1. Tessalonikarja 5:20 - O Debleskro Lab 2024 (Sinte-Manouche)

²⁰ Shounenn ap kol laba, hoy o Devel i patsleske an o dji čivas!

O Debleskro Drom 2021 (Sinte)

²⁰ Shunenn ap kol laba, hoi o Dewel i patsleske an o dji tchiwas!

1. Tessalonikarja 5:20 ပူးပေါင်းရင်းမြစ်များ

Bičepangre 13:1

Mashkral i patslende an o foro Antiochia his Debleskre rakepangre oun sikepangre. Kolla his o Barnabas oun o Simon, ap koleste penan le Kalo, ninna o Lucio dran o foro Kirene, oun o Manaen. Kova his i maal o baro rayestar Herodes Antipas. Oun o Saulo his ninna mank lende.

Bičepangre 19:6

Oun o Paulo čivas i vasta ap lende, oun o Debleskro Dourho vas ap lende. Oun yon rakran an vavar rakepen, oun penan kova, hoy o Devel lende sikras.

1. Korintarja 11:4

Hako morsh, kay mangell o Debles an, oun hako morsh, kay penella, hoy o Devel leste sikras, oun les hi i stadi ap o shero, kova anell ladj ap peste.

1. Korintarja 12:10

I vavares dell yob i zoor, te krell yob baro koova, hoy kek kokres pestar nay krella. Oun pale i vavar penell i menshenge, hoy o Devel leste sikras. Oun pale i vavar hayvella, hoy o Deblestar vella, oun hoy gar o Deblestar vella. Vavar rakrenn an vavar rakepen, hoy o Debleskro Dourho len das. Oun pale vavar penenn, hoy koy rakedo vas.

1. Korintarja 12:28

Kote, kay i patsle khetne venna, das o Devel hakenes i boudi. Peskre bičepangren das lo koy boudi, te penenn le i menshenge peskro lab. Oun vavar hi o Debleskre rakepangre, kay penenna, hoy o Devel len sikras. Koy hi ninna sikepangre, kay sikrenn i menshende o Debleskro drom, oun kolla, kay krenn baro koova an o Debleskri zoor, kay kek kokres pestar nay krella. Vavaren das yob i zoor, te krenn le i nasselen sasto. Hi patsle, kay hi o vavarenge koy, oun ninna vavar, kay rikrenn i patslen khetne, oun pale vavar, kay rakrenn nay an i vavar rakepen, hoy o Debleskro Dourho len das.

1. Korintarja 13:2

Te vals man gar o Debleskro kamlepen an o dji, palle molals ninna kova či, te penoms me i menshenge, hoy o Devel mande sikras. Te vals man gar o Debleskro kamlepen an o dji, palle molals ninna kova či, te djinoms halauter, hoy i vavar gar djinenna oun te hayvoms ko tselo Debleskro drom. Te vals man gar o Debleskro kamlepen an o dji, palle molals ninna kova či, te vals man yek zorelo patsepen, te penoms ap i berge: Hadenn t'men, oun yon hadenna pen.

1. Korintarja 13:9

Kanna djinah gar lauter o Deblestar, i tikno kotar kokres. Oun kova, hoy sikrell lo mende pestar, hi i tikno kotar kokres.

1. Korintarja 14:1

Krenn lauter, te lenn o Debleskro kamlepen an t'maro dji! Oun rodenn i tselo djiyestar kol zorya, hoy o Debleskro Dourho an t'mende čivella, te nay boudrenna o Debleske! Boudeder har hako vavar koova rodenn koy pal, te penenn nay i menshenge i lab, hoy vella o Deblestar.

1. Tessalonikarja 4:8

Koon kamell kol laba gar te shounell, kova čivell o Debles ap i rig, oun gar i menshes. Oun o Devel hi kova, kay das peskro Dourho an t'mende.

1. Johanni 4:1

Lače phrala oun phenya, ma patsenn hakenes, koon penella, te hi les o Debleskro Dourho! Dikenn ap leskro rakepen, te djinenn t'mer, te vell kova čačepah o Deblestar! Boud rhorhene rakepangre nashenn ap i phoub trouyel. Kolla penenna i menshenge, te vell lengro rakepen o Deblestar. Kova hi gar čačo.