1. Tessalonikarja 2:19 - O Debleskro Lab 2024 (Sinte-Manouche)

¹⁹ Mer ham barhtelo pral t'mende. Oun mer dikah ap ko dives, kay vell maro ray Yezous pale. Palle nay sharah men t'mentsa.

O Debleskro Drom 2021 (Sinte)

¹⁹ Mer ham bachtelo pral tumende. Un mer dikah ap ko diwes, kai well maro rai Jesus pale. Palle nai sharah men tumentsa.

1. Tessalonikarja 2:19 ပူးပေါင်းရင်းမြစ်များ

Gosewe laba 12:4

I romni, kay peskri boudi mishto krell, hi peskro romeske har shereskro sonakay. I romni, kay anell ladj ap peskro romeste, hi har i djoungelo nasslepen an leskre kokale.

Gosewe laba 16:13

I mensho, kay o čačepen rakrell, krell, te dikell o baro ray lačes ap leste. Yob kamell o morshes o labestar.

Gosewe laba 17:6

Čavengre čave hi har i rayeskri stadi i phourenge. Oun i čave sharenn pen pengro papeha oun pengri mami.

Gosewe laba 4:9

Har i rayeskri stadi ap tiro shero hi o gosvepen touke. Ava, har i rayeskri stadi krell lo tout shoukar.

Jesaja 62:3

Oun tou veh har i kouč rayeskri stadi an o baro Debleskro vast, ava, i rayeskro shereskro an tiro Debleskro vast.

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Markus 8:38

I menshe an kava tsiro hi čilačo oun moukan o Debles. Kova, kay ladjell pes mange oun mire labenge glan kolende, koleske ladjau me ninna, te vau me, o Mensheskro Čavo, pale ap i phoub. Ap ko dives hi man o raylepen, hoy das man miro dad an o bolepen. Oun mantsa venna o Debleskre bolepangre.

Johanni 21:22

Penas o Yezous ap leste: “Te kamau me, te ačell yob djido, bis te vau pale, palle hi kova gar tiro koova. Am tou mantsa!”

1. Korintarja 15:23

Hakeno ap peskro tsiro: O Yezous Kristo hi o glanstouno. Te vell lo pale, stenn kolla pre, kay ap leste patsan.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

Filiparja 2:16

te rikrenn t'mer ap o Debleskro lačo lab, hoy o djipen della. Te krenn t'mer kova lauter, palle hom me barhtelo ap ko dives, kay o Yezous Kristo pale vella. Yaake his miri boudi pash t'mende gar čičeske.

Filiparja 4:1

Mire kamle phrala, me kamau o tselo djiyestar pash t'mende te vell. T'mer han miri barht oun miro raylepen. Doleske ačenn zoreles pash maro rayeste, o Yezouseste!

1. Tessalonikarja 2:20

T'mer han maro raylepen oun mari barht.

1. Tessalonikarja 3:13

Palle venn t'mare djia zorelo oun djoudjo. Oun o Devel, maro dad, hatsell kek doosh ap t'mende ap ko dives, kay vell o Yezous, maro ray, pale lauterentsa, kay leskre hi.

1. Tessalonikarja 4:15

Mer penah t'menge, hoy o ray Yezous menge penas. Mer, kay ham gomme djido ap ko dives, kay vell o Yezous pale, vah gar sikeder pash leste har kolla, kay meran.

1. Tessalonikarja 5:23

O Devel kras i drom, te vas pash leste. Lestar mangau, te krell lo t'maro tselo djipen djoudjo glan leste, te rikrell lo t'men an peskre vasta, yaake te hatsell lo kek doosh ap t'mende ap ko dives, kay vell maro ray, o Yezous Kristo, pale.

2. Tessalonikarja 1:4

Mer sharah men t'mentsa pash i patslende, kay venn khetne an o Debleskro lab an i vavar forya, oun penah lenge, hoy t'mer lauter ap t'mende lenna, oun te moukenn gar t'maro patsepen, ninna te lenn le t'men palla oun krenn t'maro djipen phares.

2. Tessalonikarja 1:7

T'mer, kay venn kanna palla lino, t'men dell lo i bari barht. Kova dell lo t'men mentsa khetne ap ko dives, kay vell maro ray Yezous pale dran o bolepen, oun lauter dikenn les. Leskre zorele bolepangre venn leha,

2. Tessalonikarja 2:1

Mire phrala, kanna kamah te penas t'menge pral ko tsiro, kay vell maro ray, o Yezous Kristo, pale, te lell lo men pash peste.

Tito 2:13

Oun mer dikah ap ko barhtelo dives, kay vell o Yezous Kristo pale an o shoukar raylepen. Yob hi maro baro Devel, kay las men dran o čilačepen vin.

Jakobo 5:7

Mire phrala, dikenn ap o dives, kay vell maro ray Yezous pale, oun avenn gar khino an t'mare djia, yaake har i harho dikell ap ko dives, kay peskro kouč djob bares vas. Yob djinell, o brishin hounte vell oun krell i phoub sapeno, oun pal i tsiro hounte dell pale brishin, te vell o djob bares. O tselo tsiro vell o harho gar khino an peskro dji.

Jakobo 5:8

Ninna t'mer, ma avenn khino an t'mare djia! Ačenn zoreles an o patsepen! Hi bouder gar rah, kay vell maro ray Yezous pale.

1. Petro 5:4

Oun ap ko dives, kay vell o pralstouno bakrengro, lenn t'mer leskro raylepen, hoy ačella hako tsireske.

2. Petro 1:16

Mer penam t'menge, te vell maro ray, o Yezous Kristo, i bari zoryah pale. Kova hi kek gosevi parmissa. Na-a. Mer dikam leskro baro raylepen mare yakentsa.

2. Petro 3:4

oun penenn ap t'mende: “Kay hi t'maro Yezous? Yob penas, kay yob pale vella. Mare phoure meran, oun lauter ačas yaake har his, har i phoub kerdo vas.”

1. Johanni 2:28

Oun kanna, mire čave, ačenn pash leste, te vell men kek traash, te vell yob pale. Yaake hounte ladjas men gar glan leste.

Judas 1:24

Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.

Debleskro tsiro 1:7

Dikenn, yob vella dran o bolepen, oun hakeno dikell les, ninna kolla, kay les ap o troushel dan. Oun an hake themma rovenn le pral leste, oun penenn le: “Patsams mer ap leste!” Ava, yaake hounte vell kova. Amen.

Debleskro tsiro 22:12

Dik, me vau sik, oun dau hakenes pal kova, hoy yob kras.