1. Tessalonikarja 5:12 - O Debleskro Lab 2024 (Sinte-Manouche)

¹² Mire phrala, mer mangah t'men: Shounenn ap t'mare pralstunende, kay boudrenn mashkral t'mende! O Devel čivas len an pengri boudi, te sikrenn le t'men, hoy yob kamella!

O Debleskro Drom 2021 (Sinte)

¹² Mire phrala, mer mangah tumen: Shunenn ap tumare pralstunende, kai budrenn mashkral tumende! O Dewel tchiwas len an pengri budi, te sikrenn le tumen, hoi job kamella!

1. Tessalonikarja 5:12 ပူးပေါင်းရင်းမြစ်များ

Louka 10:7

Ačenn an ko kheer, kay yon t'men pre lan! Rhan oun piyenn kova, hoy yon t'men denna! Hako boudepaskro lell peskro rhapen kolendar, kolenge yob boudrella. T'mer hounte djan gar an yek kheer pal o vavar.

Johanni 4:38

Me bičrom t'men, te anenn t'mer kote o djob dren, kay i vavar maran pen tele, te vitsran le ko tikno djob an i phoub. Oun t'mer nay anenn kanna o djob dren.”

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

Bičepangre 20:35

Yaake sikrom t'mende, kay hounte boudras, te nay dah ninna i čorvelende čomone. Ma bistrenn kol laba, hoy o ray Yezous penas: Kova, kay della, hi barhtleder har kova, kay lella.”

Remarja 16:12

Penenn lače laba ap i Trifena oun i Trifosa! Kolla boudrenn o Yezouseske, maro rayeske. Penenn lače laba ap miri lači pheen, i Persis! Koya kras i bari boudi i patslenge.

Remarja 16:6

Penenn ninna lače laba mandar ap i Mariat! Kaya boudras yaake boud t'menge.

1. Korintarja 12:28

Kote, kay i patsle khetne venna, das o Devel hakenes i boudi. Peskre bičepangren das lo koy boudi, te penenn le i menshenge peskro lab. Oun vavar hi o Debleskre rakepangre, kay penenna, hoy o Devel len sikras. Koy hi ninna sikepangre, kay sikrenn i menshende o Debleskro drom, oun kolla, kay krenn baro koova an o Debleskri zoor, kay kek kokres pestar nay krella. Vavaren das yob i zoor, te krenn le i nasselen sasto. Hi patsle, kay hi o vavarenge koy, oun ninna vavar, kay rikrenn i patslen khetne, oun pale vavar, kay rakrenn nay an i vavar rakepen, hoy o Debleskro Dourho len das.

1. Korintarja 15:10

O Devel kamas an peskro baro lačepen, te vap me kova, hoy me kanna hom. Oun leskro baro lačepen, hoy yob man das, his gar čičeske. Me boudrom boudeder har kol tsele vavar. Gar me kokres, o Debleskro lačepen an mande boudras mantsa, te krap nay koy boudi.

1. Korintarja 16:16

shounenn ap kolende oun ap savende har yon, kay boudrenn o Debleske pengri tseli zoryah!

1. Korintarja 16:18

Yon kran miro dji zoreles, yaake har yon ninna t'mare djia zoreles kran. Rikrenn t'men ap save menshende!

1. Korintarja 3:9

Mer ham o Debleskre boudepangre. T'mer han o Debleskri harhetikri phoub. Oun t'mer han har i kheer, hoy o Devel peske krella.

2. Korintarja 11:23

Yon penenn, te hi le o Yezous Kristeskre boudepangre. Kanna rakrau har i dinelo: Me hom boudeder har yon leskro boudepaskro. Me boudrom boudeder. Me vom boudeder stildo. Me lom boudeder dava. Man his boudeder o merepen glan i yaka har yon.

2. Korintarja 5:9

Doleske kamah lauter te krell, te vell yob barhtelo pral mende kate ap kay phoub, oun ninna kote pash leste.

2. Korintarja 6:1

Mer ham o Debleskre boudepangre. Doleske penah t'menge: Ma vitsrenn gar o Debleskro lačepen an i čik!

Galatarja 4:11

Me trashau t'menge, kay miri boudi pash t'mende čičeske his.

Filiparja 2:16

te rikrenn t'mer ap o Debleskro lačo lab, hoy o djipen della. Te krenn t'mer kova lauter, palle hom me barhtelo ap ko dives, kay o Yezous Kristo pale vella. Yaake his miri boudi pash t'mende gar čičeske.

Filiparja 2:19

Kamau te bičrap o Timotes sik pash t'mende, oun patsau, te krell maro ray Yezous i drom, te bičrap les. O Timoteo, te vell lo pale pash mande, nay penell lo mange, har t'menge djala, te vap barhtelo pral t'mende.

Kolossarja 1:29

Dran kova boudrau i tseli zoryah, hoy o Yezous Kristo an mande das.

1. Tessalonikarja 2:9

Mire phrala, t'mer djinenna, har phari mari boudi his, har hams pash t'mende, oun sikram t'mende o Debleskro drom. Ap o dives oun an i rat boudram, te djivas gar dran t'mari possita.

1. Tessalonikarja 4:1

Mire phrala, mer sikram t'mende, har te djivenn t'maro djipen yaake, te vell o Devel barhtelo pral t'mende. Oun kova krenn t'mer. Kanna mangah t'men yaake har maro ray, o Yezous, mangals t'mendar: Krenn kova gomme boudeder oun feteder!

1. Tessalonikarja 5:14

Mire phrala, kanna penah t'menge, hoy te krenn: Denn kolen trad, kay kamenn gar te boudrell! Rakrenn kolentsa mishto, kay hi dareno! Krenn kolen zoreles, kay hi gar zorelo an o patsepen! Denn kekes sik pre!

1. Timoteo 5:1

Ma činge ap i phoureste! Tou te peneh o phouro morsheske, kay kova gar mishto hi, hoy yob kras, palle rake leha, har te vals yob tiro dad! Oun i terne morshentsa rake, har te vans le tire phrala!

1. Timoteo 5:20

Kolla, kay kran čilačo koova, kolen dess trad glan lauterende, te vell kol vavaren daar.

2. Timoteo 2:6

O harho, kay phares boudrella, hi o glanstouno, kay rhal kolestar, hoy dran i phoub vas.

Tito 1:3

Oun kanna, kay o čačo tsiro vas, moukell lo hakeneske peskro lab te hayvell. Maro Devel, kay men dran o čilačepen oun o merepen vin lella, yob bičras man, te penap kova i menshenge.

Tito 1:5

Me moukom tout an o them Kreta pale, te kress tou kova, hoy me bouder gar krom, oun te rodess tou phoureden vin mashkral i patslende an hako foro, te rikrenn le i patslen ap o čačo drom. Te kreh tou kova, ma biste, hoy me touke penom!

Tito 2:15

Pen kava lauter i patslenge! Rake an lengre djia! Te krenn le čomone, hoy gar mishto hi, pen les lenge an o Debleskri zoor! Hakeno hounte shounell ap toute.

Hebrearja 13:17

Shounenn ap kolende, kay sikrenn t'men, har te djan ap o Debleskro drom! Krenn kova, hoy yon t'menge penenna! Lengri boudi hi, te denn le yak ap t'mende. Oun yon hounte penenn o Debleske, har yon kran pengri boudi. Djivenn yaake, te krenn le pengri boudi i barhtelo djiyeha! Te rovenn yon pral t'mende, palle vals kova t'menge gar mishto.

Hebrearja 13:7

Ma bistrenn, har kolla pengro djipen djivan, kay penan t'menge o Debleskro lab, oun sikran t'men leskro drom! Dikenn, har yon djivan oun meran, oun zoreles an o patsepen tardo his! Djan yaake ap o Yezouseskro drom har yon djan!

Debleskro tsiro 1:20

Me kamau te hayvess, hoy kol efta bolepangre momlia hi, hoy tou an miro čačo vast dikal. Te hayvess ninna, hoy kol sonakangre momlia hi! Kol efta bolepangre momlia hi o Debleskre boudepangre, kay denn yak ap i patslende, kay an i efta forya khetne venna. Oun i efta sonakangre momlia hi i patsle, kay venna khetne an i efta forya.”

Debleskro tsiro 2:12

“Čin kava liil ap o Debleskro boudepaskro, kay dell yak ap i patslende an o foro Pergamon: Kava penell kova, koles o rharo hi, hoy ap douy rigya činella.

Debleskro tsiro 2:18

“Čin kava liil ap o Debleskro boudepaskro, kay dell yak ap i patslende an o foro Tiatira: Kava penell o Debleskro čavo, koles hi yaka har i yag, oun herya har sonakay.

Debleskro tsiro 2:3

T'mer dan t'maro patsepen gar pre, oun lan i pharo djipen mange ap t'mende, oun t'mer van gar khino an t'mari boudi mange.

Debleskro tsiro 2:8

“Čin kava liil ap o Debleskro boudepaskro, kay dell yak ap i patslende an o foro Smirna: Kava penell kova, hoy hi o glanstouno oun o palstouno, hoy moulo his, oun djido vas.

Debleskro tsiro 3:1

“Čin kava liil ap o Debleskro boudepaskro, kay dell yak ap i patslende an o foro Sardes: Kava penell kova, koles o Debleskro Dourho hi, oun koles i efta bolepangre momlia an o vast hi. Me djinau lauter, hoy t'mer kran. T'mer han moulo, ninna te penenn le pral t'mende, te han djido.

Debleskro tsiro 3:14

“Čin kava liil ap o Debleskro boudepaskro, kay dell yak ap i patslende an o foro Laodicea: Kava penell kova, kay kharell Amen, oun penell hako tsiro o čačepen, oun sikrell i menshende o čačo drom pash o Debleste. Yob his koy pashel, har o Devel lauter kras.

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.