1. Tessalonikarja 3:5 - O Debleskro Lab 2024 (Sinte-Manouche)

⁵ Doleske rikrom kova bouder gar vin, oun bičrom o Timotes pash t'mende, te nay penell lo mange, har han tardo an t'maro patsepen. Man his traash, te anals t'men o beng o Debleskro dromestar tele. Palle vals mari boudi pash t'mende čičeske.

O Debleskro Drom 2021 (Sinte)

⁵ Doleske rikrom kowa buder gar win, un bitchrom o Timotes pash tumende, te nai penell lo mange, har han tardo an tumaro patsepen. Man his traash, te anals tumen o beng o Debleskro dromestar tele. Palle wals mari budi pash tumende tchitcheske.

1. Tessalonikarja 3:5 ပူးပေါင်းရင်းမြစ်များ

Jesaja 49:4

Mange vas kova vavarčandes glan. Oun me penom: Čačepah, his čičeske koy phari boudi, hoy ap mande lom. Dom čičeske miri tseli zoor kolake. Djinau, miro čačepen hi pash o baro Debleste, oun kova, hoy lau koleske, hoy krom, vell miro Deblestar.

Daniel 6:19

Oun o baro ray djas peske an peskro kheer, oun rhas či oun moukas peske kek rhapen te vell oun nay sovas gar i tseli rat.

Mateo 4:3

Koy vas o beng pash leste, oun penas: “Te hal tou o Debleskro čavo, rake ap kol barra, te vell lendar maro!”

Bičepangre 15:36

Pal yek tsiro penas o Paulo ap o Barnabeste: “Djas pale pale an kol tsele forya, kay mer o Debleskro lab i menshenge penam! Dikas pal mare phralende an i vavar themma, har lenge djala!”

1. Korintarja 7:5

Kek t'mendar te rikrell pes kol vavarestar pale! T'mer nay rikrenn t'men i tikno tsiro pale, te kamenn t'mer douy kova, te mangenn o Debles an. Oun pal kova avenn pale khetne har rom oun romni! Te krenn t'mer kova gar, palle nay vell, te han bouder gar o ray pral t'mende oun perenn an o bengeskro vast.

2. Korintarja 2:11

Me kamau gar te taprell men o beng. Mer djinah mishto, hoy koles hi an leskro shero.

2. Korintarja 6:1

Mer ham o Debleskre boudepangre. Doleske penah t'menge: Ma vitsrenn gar o Debleskro lačepen an i čik!

Galatarja 4:11

Me trashau t'menge, kay miri boudi pash t'mende čičeske his.

Efesarja 4:14

Palle ham bouder gar har tikne čave, kay lauter patsenna, kava dives yaake oun ko vavar dives vavarčandes. Oun mer shounah bouder gar ap kolende, kay rhorhenna, oun kamenn men o čačo dromestar tele te anell.

Filiparja 2:16

te rikrenn t'mer ap o Debleskro lačo lab, hoy o djipen della. Te krenn t'mer kova lauter, palle hom me barhtelo ap ko dives, kay o Yezous Kristo pale vella. Yaake his miri boudi pash t'mende gar čičeske.

Filiparja 2:19

Kamau te bičrap o Timotes sik pash t'mende, oun patsau, te krell maro ray Yezous i drom, te bičrap les. O Timoteo, te vell lo pale pash mande, nay penell lo mange, har t'menge djala, te vap barhtelo pral t'mende.

1. Tessalonikarja 2:1

Mire phrala, t'mer djinenna, har vam pash t'mende, oun penam t'menge o Debleskro lab. Kova his gar čičeske.

1. Tessalonikarja 3:6

Kanna vas o Timoteo pale, oun penas lačo koova pral t'maro patsepen oun kamlepen. Lestar djinah, mer ham hako tsiro an t'maro dji. Oun t'mer kamenn men pale te dikell, yaake har kamah mer t'men pale te dikell.