1. Tessalonikarja 4:9 - O Debleskro Lab 2024 (Sinte-Manouche)

⁹ Me hounte činap t'menge gar, te vell t'men i baro dji i patslenge. O Devel penas t'menge kova an o dji.

O Debleskro Drom 2021 (Sinte)

⁹ Me hunte tchinap tumenge gar, te well tumen i baro dji i patslenge. O Dewel penas tumenge kowa an o dji.

1. Tessalonikarja 4:9 ပူးပေါင်းရင်းမြစ်များ

Debleskri gili 133:1

I gili o Davidestar te givell ap o drom an Yerusalem. Dikenn, har mishto oun shoukar hi, te djivenn phrala an o lačepen khetne.

Jesaja 51:13

Bistran t'mer o baro Debles, kova, kay t'men kras? Yob hi kova, kay o bolepen bourhles pral i phoub kras, oun i phoub pre čivas. Hoske darenn t'mer o tselo tsiro glan i rholi kolendar, kay rikrenn t'men tele oun kamenn t'men te marell? Lengri rholi nay taprell t'men gar!

Jeremia 31:33

Ko nevo koova, hoy palle i menshentsa Israel vin krau, hi vavarčandes. Me dau len mire laba an lengre djia oun an lengre sherya. Me vau lengro Devel, oun yon venn mire menshe. Kava penell o baro Devel.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

3. Mose 19:8

Oun koon rhal kolestar, hounte hidjrell peskri doosh, hoy yob koleha ap peste las. Yob kras, har te vals ko firho, hoy mange, o baro Debleske, dino vas, gar feteder har hako vavar mass. Savo mensho vell pale-čiddo oun nay djivell bouder gar mank peskre menshende.

Mateo 22:39

Ninna kamell lo toutar, te vess yaake lačes ap koleste, kay pash toute hi, har hal lačes ap toute kokres.

Johanni 14:26

Me te hom bouder gar pash t'mende, bičrell o dad t'menge o rakepaskres, kay vell ap t'mari rig. Kova hi o Debleskro Dourho. Oun yob penell t'menge halauter yaake, te nay hayvenn kova mishto. Oun yob moukell t'menge halauter an o shero te vell, hoy me t'menge penom.

Bičepangre 4:32

Kol tsele patslen his yek dji oun yek djipen. Kek lendar penas: Ko bravlepen, hoy man hi, hi mange kokres. Na-a, kova his lauterenge koy!

Remarja 12:10

Kamenn i phralen oun i phenyen o tselo djiyestar! Hakeno hounte rikrell o vavares bareder har pes kokres.

2. Korintarja 9:1

Pral ko lačepen, hoy mer hounte kras i patslenge, hounte činap t'menge gar.

Filiparja 3:15

Koon prindjrell kova lauter, hounte djivell yaake. Te hayvell yek t'mendar čomone vavarčandes, pale sikrell les o Devel, har kova čačo hi.

1. Tessalonikarja 5:1

Mire phrala, mer hounte činas t'menge či pral ko tsiro, kay kova lauter vella.

Hebrearja 10:16

Ap ko tsiro, hoy vella, penell o Devel, sikrau me i menshende i nevo drom, har nay venn le pash mande: Me čivau miro čačepen an lengre shere oun činau mire laba an lengre djia.

Hebrearja 13:1

Moukenn gar tele, te kamenn i phralen oun i phenyen o tselo djiyestar!

1. Petro 3:8

Ap t'mende lauterende penau: Rikrenn khetne! Hakenes te vell i dji o vavareske! T'mer lauter han phrala oun phenya. Avenn lačes yek ap o vavareste! Ma krenn t'men bares!

1. Petro 4:8

Rikrenn khetne an o kamlepen! Kova hi feteder har lauter vavar. O kamlepen čakrell boud čilačepen.

2. Petro 1:7

Koon o Debles kamella, koles hi ninna i dji peskre phralenge oun phenyenge. Kones i dji hi peskre phralenge oun phenyenge, kova kamell ninna i tsele menshen ap kay phoub.

1. Johanni 2:10

Koon peskro phrales o tselo djiyestar kamella, kova ačella o Debleha. An leste hi kek čilačepen, hoy les o Debleskro dromestar tele nay anell.

1. Johanni 3:11

Ko lab, hoy t'mer shounan, har patslo van, hi kova: Mer patsle hounte kamas men yek o vavares o djiyestar.

1. Johanni 3:23

Oun kava kamell o Devel mendar: te patsas mer ap leskro čaveste, o Yezous Kristeste, oun te kamas men, yek o vavares o djiyestar, yaake har o Yezous Kristo les menge penas.

1. Johanni 4:21

Kava hi, hoy o Yezous menge penas: Koon o Debles kamella, kova hounte kamell ninna peskro phrales o tselo djiyestar.