1. Tessalonikarja 4:4 - O Debleskro Lab 2024 (Sinte-Manouche)

⁴ Hako morsh hounte djivell peskri romyah yaake khetne, har glan o Debleste mishto hi. Yob hounte dikell gar ap late, har te vals li či moldo.

O Debleskro Drom 2021 (Sinte)

⁴ Hako mursh hunte djiwell peskri romjah jaake khetne, har glan o Debleste mishto hi. Job hunte dikell gar ap late, har te wals li tchi moldo.

1. Tessalonikarja 4:4 ပူးပေါင်းရင်းမြစ်များ

Bičepangre 9:15

Penas o ray Yezous leske: “Dja pash leste! Me rodom koles vin, te vell yob mange koy, te djal lo pash kolende, kay kek bibolde hi, pash lengre bare rayende, oun pash kol tsele biboldende, te penell lo lenge mandar.

Remarja 1:24

Doleske moukas o baro Devel len an pengro djoungelo koova te perell, hoy an lengre djia hi, te krenn le vi-ladjedo koova yek o vavareha.

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.

Remarja 6:19

Me penom t'menge kova yaake, te hayvenn man nay. Har hans gomme gar patslo, kran t'mer djoungelo oun čilačo koova. Oun o čilačepen an t'mende vas baro oun bareder. Kanna hi kova vavarčandes. Doleske krenn kova, hoy lačo oun čačo hi! Yaake djivenn t'mer o Debleskro djipen.

1. Korintarja 6:15

Djinenn t'mer gar, kay han yek o Yezous Kristeha? I mensho, kay hi yek o Yezous Kristeha, nay vell gar khetne i loubyah. Kova djal gar!

1. Korintarja 7:2

Hi feteder, te hi hako morshes peskri romni oun haki djouvyat peskro rom, har te krenn le vi-ladjedo koova.

1. Korintarja 7:9

T'mer te djivenn nay gar kokres, palle romedinerenn. Hi feteder, te romedinerenn t'mer, har te doukell o morsheskro dji pal i djouvyate oun i djouvyakro dji pal i morsheste.

2. Korintarja 4:7

O lačo lab o Yezous Kristestar hi i baro bravlepen, hoy mer hidjrah an mende. Mer kokres ham har čare, hoy či moldo hi, yaake te dikell hakeno, koy bari zoor vell o Deblestar, oun gar mendar.

Filiparja 4:8

Pale penau t'menge, mire phrala, rakrenn pral kova, hoy lačo oun čačo hi, hoy djoudjo hi, hoy kamlo hi, hoy mishto hi pash i menshende! Ava, rakrenn pral lauter kova, hoy shoukar hi oun vell sharedo!

Hebrearja 13:4

Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.

1. Petro 3:7

Morshale, djivenn t'mare romyentsa lačes khetne! Yon hi gar yaake zorelo har t'mer. Avenn lačes ap lende! Ma bistrenn, i djouvya lenn o Debleskro djipen har t'mer! Te djivenn t'mer yaake, palle vell či mashkral t'mende tardo ap ko tsiro, kay rakrenn o Debleha.

1. Samuel 21:5

Oun o rashay penas ap o David: “Man hi kek maro, kokres ko maro, hoy o Debleske hi. Kova nay dau t'mende, te tapran kol morsha, kay pash toute hi, kek djouvyat an!”