1. Tessalonikarja 1:8 - O Debleskro Lab 2024 (Sinte-Manouche)

⁸ T'mendar djas o lačo lab o Yezousestar, maro rayestar, doureder, gar kokres an i themma Macedonia oun Akaya. Na-a, ninna an boud vavar themma shounan i menshe, har t'mer patsenn ap o Debleste. Yaake hounte penas mer lenge bouder či pral kova.

O Debleskro Drom 2021 (Sinte)

⁸ Tumendar djas o latcho lab o Jesusestar, maro rajestar, dureder, gar kokres an i themma Macedonia un Achaja. Na-a, ninna an bud wawar themma shunan i menshe, har tumer patsenn ap o Debleste. Jaake hunte penas mer lenge buder tchi pral kowa.

1. Tessalonikarja 1:8 ပူးပေါင်းရင်းမြစ်များ

2. Mose 18:9

Kote vas o Yetro barhtelo pral ko tselo lačepen, hoy o baro Devel ap i Israelitarya kras, te las lo len dran o vast i Egiptarendar vin.

Jesaja 2:3

oun penenn: “Avenn, te djas pre ap i berga o baro Deblestar, pash o kheer o Yakobeskro Deblestar, te sikrell lo men peskre dromma, te djinas, hoy lo mendar kamell.” O baro Debleskre laba djan vin dran Sion. Dran o foro Yerusalem rakrell lo i menshentsa.

Jesaja 52:7

Har shoukar hi, te vell kova pral i berge, kay penell menge lačo nevo koova, oun penell: Hi bouder kek kourepen. I lačo tsiro vas. T'mer han bouder gar pandlo. Oun ap mende an Sion penell lo: Tiro Devel hi o baro ray!

Jesaja 66:19

Oun me čivau i sikepen pre mank lende. Oun kolendar, kay djides ačan, bičrau me pash i menshende an themma Tarsis, Poul oun Loud, Meshek, Rosh, Toubal, Yavan oun pash kolende dour vergel o baro pani, kay mandar gomme či shounan, oun miro raylepen gomme gar dikan. Oun mire bičepangre penenn kol menshenge, har raylo me hom.

Bičepangre 18:12

An ko tsiro, har his o Gallio o pralstouno oun čačepaskro ray pral o them Akaya, čivan pen kol bibolde khetne, oun anan o Paules glan leste,

Remarja 1:8

Glan hake vavar laba, hoy kamau t'menge te činell, penau t'menge: Hako tsiro, kay rakrau o Yezous Kristeha, parkrau man pash miro Debleste t'menge halauterenge. Ap i tseli phoub rakrenn le pral t'maro patsepen.

Remarja 16:19

Boud menshe shounan, kay t'mer ap o Debleste patsenn oun ap leste shounenn. Doleske hom me barhtelo pral t'mende. Oun me kamau o tselo djiyestar, te hayvenn t'mer boud oun boudeder, hoy lačo hi, oun te krenn kek čilačo koova.

1. Korintarja 14:36

Vas o Debleskro lab t'mendar? Na-a! Vas o Debleskro lab pash t'mende kokres? Na-a!

2. Korintarja 2:14

Me parkrau man pash o Debleste, te dell lo men i zoor, te djas ap o Yezouseskro drom. Khetne o Yezouseha ham hako tsiro zorleder har o čilačepen. Oun kote, kay penah i menshenge o lačo lab o Yezousestar, hi kova yaake, har te vell i lačo soungepen pash boud menshende.

2. Korintarja 3:4

Mer patsah zoreles, te krell o Devel savo liil dran t'mende. Kava patsepen das men o Yezous Kristo.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

2. Tessalonikarja 1:4

Mer sharah men t'mentsa pash i patslende, kay venn khetne an o Debleskro lab an i vavar forya, oun penah lenge, hoy t'mer lauter ap t'mende lenna, oun te moukenn gar t'maro patsepen, ninna te lenn le t'men palla oun krenn t'maro djipen phares.

2. Tessalonikarja 3:1

Ninna mangau t'mendar, mire phrala: Mangenn o Yezousestar, maro rayestar, menge, te nay penah leskro lab an boud vavar forya, te vell lo kote yaake sharedo, har pash t'mende.

1. Timoteo 2:8

Yaake kamau me, te mangenn i morsha o Debles an, kote, kay i patsle khetne venna. Kal morsha hounte djivenn pengro djipen yaake, har o Devel kamella. Te hadenn le pengre vasta pre, te mangenn le o Debles an, palle hounte denn le yak, te vell kek rholi oun kek čingepen an lengre djia.

2. Timoteo 2:9

Koleske lau douka ap mande. Yon pandan man an o stilepen, har te voms i marepaskro. Ninna te pandan le man an o stilepen, nay pandenn yon gar o Debleskro lab.

3. Johanni 1:12

O Demetrio krell o lačepen. Lauter rakrenn mishto pral leste. Oun leskro djipen sikrella, te hi lo an o čačepen tardo. Mer ninna penah, kay kova, hoy yob krella, mishto hi. Oun tou djineh, kay kova, hoy mer penah, čačo hi.

Debleskro tsiro 14:6

Oun me dikom i vavar bolepaskres dour pral ap o bolepen. Kova hounte penas i menshenge o lačo lab, hoy ačella oun gar pre-herella. Yob penas les i tsele menshenge, hoy ap i phoub djivenna, haki natsyona, haki harmenatsyona, hako rakepen, oun an hake themma.

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.