1. Tessalonikarja 4:1 - O Debleskro Lab 2024 (Sinte-Manouche)

¹ Mire phrala, mer sikram t'mende, har te djivenn t'maro djipen yaake, te vell o Devel barhtelo pral t'mende. Oun kova krenn t'mer. Kanna mangah t'men yaake har maro ray, o Yezous, mangals t'mendar: Krenn kova gomme boudeder oun feteder!

O Debleskro Drom 2021 (Sinte)

¹ Mire phrala, mer sikram tumende, har te djiwenn tumaro djipen jaake, te well o Dewel bachtelo pral tumende. Un kowa krenn tumer. Kanna mangah tumen jaake har maro rai, o Jesus, mangals tumendar: Krenn kowa gomme budeder un feteder!

1. Tessalonikarja 4:1 ပူးပေါင်းရင်းမြစ်များ

2. Familjakro liil 17:4

O Yosafat rodas o Debles peskre phourendar, oun djivas pal o Debleskre laba, – oun gar yaake har i bare raya pral Israel djivan.

Hiob 17:9

Yek, kay an o čačepen tardo hi, moukell gar tele peskro dromestar. Oun koon i djoudjo djipen djivell, vell zorleder oun zorleder.”

Debleskri gili 92:14

Yon hi har rouka, kay hi tardo an o baro Debleskro kheer, oun kay venn zenelo ap i platsa glan o Debleskro kheer.

Gosewe laba 4:18

O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Johanni 15:2

Hako zenelo kasht ap mande, hoy anell kek drake, činell yob tele. Oun ko kasht, hoy anell drake, krell yob djoudjo, te anell lo boudeder drake.

Bičepangre 20:27

Me moukom gar tele, te penap t'menge halauter, hoy o Devel t'menge kras.

Remarja 8:8

Kolla, kay pengro phouro djipen djivenna, pral kolende nay vell o Devel gar barhtelo.

1. Korintarja 11:23

Hoy me t'menge penom, kova penas mange o ray Yezous. Koy rati, kay vas ap maro rayeste, o Yezouseste, phoukedo, las yob ko maro,

1. Korintarja 15:1

Mire phrala, ma bistrenn o lačo lab o Yezousestar, hoy me t'menge penom! T'mer lan ko lab pre, oun t'mer djivenn pal kova.

1. Korintarja 15:58

Doleske, mire kamle phrala, ačenn zoreles an o patsepen! Ma moukenn t'men kekestar o Debleskro dromestar tele te anell! Avenn hako tsiro o Debleske koy, oun boudrenn leske mishto! T'mer djinenna: Kay boudi, hoy leske krenna, hi gar čičeske.

2. Korintarja 10:1

Me, o Paulo, rakrau t'mentsa kamles oun lačes, yaake har o Yezous Kristo kamles oun lačes hi. Hi menshe mank t'mende, kay penenna: “Me te hom pash t'mende, nay rakrau kek triin laba. Te hom dour t'mendar krik, palle rakrau zorele labentsa.”

2. Korintarja 13:11

Kanna, mire phrala, avenn barhteles, oun avenn pale pale ap o čačo drom! Shounenn ap kol laba, hoy me t'menge penom. Rikrenn khetne oun čingrenn t'men gar! Oun o Devel, kay dell kamlepen oun barht an o dji, vell t'mentsa!

2. Korintarja 5:9

Doleske kamah lauter te krell, te vell yob barhtelo pral mende kate ap kay phoub, oun ninna kote pash leste.

2. Korintarja 6:1

Mer ham o Debleskre boudepangre. Doleske penah t'menge: Ma vitsrenn gar o Debleskro lačepen an i čik!

Galatarja 6:1

Mire phrala, nay vell, kay krell yek t'mendar i čilačo koova. Anenn kol menshes pale ap o čačo drom! Rakrenn leha lačes! Yaake sikrenn t'mer, kay djivenn yaake, har o Debleskro Dourho kova kamella. Denn yak ap t'mende, te perenn t'mer gar ninna o Debleskro dromestar tele!

Efesarja 4:1

Me hom an o stilepen o Yezouseske, maro rayeske, oun mangau t'men o djiyestar, te djivenn t'mer t'maro djipen har save menshe, kolen o Devel peske khetne gole das.

Efesarja 4:20

Savo koova kras o Yezous Kristo gar. Na-a!

Efesarja 5:17

Doleske krenn t'maro dji pre, te hayvenn, hoy o ray Yezous t'mendar kamella!

Filiparja 1:27

Kanna, krenn lauter, te djan yaake ap o Yezouseskro drom, har kova t'mende siklo vas! Krenn kova ninna, te hom gar pash t'mende! Te dikau t'men gar, kamaus te shounap, te rikrenn t'mer lauter khetne an o patsepen, oun te krenn i tseli zoryah lauter, te vell o patsepen ap o Yezous Kristeste zorelo pash t'mende.

Filiparja 1:9

Oun me mangau o Deblestar, te vell t'maro kamlepen bareder oun bareder, te hayvenn, hoy o Devel kamella, oun te djinenn, hoy te krenna.

Filiparja 3:14

Me nashau ap o Yezouseskro drom doureder, te lap ko shoukar koova, hoy dell o Devel kolen, kay gar pre dan. Kova hi o djipen pash leste an o bolepen. Doleske das lo men gole, te djivas o Yezous Kristeha khetne.

Kolossarja 1:10

Palle djivenn t'mer yaake, te vell o Devel sharedo, oun krenn lauter, hoy hi lačo oun mishto glan leskre yaka. Oun dran t'maro djipen vell boud lačo koova. Oun t'mer prindjrenn o Debles hako tsiro feteder.

Kolossarja 2:6

T'mer lan o rayes, o Yezous Kristes, an t'mare djia. Djivenn kanna yaake leha khetne,

1. Tessalonikarja 3:12

T'menge mangau me maro rayestar, o Yezousestar, te vell t'maro kamlepen baro oun bareder mashkral t'mende oun i vavar menshenge ninna. Yaake baro hi ninna maro kamlepen t'menge.

1. Tessalonikarja 4:2

T'mer djinenna, hoy yob t'mendar kamella. Mer penam les t'menge.

1. Tessalonikarja 5:12

Mire phrala, mer mangah t'men: Shounenn ap t'mare pralstunende, kay boudrenn mashkral t'mende! O Devel čivas len an pengri boudi, te sikrenn le t'men, hoy yob kamella!

2. Tessalonikarja 1:3

Mire phrala, mer hounte parkras men t'menge pash o Debleste hako tsiro, yaake boud lačepen shounam t'mendar. T'maro patsepen vell baro oun bareder. Oun pash t'mende lauterende vell o kamlepen bareder, kay yek o vavareske hi.

2. Tessalonikarja 2:1

Mire phrala, kanna kamah te penas t'menge pral ko tsiro, kay vell maro ray, o Yezous Kristo, pale, te lell lo men pash peste.

2. Tessalonikarja 3:1

Ninna mangau t'mendar, mire phrala: Mangenn o Yezousestar, maro rayestar, menge, te nay penah leskro lab an boud vavar forya, te vell lo kote yaake sharedo, har pash t'mende.

2. Tessalonikarja 3:13

T'mer, mire phrala, ma avenn khino te krenn kova, hoy lačo hi!

1. Timoteo 5:21

Me penau touke zoreles glan o Debleste, oun glan o Yezous Kristeste, oun glan kol Debleskre bolepangre, te rikress tout ap ko koova, hoy me touke kanna penom! Pash hakeneste dja pal o čačepen! Ma tserde yekes glan o vavareste!

2. Timoteo 4:1

Kova, hoy kanna penau touke, penau glan o Debleste oun glan o Yezous Kristeste, kay krell o čačepen vin pral i djidende oun i moulende. Yob, kay vell pale, te vell lo baro ray pral i tsele menshende, kova shounell, hoy touke penau:

Hebrearja 11:6

Te hi yekes kek patsepen, nay krell lo gar, hoy hi lačo glan o Debleskre yaka. Koon kamell pash o Debleste te vell, kova hounte patsell, te hi o Devel djido, oun te hi lo lačo ap koleste, koon rodell les.

Hebrearja 13:16

Ma bistrenn te krenn o lačepen! Denn i vavaren čomone, te vell len ninna čomone! Kova, hoy t'mer i menshenge krenna, hi har te krans t'mer les o Debleske. Oun yob dikell lačes ap kova.

Hebrearja 13:22

Mire phrala, me mangau t'men, shounenn ap kol laba, hoy me t'menge an kava tikno liil činom!

2. Petro 3:18

Djivenn boud oun boudeder dran o lačepen, hoy maro ray, o Yezous Kristo, t'men della! Yob las men vin dran o čilačepen. Prindjrenn les boud oun boudeder! Sharedo vell yob kanna oun hako tsiro. Amen.

1. Johanni 3:22

Oun lauter, hoy mer lestar mangah, kova lah mer, te rikrah men ap kova, hoy yob menge penas, oun djivah yaake, har yob kamella.