1. Tessalonikarja 2:5 - O Debleskro Lab 2024 (Sinte-Manouche)

⁵ T'mer djinenna, mer rakram t'menge gar pal o mouy. Vitar gar penam o Debleskro lab, te las love i menshendar. O Devel djinella, me penau o čačepen.

O Debleskro Drom 2021 (Sinte)

⁵ Tumer djinenna, mer rakram tumenge gar pal o mui. Witar gar penam o Debleskro lab, te las lowe i menshendar. O Dewel djinella, me penau o tchatchepen.

1. Tessalonikarja 2:5 ပူးပေါင်းရင်းမြစ်များ

Hiob 16:19

Ninna kanna hi yek an o bolepen, kay stell mange pre oun vell ap miri rig. Kova, kay mange mishto rakrell, hi an o pralstunepen.

Hiob 17:5

Hi penlo: Yek rhal khetne peskre malentsa, oun leskre čave hounte bokenna.

Gosewe laba 20:19

Kova, kay djal trouyel oun rakrell djoungelo koova pral vavarende, phoukrell ninna vin, hoy i vavar leske čorrhanes penan. Doleske rike tout pale kolestar, kay nay rikrell gar peskro mouy.

Gosewe laba 26:28

Kova, kay rhorhepen rakrell, kamell o vavareske čilačepen te krell oun les doukrell. Oun kova, kay goudle labentsa rakrell, anell i bibarht.

Gosewe laba 28:23

Te peneh yekeske, hoy yob gar mishto kras, palle vell ko tsiro, kay parkrell lo pes pash toute. Oun kova boudeder, har te rakrals leske pal o mouy.

Jesaja 30:10

Ap i dikepangre penenn le: “Ma dikenn i dikepen.” Oun ap o Debleskre rakepangre penenn le: “Ma penenn menge, hoy o Devel t'mende sikras oun hoy čačo hi! Penenn menge kova, hoy pes menge shoukar an-shounell! Oun sikrenn men sau koova, har mari djia les kamenn.

Jesaja 56:11

Boud rhapen kamenn le, oun lenn gar doha. Yaake hi kolla, kay ap mire menshende yak denn. Yon hayvenn či, hakeno dikell ap peste kokres, oun rodell, har nay anell lo peskre love khetne.

Jeremia 6:13

Kol baren oun kol tiknen hi bok ap bravlepen, hoy gar lengro hi. Oun o Debleskre rakepangre oun i rashaya rhorhenn i menshen,

Jeremia 8:10

Lengre djouvyen dau vavar morshende. Oun lengre kotya them dau kolende, kay tradan len krik. Halauter, tikne oun bare, rhorhenna, te venn le bravelo. Ninna i Debleskre rakepangre oun rashaya rhorhenn i menshen,

Micha 3:5

Kava penell o baro Devel ap i rakepangre, kay penenn, te vell len i lab o baro Deblestar, oun kova hi gar yaake. Yon rhorhenn i menshen oun penenn kolenge, kay denn len rhapaske: Halauter vell mishto t'mentsa! Kolenge, kay denn len či te rhal, penenn le: I čilačo tsiro vell pral t'mende.

Maleachi 1:10

Kamaus, te vals yek t'mendar koy, kay krals o voudya an miro kheer pandles, te krenn t'mer gar čičeske i yag ap miri rhačepaskri! Man hi doha t'mendar, penell o baro Devel, ko ray pral o bolepen oun i phoub. Oun kol marede firhe, hoy mange anenn, hi mange gar mishto.

Mateo 22:16

Oun yon bičran pengre morshen pash leste. Lentsa djan ninna vavar morsha. Kolla his o Herodeskre mala. Oun yon penan ap leste: “Sikepaskro, mer djinah, tou peneh o čačepen, oun sikreh mishto i menshende o Debleskro drom. Tou rakreh kekeske pal o mouy, ninna te hi len boud penepaske.

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

Bičepangre 20:33

T'mer djinenna: Me mangom kekestar t'mendar čomone: kek sonakay, kek roup, kek an-ripaske. Mire vastentsa boudrom, te vell man oun kolen, kay pash mande hi, te rhal.

Remarja 1:9

Maro Devel, koleske boudrau o tselo djiyeha oun penau i menshenge leskro čavestar, yob djinella, me penau o čačepen: Me moukau gar tele, te mangap les t'menge.

Remarja 16:18

Save menshe boudrenn gar maro rayeske, o Yezous Kristeske. Na-a, yon krenn, hoy lenge kokres mishto hi. Shoukar labentsa oun baro rakepen anenn le kolen o Debleskro dromestar tele, kay denn gar yak.

Remarja 9:1

Glan o Yezous Kristeste penau t'menge: Kova, hoy t'menge kanna penau, hi o čačepen oun kek rhorhepen. Ninna o Debleskro Dourho an miro dji penell mange kova.

2. Korintarja 12:17

Kolla, kay pash t'mende bičrom, čoran kolla t'mare love? Na-a!

2. Korintarja 2:17

Boud rakepangre penenn o Debleskro lab, te lenn le i menshenge love lendar tele. Yaake ham mer gar. Mer penah o Debleskro lab čičeske. Kova krah o Yezous Kristeske. Mare laba venna o Deblestar. Oun yob shounell, hoy rakrah.

2. Korintarja 4:2

Djungelo koova, hoy krenn i menshe čorrhanes, kova krah mer gar. Mer rhorhah kek menshen oun penah o Debleskro lab yaake har činlo hi, oun gar vavarčandes. Yaake djivah glan o Debleste oun rakrah o čačepen, te hayvell nay hakeno, kova, hoy penah, hi čačo.

2. Korintarja 7:2

Krenn t'mare djia menge pre! Mer kram kekes i čilačo koova oun doukram kekes, oun rhorhram kek menshes.

Galatarja 1:20

O Devel djinella, kay kava lauter čačo hi, hoy me t'menge činau. Me rhorhau gar.

1. Tessalonikarja 2:10

O Devel dikas, har djivam mashkral t'mende. Oun t'mer, kay ap leste patsenna, dikan ninna, te djivam yaake pash t'mende har o Devel kamella, oun djam pal o čačepen, te hatsas kek i doosh ap mende.

1. Timoteo 3:3

Yob hi kek pipaskro. Yob hi kek marepaskro. Les hi i baro dji i vavarenge. Yob hi kek čingepaskro. Yob hi gar pal i love.

1. Timoteo 3:8

Yaake har i phoureder mank i patslende hounte djivenn lačes glan i menshengre yaka, yaake hounte djivenn kolla ninna, kay boudrenn i patslenge an o Debleskro kheer. Yon te rakrenn gar douy čipyentsa. Yon te venn kek pipangre. Yon te nashenn gar pal i love.

Tito 1:7

I pralstouno pral o Debleskro kheer hounte djivell yaake, te dikell kek i čilačo koova ap leste. Yob djal gar pal peskro shero, oun vell gar sik rhoyemen! Yob vell kek pipaskro oun kek čingepaskro! Yob nashell gar pal i love!

1. Petro 5:2

Denn garda ap i patslende, kay o Devel peske khetne anas! T'mer han har i bakrengre. Oun o Debleskre čave hi har bakre, hoy o Devel an t'mare vasta das. Denn len kova, hoy len hounte vella, te ačell lengro patsepen djido! Krenn kova o tselo djiyestar! Yaake kamell les o Devel. Krenn kova gar, har te vals i phari boudi, hoy hounte krenn! Krenn koy boudi dran o kamlepen oun gar, te venn t'mer playsedo!

2. Petro 2:18

Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre.

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.