1. Tessalonikarja 3:7 - O Debleskro Lab 2024 (Sinte-Manouche)

^7-8 Mire phrala, kal lače laba kran mare djia barhtelo. T'maro patsepen das men nevi zoor an maro pharo djipen. An i daar lam pale i nevi zoor, har dikam, te rikrenn t'men ap o rayeste, o Yezouseste.

O Debleskro Drom 2021 (Sinte)

^7-8 Mire phrala, kal latche laba kran mare djia bachtelo. Tumaro patsepen das men newi soor an maro pharo djipen. An i daar lam pale i newi soor, har dikam, te rikrenn tumen ap o rajeste, o Jesuseste.

1. Tessalonikarja 3:7 ပူးပေါင်းရင်းမြစ်များ

2. Korintarja 1:4

Ninna te vell boud pharo koova ap mende, hi lo pash mende oun krell mare djia zoreles, te penas mer kolenge lače laba, ap kolende ninna pharo koova vella, te venn yon pale zoreles, yaake har kras o Devel mare djia zoreles.

2. Korintarja 7:13

Oun kova kran t'mer. Oun doleske vas nevi zoor an mare djia. Ava, mare djia van pale zoreles oun mari barht vas gomme bareder, har dikam, har barhtelo o Tito his, har vas lo t'mendar pale. T'mer lauter kran leskro dji zoreles.

1. Tessalonikarja 3:6

Kanna vas o Timoteo pale, oun penas lačo koova pral t'maro patsepen oun kamlepen. Lestar djinah, mer ham hako tsiro an t'maro dji. Oun t'mer kamenn men pale te dikell, yaake har kamah mer t'men pale te dikell.

2. Johanni 1:4

Me homs barhtelo, kay hatsom menshe t'mendar, kay an o čačepen djivenna, yaake har o Devel, maro dad, kova kamella.