debleskri gili 35:8

Mouk i bibarht pral lende te vell yaake sik har i dap! Mou perenn le an koy netsa, hoy yon čivan mange. Mou perenn le an koy rheb, hoy yon hadan mange vin!

Debleskri gili 48:6

Yon dikan kova oun lenge ačas o dji tardo. Len tapras i daar oun yon nashan penge.

Debleskri gili 55:15

Mer hayvam men yaake mishto, oun djam khetne an o Debleskro kheer.

Debleskri gili 69:22

Yon dan man i shoutlo rhapen, oun har his man troush, dan le man shout te piyell.

Gosewe laba 29:1

Koon moukell pes či te penell, oun djal hako tsiro pal peskro shero, savo vella ap yek kopo phagedo, oun kek hi palle koy, kay hadell les pale pre.

Jesaja 20:6

Palle penenn kolla, kay pash o baro pani djivenn: Hi kolla kal menshe, pash kolende nasham, te lenn le men vin dran i vasta o baro rayestar pral Assour? Koon nay lell men kanna gomme koy vin?

Jesaja 29:5

Ap yek kopo venn kol boud boud lourde, kay ap t'mende djan, krik phourdedo har i stauba. Oun kol zorele kourepangre hi har o phouss, hoy krik phourdedo vell oun bouder gar koy hi. Yaake sik, har yek i yakentsa dell,

Jesaja 30:13

Kay doosh hi har i phagepen an i kheer. Ko kheer hi bouder gar zoreles tardo, oun ap yek kopo perell lo khetne. Oun kek patsas te vell kova yaake.

Jesaja 47:11

Kanna vell i bibarht pral toute, hoy tou nay gar krik dravereh. Ava, bibarht perell ap toute, kolatar nay nasheh gar touke. Oun yaake sik vell koy bibarht pral toute, te nay dikeh lat gar glan-vi.

Jesaja 47:9

Vell i dives, kay vell kova lauter pral toute: Tou nashreh tiro romes, oun tire čave hi moulo. Kova vell sik oun zoreles ap yek dives pral toute, ninna te djineh boud dravepangre laba pre te penell, hoy te rikrenn i bibarht dour toutar, oun kral boud bengeskro koova.

Jesaja 56:12

Yon denn gole: Avenn kay, me kamau mool te anell, te piyas men mates! Oun taysar krah har kava dives, oun gomme shoukeder!

Jeremia 13:21

Hoy peneh tou, te kamell o baro Devel, te venn kolla ray pral toute, kay an tire yaka tire mala his? I doukatar deh tou gole har i djouvel, kay lell i ternepen.

Jeremia 14:19

Dal tou kol menshen an Youda pre? Kameh tou o forestar Sion či bouder djinell? Hoske dal tou men yaake, kay nay krell men kek bouder sasto? Mer patsam, kay vell lauter mishto. Či vas mishto! Mer kamam, te vell i tsiro, kay kova, hoy an mende nasselo hi, sasto vals. Kova vas gar. I daar vas.

Jeremia 22:23

Kanna hi tiro baro ray beshdo ap i berga Libanon, oun moukell peske mishto te djal an khera dran cedertikro kasht. Sik vell koy phagi pral leste. Oun palle dell lo gole i doukatar, har i djouvel, kay lell i ternepen.

Jeremia 4:31

Me shounau i gole, har i djouvyatar, kay lell o ersto kopo i ternepen. Kaya hi koy gole o forestar Sion, kay taprell pal dourho, oun peskre vasta pre hadell, oun gole dell: Me hom nashedo! Kolla venna oun denn man moulo!

Jeremia 6:14

oun krenn yaake, har te vans kol douka mire menshendar gar yaake pharo. Yon penenna: Lauter hi mishto, lauter hi mishto, ninna te hi či mishto.

Jeremia 6:24

Mer shounam lendar, oun mare moussya peran menge tele. Oun i bari traash vas ap mende. Men hi bare douka har i djouvel, kay i ternepen lella.

Jeremia 8:11

oun krenn yaake, har te vans kol douka mire menshendar gar yaake pharo. Yon penenna: Lauter hi mishto, lauter hi mishto, ninna te hi či mishto.

Ezekiel 13:10

Yon anenn mire menshen o čačo dromestar tele, oun penenn: “Lauter hi mishto.” Oun čačepah, či hi mishto. Mire menshe kran pen i massouri dran barra, hoy rikrenn gar. Oun i rakepangre van, oun makan lat parnes.

Hosea 13:13

Douka venna pral leste, har i djouvyat douka hi, kay anell i ternepen ap i phoub. O Efrayim hi har i ternepen, kay hayvell gar, te vas o tsiro, kay vell lo boldo, oun yob kamell gar vin te vell.

Nahum 1:10

T'mer han či har soubyengre kashta, hoy či-moldo hi, oun hoy an i yag vitsedo venn, oun pre-rhačenn har trouk phouss, te ačell či lendar pral.

Mateo 23:33

T'mer han sapa. Ava, čilače sapa han t'mer. O Devel vitsrell t'men an o bengeskri yag. Oun t'mer nashte nashenn gar glan koleste krik.

Johanni 16:21

I djouvel, kay lell i ternepen, kolat hi douka. Te hi ko ternepen koy, bistrell li kol douka. Yaake bari hi lakri barht, kay yoy las i ternepen.

Bičepangre 13:41

Yaake penas o Devel: T'mer, kay rikrenn o Debles dineleske, krenn bare yaka i daryatar oun merenn! Shounenn, me krau i baro koova an t'maro tsiro. Kova patsenn t'mer gar, te penell t'menge kova yek.”

5. Mose 29:19

Ap saveste dikell o baro Devel gar lačes, na-a, pral koleste rhačell leskro dji i rholyatar. Oun ko tselo praasepen oun i tseli bibarht, hoy an kava liil činlo hi, vell ap leste čiddo. Oun o baro Devel krell, te vell yob oun leskri familya bistedo ap i tseli phoub.

2. Tessalonikarja 1:9

Kolla lenn i phagi: Yon djan hako tsireske nashedo, oun nay venn bouder gar pash o Debleste, oun dikenna gar leskro baro raylepen

Hebrearja 12:23

Kote venna o Debleskre čave khetne. Lengre laba hi an o bolepen pre činlo. Kote hi o Devel, kay rakrell o čačepen vin pral i tsele menshende. Kote hi ninna kol tsele patsle, kay meran oun kolen o Devel pash peste las.

Hebrearja 2:3

Mer te djah gar ap o nevo drom, kay lah o djipen, hoy gar pre-herella, palle vella o Debleskri rholi pral mende. Kava nevo drom sikras men maro ray Yezous. Oun leskre laba hi o čačepen. Kolla, kay les shounan, penan les menge.

2. Petro 2:4

O Debleskri rholi vas ninna pral kol bolepangre, kay kran o čilačepen. O Devel vitsras len an o telstunepen. Kote hi le pandlo an i kali rat, bis te vell ko dives, kay dell lo len lengri phagi.

Čačepangre 8:11

Oun o Gideon djas ko drom, kay kolla djan, kay an plarhtene khera djivenn. Ko drom djal pash i forya Noba oun Yogboha, ap koy rig, kay o kham pre djala. Oun yob peras pral i lourdende dran Midian kote, kay yon beshde hi, an ko tsiro, kay daran le gar, te merenn le.