1. Samuel 7:17 - O Debleskro Lab 2024 (Sinte-Manouche)

¹⁷ Palle djas lo pale an Rama, kay lo khere hi, oun rakras kote o čačepen vin pral i Israelitarya. Ninna kote kras lo i rhačepaskri, kay čomone rhačedo vell o baro Debleske.

O Debleskro Drom 2021 (Sinte)

¹⁷ Palle djas lo pale an Rama, kai lo khere hi, un rakras kote o tchatchepen win pral i Israelitarja. Ninna kote kras lo i chatchepaskri, kai tchomone chatchedo well o baro Debleske.

1. Samuel 7:17 ပူးပေါင်းရင်းမြစ်များ

1. Mose 33:20

Kote kras o Yakob i rhačepaskri o Debleske, te venn firhe leske rhačedo, oun das koy rhačepaskri ko lab O Devel hi o Israeleskro Devel.

1. Mose 35:7

Har o Yakob peskro phralestar krik nashas, moukas pes o Devel kote lestar te dikell. Doleske kras yob kote i rhačepaskri o Debleske, kay venn firhe leske rhačedo. Oun das koy platsa ko lab El-Betel.

Jesaja 10:29

djan doureder mank kol douy berge oun venn an o foro Geba, te ačenn le kote pral i rat. I menshe an o foro Rama trissenn i daryatar. Kolla dran o Sauleskro foro Gibea nashenn penge.

Čačepangre 4:5

Oun yoy his beshdo tel ko palmtikro rouk, hoy kharella palma i Deboratar. Oun koy palma his ap o drom mashkral o foro Rama oun o foro Betel an o pralstouno them Efrayim. Oun i Israelitarya van pash late, te krell li o čačepen pral lende vin.

Čačepangre 6:24

Oun o Gideon čivas kote barra pre, te krell lo i rhačepaskri, kay venn firhe rhačedo o baro Debleske, oun das lat o lab Yahve-Shalom. Gomme kava dives hi koy rhačepaskri kote tardo an o foro Ofra, kay kol menshe djivenn, kay kharenna Abiyesarya.

1. Samuel 1:1

His i morsh i menshendar Efrayim. Kova djivas an o foro Ramatayim-Zofim an o pralstouno them Efrayim. Leskro lab his Elkana. Koleskro dad his o Yeroham, koleskro dad his o Elihou, koleskro dad his o Tohou, oun koleskro dad his o Souf.

1. Samuel 1:19

Oun sik o vavar dives stan le pre. Oun har sharan le o baro Debles, djan le khere an Rama. Oun o Elkana djas rati pash i Hannate dren. Oun o baro Devel bistras i Hannat gar oun kras,

1. Samuel 11:15

Oun yon lauter djan pre an Gilgal. Oun kote, pash o Debleskro kheer čivan le o Saules pral pende, te vell lo lengro baro ray. Oun kote maran le firhen o baro Debleske, oun kran i baro rhapen. Oun o Saul oun i tsele Israelitarya rhan oun piyan barhteles khetne.

1. Samuel 14:35

Kova his o ersto kopo, kay kras o Saul o baro Debleske i rhačepaskri.

1. Samuel 15:34

Pal kova djas o Samuel an o foro Rama. Oun o Saul djas pale an peskro kheer an o foro Gibea.

1. Samuel 2:11

Oun o Elkana djas pale khere an Rama. Oun o čavo ačas an Shilo pash o rashayeste, o Eli, oun his o baro Debleske koy.

1. Samuel 28:3

Oun o Samuel meras. Oun i tsele Israelitarya van khetne oun rovan pral leste. Oun palle paskran le les an peskro foro Rama. Glan kava tsiro tradas o Saul i dravepangren oun kolen, kay poučenn i moulen, dran o them vin.

1. Samuel 8:4

Kote van i tsele phoureder dran o them Israel khetne oun djan pash o Samuel an Rama.

1. Samuel 9:12

Yon penan: “Ava, yob vas i tikno tsiro glan toute kay. Kava dives hi o dives, kay anenn le firhen o Debleske ap i pralstouni platsa. Doleske vas lo an o foro. Djan sik,